హెచ్చరిక : మాస్క్ లేకుంటే మందు ఇవ్వరట... మంది జమైతే లైసెన్స్ కట్ చేస్తరట...

మద్యం తాగేందుకు..

భారతదేశంలోని చట్టం ప్రకారం మద్యం సేవించాలంటే కనీసం 21 సంవత్సరాలు ఉండాల్సిందే. అయితే మన దేశంలో ఒక్కో రాష్ట్రంలో ఒక్కో విధంగా మద్యపాన చట్టాలు నిర్ణయించబడతాయి.

తెలంగాణలో కఠిన శిక్షలట..

ప్రస్తుతం కరోనా వైరస్ నేపథ్యంలో లాక్ డౌన్ సడలింపులు అన్ని రాష్ట్రాల్లో ప్రారంభమయ్యాయి. ఈ నేపథ్యంలోనే వైన్స్ షాపులు తెరచుకున్నాయి. తాజాగా తెలంగాణ సీఎం కేసీఆర్ మద్యం షాపులు తెరుచుకునేందుకు అనుమతులిచ్చారు. అయితే ప్రస్తుతం కొన్ని కొత్త నిబంధనలు తీసుకొచ్చిండు సీఎం కేసీఆర్. అవి పాటించకపోతే కఠిన శిక్షలు ఉంటాయని హెచ్చరించిడు.

నో మాస్క్ నో లిక్కర్...

మద్యం షాపులకు ఎవరైతే మాస్కు లేకుండా వస్తారో వారికి మందు అమ్మరట. అలాగే మద్యం షాపుల వద్ద మద్యం ప్రియులు సామాజిక దూరం కచ్చితంగా పాటించాల్సిందేనట. పొరపాటున గుంపులు గుంపులుగా... దగ్గరగా ఉంటే మాత్రం షాపుల వారే అందుకు బాధ్యత వహించాలట. లేకపోతే వారి లైసెన్సులు కట్ అవుతాయనే నిబంధన పెట్టారు. అలాగే శానిటైజర్లు కూడా అందుబాటులో పెట్టాలన్నారు.

ప్రపంచంలో ఎలా ఉన్నాయంటే..

మన దేశంలో ప్రస్తుతం ఇలాంటి చట్టాలుంటే ప్రపంచంలోని కొన్ని దేశాల్లో ఇంకా కొన్ని చిత్రవిచిత్రమైన చట్టాలు ఉన్నాయి. వాటి వివరాలేంటో ఇప్పుడు తెలుసుకుందాం...

యుకెలో

యునైటెడ్ కింగ్ డమ్(యుకె) చట్టం ప్రకారం, కేవలం పరిమితంగానే మద్యం సేవించాలట. ఒక లిమిట్ దాటాక క్లబ్ లేదా పబ్ ల్లో మద్యం తాగడం వంటివి చేస్తే అక్కడ అది చట్టవిరుద్ధమట. అలాంటి వారికి కఠినంగా శిక్షిస్తారట. ఈ చట్టం 1872 నుండి అమలులో ఉందట.

సాల్వడార్ లో ఫైరింగ్ స్క్వాడ్..

ఈ దేశంలో తాగి డ్రైవ్ చేస్తే తమ ప్రాణాల మీద ఆశ వదులుకోవాల్సిందే. ఎందుకంటే ఆ దేశంలో అక్కడి శిక్షలు అంత కఠినంగా ఉంటాయి. ఇది విని మీరు ఆశ్చర్యపోవచచు. ఎందుకంటే అక్కడ మొదటిసారి తాగి వాహనం నడిపితేనే ఫైరింగ్ స్క్వాడ్ ద్వారా మరణ శిక్ష విధిస్తారట.

స్కాట్లాండులో..

