Chanakya Niti: చాణక్య నీతి ప్రకారం వివాహేతర సంబంధానికి దారి తీసే కారణాలేంటో తెలుసా?

బాల్య వివాహం:

వివాహేతర సంబంధాలకు దారితీసే కారణాలలో ఒకటి బాల్య వివాహమని చాణక్యుడు చెప్పాడు. మొదటిది వివాహం అంటే ఏంటో కూడా తెలియని వయస్సులో వివాహం జరుగుతుంది. సంబంధం అంటే ఏంటో అర్థం తెలియని వయస్సులోనే వివాహ బంధంలోకి అడుగుపెడతారు.

కెరీర్‌లో కాలక్రమేణా పురోగమిస్తున్నప్పుడు భార్య, భర్త ఒకరికి ఒకరు సరిపోలడం లేదని అనిపిస్తుంది. దీని వల్ల ఇతర వ్యక్తుల పట్ల ఆకర్షితులవుతారు. ఆ ఆకర్షణ కాస్త వివాహేతర సంబంధానికి దారి తీస్తుందని చాణక్య నీతి.

శృంగారంలో అసంతృప్తి:

దాంపత్య బంధంలో అత్యంత కీలకమైనది శృంగారం. భార్యభర్తల మధ్య మంచి సాన్నిహిత్య ఉంటే ఆ బంధం కలకాలం సాగుతుంది. పడక గదిలో ఎంత సంతృప్తిగా ఉంటారన్నదానిపై బంధం ఆధారపడి ఉంటుంది.

శృంగారంలో అసంతృప్తి ఆ బంధంలో బీటలు రావడానికి కారణం అవుతుంది. దంపతుల మధ్య ఒకరికొకరికి ఆకర్షణ ఉండాలి. శృంగారం అంటే ఆసక్తి ఉండాలి. అది లేకపోతే సంబంధంలో సమస్యలు వస్తాయి. భార్యకు భర్తపై, భర్తకు భార్యపై ఆకర్షణ లేకపోతే వారు ఇతర వ్యక్తుల్లో ఆ ఆకర్షణ కోసం వెతుకుతారు. అలా వివాహేతర సంబంధం మొదలవుతుంది.

శృంగార సంతృప్తి అంటే కేవలం శారీరక సంబంధమైనదే కాదు మానసికమైనది కూడా. మాటలతో ఒకరినొకరు అర్థం చేసుకోవాలి. మనసు విప్పి మాట్లాడుకోవాలని చాణక్యుడు సూచించాడు.

పరస్పర విశ్వాసం లేకపోవడం:

సంబంధంలో విశ్వాసం చాలా ముఖ్యం. ఒకరిపై ఒకరికి నమ్మకం ఉండాలి. నమ్మకమున్న బంధం కలకాలం నిలబడగలుగుతుంది. విశ్వాసం లేని సంబంధం ఎప్పుడు తెగిపోతుందో చెప్పలేం. దంపతుల మధ్య నమ్మకం లేకపోవడం వివాహేతర సంబంధానికి దారి తీస్తుందని చాణక్యుడు చెప్పాడు.

నిరాశ:

జీవిత భాగస్వామితో బంధం గురించి ప్రతి ఒక్కరో ఎంతో ఆశిస్తారు. ఎన్నో కలలు కంటారు. కానీ వారి నుండి, ఆ సంబంధం నుండి ఆశించినవి దక్కకపోతే నిరాశకు గురవుతారు. వారి కోరికలను వేరొక వ్యక్తి నుండి పొందాలనుకుంటారు. అలా వివాహేతర సంబంధం కొనసాగిస్తారని చాణక్యుడు చెప్పాడు. భాగస్వామిలో నెలకొన్ని నిరాశను గుర్తించి దానిని పరిష్కరించేందుకు ప్రయత్నిస్తే కొన్ని రోజుల్లో నిరాశ నుండి బయటపడవచ్చని సూచించాడు చాణక్యుడు.