What is Strawberry Moon: 2022లో స్ట్రాబెర్రీ మూన్ ఎప్పుడు, ఎక్కడ కనిపించనున్నాడు?

మనలో చాలా మంది చంద్రుని అనేక రూపాల గురించి వినే వింటారు. రకరకాల చంద్రుడిని కూడా చూసి ఉంటారు. అయితే మీరు స్ట్రాబెర్రీ మూన్ గురించి విన్నారా? చంద్రుడికి, స్ట్రాబెర్రీకి లింకేంటి అనుకుంటున్నారా? ఆ విశేషాలేంటో ఇప్పుడు తెలుసుకుందాం. సాధారణంగా వసంతకాలంలో వచ్చే చివరి పౌర్ణమిని మరియు వేసవిలో వచ్చే మొదటి పౌర్ణమిని స్ట్రాబెర్రీ అంటారు. దీన్నే సూపర్ మూన్ అని కూడా అంటారు.

2022 సంవత్సరంలో జూన్ మాసంలో 14వ తేదీన ఈ చంద్రుని రూపం మనకు ఆకాశంలో కనిపించనుంది. ఈ సందర్భంగా స్ట్రాబెర్రీకి సంబంధించిన కొన్ని ఆసక్తికరమైన విషయాలను ఇప్పుడు తెలుసుకుందాం.

స్ట్రాబెర్రీ మూన్ ఎప్పుడు కనిపిస్తాడు?
2022 సంవత్సరంలో జూన్ 14వ తేదీన అంటే మంగళవారం నాడు సాయంత్రం సూర్యుడు అస్తమించిన తర్వాత, ఆగ్నేయ దిశలో నెమ్మదిగా హోరిజోన్ పైకి లేచి, చాలా పెద్దదిగా మరియు బంగారం రంగులో కనిపిస్తుంది. అలాంటి పరిస్థితిలో, పౌర్ణమి రోజున చంద్రుడు మరింత పెద్దదిగా మరియు ప్రకాశవంతంగా కనిపిస్తాడు. సరిగ్గా 5:21 గంటల గరిష్ట స్థాయికి చేరుకుంటుంది.

భూమికి దగ్గరగా..
జూన్ 14వ తేదీన స్ట్రాబెర్రీ మూన్ భూమికి చాలా దగ్గరగా వస్తాడు. సాధారణ రోజుల్లో కనిపించే దాని కంటే చాలా పెద్దదిగా కనిపిస్తాడు. ఖగోళశాస్త్రం ప్రకారం, ఈ సమయంలో శుక్రుడు, అంగారక గ్రహాలు కూడా కనిపిస్తాయి.

స్ట్రాబెర్రీ మూన్ పేరు ఎలా ప్రారంభమైంది?
సూపర్ మూన్ లేదా స్ట్రాబెర్రీ మూన్ 1930 సంవత్సరం నుండి నిర్ణయించినట్లు చెబుతారు. ఈ సమయంలో సూపర్ మూన్ అనే పేరును మొదట ఫార్మర్ అల్మానెక్ నిర్ణయించారు. ఆ సమయంలో ఏప్రిల్ లో కనిపించే సూపర్ మూన్ కి పింక్ మూన్ అని పెట్టారు. ఆ సమయంలో అమెరికాలో కనిపించే ఒక మొక్క పేరును బట్టి సూపర్ మూన్ పేరును నిర్ణయించారు.

స్ట్రాబెర్రీని ఎందుకంటే..
స్ట్రాబెర్రీ మూన్ విషయానికొస్తే, ఉత్తర అమెరికాలోని అల్గోన్ క్విన్ తెగ వారు ఈ పేరు పెట్టారు. ఎందుకంటే ఈ సమయంలో స్ట్రాబెర్రీ పంటను ఉత్తర అమెరికాలో పండిస్తారు. స్ట్రాబెర్రీ మూన్ అనే పేరు ఎంత బాగుంటుందో మరియు ఎంత అందంగా కనిపిస్తుందో చూస్తే మీకే తెలుస్తుంది. దీనికే హనీ మూన్, రోజ్ మూన్ లేదా హాట్ మూన్ అనే పేర్లు కూడా ఉన్నాయి.