మాంసాహారాన్ని ఆ రోజుల్లో అస్సలు తినకూడదు, మన పూర్వీకులు తీసుకొచ్చిన అద్భుతమైన సంప్రదాయం

రోజూ మాంసం తినడానికి అలవాటు

బాడీకి కావాల్సిన ఐరన్, విటమిన్ B12, ఇతర కీలకమైన పోషకాలన్నీ మాంసం తినడం ద్వారా అందుతాయి. అందువల్ల అప్పుడప్పుడు మాంసం తినాలిన మన పెద్దలు ఈ సంప్రదాయాన్ని పరిచయం చేశారు. కానీ రానురాను మనిషి రోజూ మాంసం తినడానికి అలవాటు పడ్డాడు. ప్రతి రోజూ నేను చికెన్ బిర్యానీ తిన్నానని గొప్పగా చెప్పుకునేదాకా వెళ్లాడు. అలా రోజూ మాంసం తినడం ఆరోగ్యానికి మంచిదికాదు.

రకరకాల రోగాలు

రోజూ మాంసాహారం తినడం వల్ల పైల్స్ వస్తాయి. అలాగే మూత్రపిండాల్లో రాళ్ళు ఏర్పడతాయి. పెద్దపేగు కాన్సర్ కు గురయ్యే అవకాశం ఉంది. అలాగే రక్తపోటు, గుండెపోటు బారినపడే అవకాశం ఉంది. అందువల్ల హిందూమత్రం ప్రకారం కొన్ని ఆచారాలను సంప్రదాయాలను ఏర్పరిచారు. ఇలాగైనా రోజూ మాంసాహారం తినడం మానుకుంటారనే ఈ సంప్రదాయాన్ని తీసుకొచ్చారు మనపెద్దలు.

దేవుణ్ని పూజించే వారు తినకూడదని

సోమవారం రోజూ శివున్ని పూజించే వారు తినకూడదని నిర్ణయించారు. ఒకవేళ తింటే పాపం వస్తుందని భక్తుల నమ్మకం.అలాగే మంగళవారం హనుమంతుడిని నమ్మేవారు తినొద్దని సూచించారు. గురువారం దత్తాత్రేయ, సాయిబాబాలకు సంబంధించిన రోజు ఆ రోజు మాంసాన్ని ముట్టకూడదు. శనివారం హనుమండు, వెంకటేశ్వరస్వామిలకు సంబంధించిన రోజు అందువల్ల మాంసాన్ని ముట్టకూడదని మన పెద్దలు నిర్ణయించారు.

ఒక్కో రోజు ఒక్కో దేవుడు పేరుతో

ఇలా ఒక్కో రోజు ఒక్కో దేవుడి పేరు చెప్పి మన పూర్వికులు మాంసాహారం తినడాన్ని కాస్త నియంత్రించగలిగారు. అదే ఆచారాన్ని తరాలతరబడి మనం పాటిస్తున్నాం. అయినా ఇప్పటికీ కొందరు రోజూ మాంసాహారం తింటూనే ఉన్నారు. అలా తింటే మనకే నష్టం వస్తుందని గమనించే మన పెద్దలు ఈ సంప్రదాయాన్ని తీసుకోచ్చారు. సో ఫ్రెండ్స్ మీరు కూడా కనీసం మీ ఇష్ట దైవానికి సంబంధించిన రోజైనా మాంసాన్ని ముట్టకుండా ఉండండి. దీని వెనకాల ఉన్న పరమార్థం అర్థం చేసుకోండి.