షెల్ఫ్ లేదా సూట్ కేసులో దుస్తులు కనబడకుండా స్టోర్ చేయడం ఎలా

హాస్టల్ లో వుంటే తాజా గాలి పీల్చుకోవచ్చు. కనీ ఇంట్లో లాంటి సౌకర్యాలు అక్కడ దొరకవు. ఉదాహరణకి, మీ హాస్టల్ లోనో తాత్కాలిక వసతిలోనో మీరు ఎదుర్కొనే మొదటి సమస్య అలమార లేనప్పుడు బట్టలు జాగ్రత్త పెట్టుకోవడం.

మీరు బట్టలు దాచుకోవడానికి రెండు దార్లు ఉన్నాయి – న్యూస్ పేపర్ వేసిన షెల్ఫ్ లేదా ఒక సూట్ కేస్. ఈ రెండిటిలో మీ బట్టలు అంత తాజాగా వుండవు. పైగా, వాటిని ఇస్త్రీ చేసి దాచడం కూడా కష్టమే అనిపిస్తుంది.

బట్టలు దాచడానికి అలమార లేనప్పుడు, సూట్ కేస్ తీసుకోండి. షెల్ఫ్ లు వాడడం కన్నా సూట్ కేస్ లో బట్టలు దాచుకోవడంలో సమస్యలు తక్కువ. మీ ఇస్త్రీ బట్టలు కూడా అలానే చాలాసేపు ఉంటాయి.

షెల్ఫ్ లో బట్టలు దాచడం :

షెల్ఫ్ లో వేసిన న్యూస్ పేపర్ ను అప్పుడప్పుడు మారుస్తూ ఉండండి. పేపర్ మార్చకపోతే ఆ ఇంకు కార్తుంది, దాంతో మీ బట్టలకు మరకలు అవుతాయి.

చాలా అడ్వర్టైజ్ మెంట్లు వున్న పేపర్ వాడకండి. ఆ ప్రకటనలకు వుండే రంగులు కాలక్రమంలో మీ బట్టలకు అంటుకుంటాయి.

షెల్ఫ్ లో ముందుగా ముదురు రంగు బట్టలు వుంచండి, దాని పైన తేలికపాటి రంగులు వుండే బట్టలు పెట్టండి. అలమార లేకుండా బట్టలు దాచుకునేటప్పుడు వాడవలసిన చిట్కాలలో ఇది ఒకటి.

ప్రతి బట్టల దొంతరకు మధ్య కొంత ఖాళీ వదలండి. దీని వల్ల తేమ చేరకుండా వుంటుంది.

పురుగులు అలమారలలోనే పెరుగుతాయి. పేపర్ మీద బతికే పురుగులు, కీటకాల పట్ల జాగ్రత్త వహించండి. అవి త్వరలోనే మీ బట్టలను కూడా తినివేస్తాయి. అలమార లేనప్పుడు బట్టలు జాగ్రత్త పెట్టుకోవడంలో తీసుకోవలసిన జాగ్రత్త దాంట్లో కలరా ఉండలు వేసి ఉంచడమే.

పేపర్ బదులు మీరు ప్లాస్టిక్ షీట్లు కూడా వాడవచ్చు. అయితే వాటి రంగు బట్టలకు అంటకుండా ఉండాలంటే వాటిని తరచుగా మారుస్తూ వుండాలి.

బట్టలను సూట్ కేస్ లో దాచడం :

అలమార లేనప్పుడు బట్టలు దాచే మరో విధానం సూట్ కేస్ వాడడం. షెల్ఫ్ లో బట్టలు దాచడం తో పోలిస్తే అది మీ బట్టలను మురికి దూరంగా ఉంచుతుంది.

మీ బట్టలను మెత్తటి గుడ్డ క్రింద దాచి వుంచి అప్పుడు సూట్ కేస్ లో పెట్టండి. దీంతో మీ బట్టలు మృదువుగాను, తాజాగాను వుంటాయి.

రకరకాల దుస్తులు ఒకే సూట్ కేస్ లో పెట్టకండి. మీకు రెండో సూట్ కేస్ లేకపోతె, వేర్వేరు రకాల దుస్తులను వేర్వేరు ప్లాస్టిక్ బాగ్ లలో వుంచి అప్పుడు సూట్ కేస్ లో పెట్టండి.

సూట్ కేస్ లో బట్టలు దాచడంలో మరో విధానం ఏమిటంటే వాటిని ఒక దాని పై ఒకటి వదులుగా వుంచడం. అదిమి పెట్టి ఉంచితే గాలి బారక బట్టల మధ్యలో తేమ చేరుతుంది.

అలమార లేనప్పుడు బట్టలు దాచుకునే విధానాలు ఇవి. మీకు అలమార లేక పొతే, మీ బట్టలు దాచుకోవడానికి ఈ రెండు మార్గాలు ఎంచుకోండి.