అక్కడ శివునికి పాలాభిషేకం చేస్తే.. మజ్జీగ లభిస్తుందట...!

పాలతో అభిషేకం..

మన దేశంలో మహా శివరాత్రి సందర్భంగా ప్రతి ఒక్క శివాలయంలో ప్రత్యేక పూజలు నిర్వహిస్తారు. భక్తులందరూ తమ కోరికలన్నీ తీరాలని.. కష్టాలన్నీ తొలగిపోవాలని కోరుకుంటూ.. శివుడిని ప్రసన్నం చేసుకునేందుకు శివాలయానికి వెళ్తూ ఉంటారు. అదే సమయంలో శివ లింగానికి పాలాభిషేకం వంటివి చేయిస్తుంటారు. అయితే ఇలా చేయడం వల్ల పాలన్నీ వృథా అవుతున్నాయని, చాలా మంది పౌష్టికాహార లోపంతో బాధపడుతున్నారని, ఈ సమయంలో పాలతో అభిషేకాలు వద్దని అనేకమంది అభ్యంతరం వ్యక్తం చేశారు. ఇలాంటి వాటిని భక్తులు ఎప్పుడూ వ్యతిరేకిస్తూనే ఉంటారు. ప్రతి ఏడాది ఇది సంప్రదాయబద్ధంగా జరుగుతుందని చెబుతారు.

బెంగళూరులోని శివాలయంలో..

ఈ నేపథ్యంలో భక్తులందరూ ఏ మాత్రం ఇబ్బంది పడకుండా.. పాలు కూడా వృథా కాకుండా.. ఓ శివాలయంలో ప్రత్యేక ఏర్పాట్లు చేశారు. బెంగళూరులోని దాసరహళ్లిలో ఈ సమస్యకు పరిష్కారం కనుగొన్నారు. ఇక్కడ ఉన్న గంగాధరేశ్వర ఆలయంలో శివునికి పాలు సమర్పిస్తే, ఆలయ సభ్యులు వారికి మజ్జిగను ప్రసాద రూపంలో అందజేస్తున్నారు. అభిషేకం చేసిన పాలు వృథా కాకుండా ఇలా చేయడం విశేషం.

ప్రతి సోమవారం..

మెట్రో సిటీ.. కూల్ సిటీ.. గ్రీన్ సిటీగా పేరు తెచ్చుకున్న బెంగళూరులోని ప్రసిద్ధ పరమేశ్వరుని ఆలయాల్లో గంగాధరేశ్వర దేవాలయం ఒకటి. ఈ శివాలయంలో ప్రతి సోమవారం రోజున సుమారు 500 లీటర్ల పాలను భక్తులు సమర్పిస్తారు. ఇక మహా శివరాత్రి, ఇతర ఉత్సవాల సమయంలో భక్తుల రద్దీ మరింత పెరుగుతుంది. ఈ సందర్భంగా వేలాది లీటర్ల పాలు దేవాలయానికి అభిషేకం కోసం వస్తాయి. ఆలయ కమిటీ సభ్యులు ఈ పాలన్నీ వృథా కాకుండా, వాటిని మజ్జీగ రూపంలో తిరిగి భక్తులకు అందజేస్తారు. దీంతో ఈ దేవాలయంలో పాలు అనేవి వృథా కావు. భక్తుల మనోభావాలకు ఎలాంటి భంగం కలగకుండా ఇలా ఏర్పాటు చేశారు.

మంగళవారం మజ్జీగ..

ఈ శివాలయంలో పండితులు పూర్తిగా శుభ్రమైన లింగానికి పాలతో అభిషేకం చేస్తారు. ఆ తర్వాతనే మిగిలిన పదార్థాలతో అభిషేకం చేస్తారు. మంగళవారాల్లో ఆలయాన్ని సందర్శించే వారికి ఇక్కడ మజ్జీగను అందజేస్తారు. అది కూడా మజ్జీగ నాణ్యతను పరీక్షించిన తర్వాతే ఇస్తారు. ఈ మజ్జీగను భక్తులందరూ అక్కడే తాగొచ్చు. లేదా ఇంటికి తీసుకెళ్లి కూడా తాగొచ్చు. ఇక్కడ మరో విశేషమేమిటంటే.. ప్లాస్టిక్ బాటిళ్లను ఇంటికి తీసుకెళ్లేందుకు దేవాలయ కమిటీ సభ్యులు అనుమతించరు. ప్లాస్టిక్ చెత్త కలపడం వల్ల మజ్జీగ నాణ్యత పోతుందని వారి అభిప్రాయం.

తమ గుడి నుండే..

ఇలా ప్రజలకు పాలు పంచాలనే ఆలోచన ఆ దేవాలయం యొక్క ప్రధాన అర్చకుడు ఈశ్వరానంద స్వామిజీది. భారతదేశంలోని మిలియన్ల మంది పిల్లలు పాలు, పోషకాహారంతో బాధపడుతున్నారు. అందుకే తమ శివాలయం నుండే ఈ మోడల్ ప్రక్రియను ప్రారంభించాలని, అందుకు ప్రణాళికలు రూపొందిస్తున్నారు, అందులో భాగంగా మజ్జీగ పరిష్కారం కనుగొన్నారు.