ఉప్పు వంటకు మాత్రమే కాదు.. క్లీనింగ్ ఏజెంట్ గా పనిచేస్తుంది..!

జీన్స్ దుస్తులను శుభ్రం చేస్తుంది: జీన్స్ దుస్తులు బాగా మరకలు పట్టి ఉన్నప్పుడు ఉప్పు చిలకరించి బాగా రుద్ది శుభ్రం చేయవచ్చు. ఇలా ఉప్పుతో దుస్తులు శుభ్రపడటమే కాదు, దుస్తులు సాగే గుణం లేకుండా కలర్ పోకుండా స్థిరంగా ఉంటాయి. అరబక్కెట్ లో 1 లేదా 2 చెంచా ఉప్పు వేసి 10నిముషాల పాటు జీన్స్ దుస్తులను నానబెట్టి తర్వాత సాధారణ డిటర్జెంట్ సోపుతో ఉతకడం వల్ల శుభ్రపడుతాయి.

ఇత్తడి మరియు రాగి వస్తువులను మెరిపిస్తుంది: సాధారణంగా మన ఇంట్లో అలంకరణ కోసం ఇత్తడి లేదా రాగి వస్తువులును అలంకరణలుగా ఉపయోగిస్తుంటాం లేదా మన పెద్దలకాలం నాటి వస్తువులను అలాగే దాచిపెట్టుకొని ఉంటాం. వాటిని ఉపయోగించకపోవడం వల్ల వాటి మీద త్రుప్పు, మరకలు, దుమ్ము అంటిపెట్టుకొని ఉంటాయి. అటువంటి వాటిని తిరిగి కొత్తవాటిలా మెరిపించాలంటే కొద్దిగా ఉప్పు మరియు వెనిగర్ వేసి రుద్ది శుభ్రం చేసుకోవాలి.

చిమ్నీ: వంటగదిలో ఉన్న చిమ్మీ ఎక్కువగా ఆయిల్ తో కూడిన జిడ్డు దుమ్మ దూళితో నిండి ఉంటుంది. వంటగది చిమ్నీ శుభ్రం చేయాలంటే చాలా కష్టం. కాబట్టి కొద్దిగా ఉప్పు, వెనిగర్, మరియు బేకింగ్ సోడా వేసి రుద్ది శుభ్రం చేసుకోవచ్చు.

కార్పెట్: కార్పెట్స్ మీద దుమ్మ, ధూళి మరియు ఆహారపు మరకలు, కర్రీ, వైన్ వంటివి ఒలికిపోవడం వల్ల మరకలు ఏర్పడుతాయి. ఇటువంటి మొండి మరకలను తొలగించాలంటే మరకలైన ప్రదేశంలో ఉప్పు చల్లి నీటిలో ముంచిన స్పాంజ్ తో బాగా రుద్ది శుభ్రం చేసుకోవాలి.

దుస్తులు: ఉతికిన దుస్తులు మంచి సువాసనగా ఉండాలంటే, ఉతికిన వెంటనే 5నుండి 10 నిముషాల పాటు ఉప్పు నీటిలో నానబెట్టాలి. దాంతో కలర్ కూడా పోవు.

ఐరన్ వంటపాత్రలు: ఐరన్ తో తయారు చేసినటువంటిం వంటపాత్రలు కొన్ని సందర్భాల్లో శుభ్రం చేయడానికి కష్టం కలిగిస్తుంటాయి. వీటిమీద పడ్డ ఆయిల్ మరకలు, పసుపు పచ్చని మరకలు తొలగించడానికి వేడినీళ్ళతో ఉప్పును మిక్స్ చేసి స్ర్కబ్ చేసి శుభ్రం చేయవచ్చు.

గ్లాస్ జార్స్: గ్లాస్ తో తయారు చేసినటువంటి జగ్ మరియు జార్స్ వంటివి కొన్ని రోజుల తర్వాత పసుపుపచ్చ వర్ణంలోనికి మారుతుంటాయి. వీటిని ఉప్పు వేనిగర్ వేసి రుద్ది శుభ్రంగా మంచినీళ్ళతో కడగడం వల్ల శుభ్రపడటంతో పాటు బ్యాక్టీరియాను తొలగిస్తుంది.

రిఫ్రిజరేటర్: ఫ్రిజ్ ను శుభ్రంగా మరియు ఎటువంటి దుర్వాసనా లేకుండా ఉంచాలంటే. ఉప్పు, వెనిగర్ రెండు ఒక కప్పునీళ్ళలో వేసి అందులో ఒక చిన్న కర్చీఫ్ ను నానబెట్టి తర్వాత ఫ్రిజ్ ను తుడవడం వల్ల దుర్వాస తొలగిపోవడంతో పాటు, శుభ్రపడుతుంది.

సామానుల మీద వాసన తొలగిస్తుంది: రెగ్యులర్ గా ఉపయోగించే సామానుల మీద వెల్లుల్లి, గుడ్డు, మాంసం, ఉల్లిపాయ మరియు నూనె వాసలు తొలగిపోవాలంటే ఉప్పును నిమ్మరసంలో లేసి స్ర్కబ్బర్ తో రుద్ది, మంచి నీటితో కడిగి శుభ్రం చేసుకోవచ్చు.

సిల్వర్ వస్తువులను శుభ్రం చేస్తుంది: సిల్వర్ స్పూన్స్ మరియు ఇతర సిల్వర్ వస్తువులను ఉప్పుతో శుభ్రం చేయవచ్చు.