ఆమెను అందరూ శారీరకంగానే వాడుకున్నారట... అందుకే తనకు అన్యాయం జరిగిందట...!

సిక్కోలు బిడ్డ..

కరాటే కళ్యాణి ఆంధ్రప్రదేశ్ లోని శ్రీకాకుళం(సిక్కోలు) జిల్లా కవిటిలో పుట్టింది. అయితే తన చిన్నతనంలో మొత్తం విజయనగరంలో పెరిగింది. ఈమెకు నటనపై ఉన్న ఎక్కువ మక్కువ వల్ల చిన్ననాటి నుండే నాటికలు, బుర్రకథ, హరికథలో మంచి ప్రావీణ్య సంపాదించింది.

డైనమిక్.. ఎనర్జిటిక్..

కరాటే కళ్యాణి 114 గంటలకు పైగా హరికథగానం చేసి రికార్డు సైతం నెలకొల్పింది. అందుకే ఈమెను అందరూ డైనమిక్.. ఎనర్జిటిక్ అంటారు. ఆ తర్వాత వెండి తెరపై అడుగుపెట్టింది. అయితే ఇక్కడ స్థిరపడటానికి నానా కష్టాలు.. వేషాలు వేసి.. ఆఖరికి బోల్డ్ నటిగా పాపులర్ అయ్యింది.

‘బాబీ పిండేశావ్’

‘అబ్బ బాబీ పిండేశావ్' అంటూ లేటు వయసులో కూడా తన అందచందాలను ఆరబోసి తను బోల్డ్ నటిగా పేరు తెచ్చుకుంది.

కరాటే గోల్డ్ మెడలిస్టు..

కళ్యాణి పేరుకు ముందు కరాటే ఎందుకు చేరిందంటే ఆమె తైక్వాండోలో బ్లాక్ బెల్డ్ తీసుకుంది. అంతేకాదు నాలుగుసార్లు కరాటే జాతీయ పోటీల్లో గోల్డ్ మెడలిస్ట్. మల్టీ టాలెండ్ అని నిరూపించుకుంది. అయితే సినిమా రంగంలో తను బోల్డ్ వేషాలు వేసి, తన అజ్ణానమో.. అమాయకత్వమో.. లేక ముక్కుసూటిదనమో.. అనేక వివాదాలను తన భుజాల మీద వేసుకుంది.

అదే ప్రవర్తన..

ఎన్నో వివాదాల తర్వాత అతి కష్టమ్మీద బిగ్ బాస్-4లోకి అడుగు పెట్టినప్పటికీ అదే ముక్కుసూటిదనం.. ఏడుపుగొట్టు మాటలు.. ఫెయిల్యూర్ పెళ్లిళ్లు..తనకు తల్లి కావాలనే ప్రవర్తన వంటి వాటిపై వచ్చిన సానుభూతిని మాత్రం తొలిరోజే పోగొట్టేసుకుంది.

తన వ్యక్తిగత జీవితం..

అంతకుముందు తన వ్యక్తిగత జీవితం గురించి తెలియజేస్తూ ‘పెళ్లి అనేది కొంతమందికి బాగా కలిసి వస్తుంది. అయితే కొంతమందికి ప్రతికూలంగా ఉంటుంది. నాకు కూడా సానుకూలంగా కంటే.. ప్రతికూలతలే ఎక్కువగా ఎదురయ్యాయని'.. తాను ఎన్ని పెళ్లిళ్లు చేసుకుందో చెప్పలేదు కానీ.. పెళ్లైన ప్రతిసారీ తనకు ప్రెగ్నెన్సీ వస్తూ.. పోతూ ఉండేది. నాకేమో శ్రీమంతం చేసుకోవాలనే కోరిక ఉండేది. బిడ్డతో నా పొట్టను నేను చూసుకుంటూ నా పొట్టను చూసుకోవాలనే కోరిక తీరకుండానే పోయింది' అంటూ ఎమోషన్ అయ్యింది కరాటే కళ్యాణి.

ఓ కోళ్లగూడులో..

‘ఓ రోజు సడెన్ గాను నాకు ఫోన్ వచ్చింది. ఒక కోళ్లగూడులో ఒక ఒకబాబుని పడేశారని.. చీమలు కుట్టేసి పరిస్థితి దారుణంగా ఉంది. మీరు పెంచుకుంటారా? అని అడిగారు. ఆరోజు నుండి ఈరోజు వరకూ వాడిని నా గుండెలపై పెంచుతున్నా వాడికి ఇప్పుడు పదేళ్లు అంటూ చెప్పుకొచ్చింది కళ్యాణి.