ఇంట్లో ఎక్కడ చూసినా బొద్దింకల బెడద ఎక్కువైందా ?

వెల్లుల్లి

వెల్లుల్లిని మెత్తగా దంచి నీళ్ళలో కలిపి బొద్దింకలు వచ్చే చోట ఉంచితే చాలు బొద్దింకలు రావు.

గోధుమపిండి

వంటింట్లో బొద్దింకల బెడద ఎక్కువగా ఉంటే బోరిక్‌ పౌడర్‌, కొద్దిగా పంచదార, గోధుమ పిండి కలిపి చిన్న చిన్న ఉండలుగా చేసి వంటింట్లో అన్ని మూలలా పెడితే బొద్దింకలు మాయమవుతాయి.

దోసకాయ ముక్కలు

బొద్దింకలు రాకుండా ఉండాలంటే.. దోసకాయ ముక్కలను ఎండబెట్టి కప్‌బోర్డుల్లో, అల్మారాల్లో ఉంచితే చాలు. లేదంటే దోసకాయ తొక్క తీసి బొద్దింకలు ఎక్కువగా తిరిగే ప్రదేశంలో ఉంచినా బొద్దింకలు తగ్గిపోతాయి.

బేకింగ్ సోడా

బేకింగ్ సోడా, చక్కెర కలిపి బొద్దింకలు తిరిగే ప్రదేశంలో చల్లాలి. దీనివల్ల కచ్చితంగా బొద్దింకలు కనిపించకుండా పోతాయి.

బిర్యానీ ఆకు

బొద్దింకలు తిరిగే ప్రదేశంలో బిర్యానీ ఆకులను పౌడర్ చేసి చల్లడం వల్ల ఆ వాసనకే అవి చచ్చిపోతాయి.

సోప్ వాటర్

సోప్‌వాటర్‌లో బొద్దింకలు చాలా సమయం ఉండలేవు. కాబట్టి కొద్దిగా నీళ్లలో సోపు వేసి బాగా కలపాలి. ఈ నీళ్లను బొద్దింకల మీద చల్లడం వల్ల క్షణాల్లో చనిపోతాయి. ఇక బొద్దింకల సమస్య ఉండదు.

అమ్మోనియం

బకెట్ నీళ్లలో అమ్మోనియం కలిపి కిచెన్ సింక్, వాష్ బేసిన్, బాత్‌రూమ్‌లో పోయాలి. ఈ నీళ్ల మిశ్రమం బొద్దింకలను చాలా చిరాకు పెడుతుంది. దీంతో అవి పారిపోతాయి.

బొరాక్స్ పౌడర్

బొరాక్స్ పౌడర్ లో కొద్దిగా పంచదార కలిపి చల్లితే చీమలు, బొద్దింకలు ఇంట్లో తిరగకుండా మాయమవుతాయి.

ఎండిపోయిన నిమ్మతొక్కలు

ఎండబెట్టిన నిమ్మ డిప్పలను వార్డ్‌ రోబ్‌ల్లో వేసుకుంటే పురుగులు బొద్దింకలు, చీమల బెడద ఉండదు.

మిరియాలు

మిరియాల పొడి, ఉల్లిపాయల పేస్ట్, వెల్లుల్లి అన్నింటిని కలిపి నీళ్లు కలిపి పేస్ట్ చేయాలి. దీన్ని అక్కడక్కడ చల్లడం వల్ల బొద్దింకలు ఆ వాసనకు మాయమవుతాయి.