స్కాట్లాండులో మద్యానికి సంబంధించి ఒక విచిత్రమైన చట్టం ఉంది. అక్కడి చట్టం ప్రకారం కిలోట్ కింద లోదుస్తులు ధరించి రెండు బీర్లు తీసుకెళితే జరిమానా విధిస్తారట. దీని కోసం ప్రత్యేక చెక్ పోస్టులు ఏర్పాటు చేసుకుని మరీ పోలీసులు చెక్ చేస్తారట..

ఆస్ట్రేలియాలో..

ఆస్ట్రేలియాలో మీ ఛాతి భాగంలో ఒక బీరును చూర్ణం చేయడం వంటివి చేస్తే అక్కడి చట్టవిరుద్ధంగా భావించి.. వారికి జరిమానా విధిస్తారట. అక్కడ కొందరు మద్యంప్రియులు బీరుబాటిల్ ను అలా ఒకసారి చూర్ణం చేసినందుకు వారికి వెంటనే జరిమానా విధించారట. అంతేకాదు అర్ధరాత్రి తర్వాత రోడ్ల మీద మద్యం తాగితే కూడా జరిమానాలు, కఠిన శిక్షలు ఉంటాయట.

కెనడాలో..

కెనడాలో మీరు ఎప్పుడూ ఎలాంటి బ్రాండ్లు తాగుతారో వాటిపైనే ఆధారపడాలట. అక్కడ ఒక బార్టెండర్ ఒక కస్టమర్ ప్రత్యేకంగా అడగకపోతే మినహా మద్యం చొప్పించడం, రుచి చూడటం వంటివి చట్టవిరుద్ధమట.

ఫ్రాన్సులో..

ఫ్రాన్స్ లో మీరు డ్రైవింగ్ చేసే సమయంలో, మీరు కచ్చితంగా సొంత బ్రీత్ అనలైజర్ ను కలిగి ఉండాలట. పోలీసులు ఎప్పుడైనా తనిఖీ చేసినప్పుడు మీతో అది లేకపోతే మీరు శిక్షకు గురవుతారట.

నైజిరీయాలో..

నైజిరీయాలో బీర్ల పరిశ్రమ చాలా పెద్దది. అత్యంత ఎక్కువ మార్కెట్ ఉన్న ఆఫ్రికన్ దేశం దక్షిణాఫ్రికా. అయితే నైజిరీయాలో ఆశ్చర్యమేమిటంటే అక్కడ మీరు బీరును దిగుమతి చేసుకోలేరట. స్థానిక బ్రూవరీలను పోటీ నుండి రక్షించడానికి ఈ చట్టం రూపొందించబడిందట.

జర్మనీలో..

జర్మనీలో తాగి సైక్లింగ్ చేయకూడదట. మీరు ఇలా చేస్తే మీపై తీవ్రమైన చర్యలు తీసుకుంటారట. అంతేకాదు మీ మానసిక స్థితిని కూడా అంచనా వేయాలని ఆదేశిస్తారట.

బొలివియాలో..

బొలియాలో వింత చట్టాన్ని రూపొందించారు. ఈ దేశంలో వివాహితులు, మహిళలు బార్ లేదా రెస్టారెంటులో ఉన్నప్పుడు మాత్రమే గ్లాసు వైన్ ను తాగొచ్చట. వివాహం తర్వాత బహిరంగ ప్రదేశాల్లో పురుషులతో కలిసి మద్యం తాగడం చట్ట విరుద్ధమట. ఇలా చేస్తే కఠిన శిక్షలు అమలు చేస్తారట.

థాయ్ లాండ్ లో..

ఈ దేశంలో బూజ్ కొనడం అనేది చట్టబద్ధమేనట. అయితే రోజుకు కేవలం కొన్ని గంటలు మాత్రమే. ముఖ్యంగా రాత్రి 11 నుండి మధ్యాహ్నం 2 గంటల వరకు దీనికి ఎలాంటి అనుమతి ఉండదట. ఈ చట్టం అక్కడున్న బార్లు మరియు రెస్టారెంట్లకు వర్తిస్తుందట.