మంచంపై కూర్చొని తింటే వాస్తు శాస్త్రం ప్రకారం ఏం జరుగుతుందో తెలుసా?

లక్ష్మీదేవికి ఆగ్రహం తెప్పిస్తుంది:

చాలా మంది మంచం మీద కూర్చొని ఆహారం తీసుకుంటూ ఉంటారు. వాస్తు శాస్త్రం ప్రకారం లక్ష్మీ దేవికి మంచం మీద కూర్చొని ఆహారం తినడం వల్ల కోపం తెచ్చుకుంటుంది. ఇంట్లో నుంచి వెళ్లిపోతుంది. వెళ్తూ వెళ్తూ లక్ష్మీ దేవి డబ్బుతో పాటు సంతోషాన్ని కూడా తీసుకెళ్తుందట. అందుకే బెడ్ పై కూర్చొని తినే వాళ్ల ఇంట్లో ఆనందం, శాంతి లేకుండా పోతుంది. మంచం మీద కూర్చొని భోజనం చేయడం వల్ల కుటుంబ సభ్యులపై అప్పులు కూడా పెరుగుతాయి. అంతేకాకుండా మంచం మీద కూర్చొని ఆహారం తినే వ్యక్తి నరకానికి వెళ్తాడని కూడా ఓ పురాణ గ్రంథంలో రాయబడి ఉంది. అందుకే పడుకునే ప్రదేశంలో ఎప్పుడూ భోజనం చేయకూడదని అంటారు.

ఈ పని అస్సలే చేయొద్దు:

అంతేకాదండోయ్ మీరు ఉదయం నిద్రలేవగానే అద్దంలో చూసుకునేలా ఎదురుగా అద్దం ఉండకుండా చూస్కోవాలి. దర్పంల ప్రతికూలంగా ఉంటుంది కాబట్టి లేవగానే అద్దంలో అస్సలే చూసుకోకూడదు. రాత్రి పడుకున్నాక, ఉదయం లేవగానే పడక సరిగ్గా పెట్టుకోవాలి. ఎల్లప్పుడూ శుభ్రంగా ఉంచడం ద్వారా లక్ష్మీ దేవి సంతోషిస్తుంది. అలాంటి ఇంట్లోనే లక్ష్మీ దేవి నెలవై ఉంటుంది. పడకగది ముఖ్యంగా మంచంపై చెత్తా, చెదారం, దుమ్ముధూళి ఎక్కువగా ఉంటే వారి ఇంట్లో డబ్బు లేకుండా పోతుందని వాస్తు శాస్త్రం చెబుతోంది. అలాగే ఆ ఇంటి ఆర్థిక పరిస్థితి క్షీణిస్తుంది.

అన్నపూర్ణకు కోపం తెప్పించొద్దు:

రాత్రి భోజనం చేసిన తర్వాత చాలా మంది కిచెన్ ను అలాగే మురికిగా ఉంచుతారు. బోళ్లు, పాత్రలన్నీ సింక్ లో పడేసి వెళ్లి పడుకుండి పోతారు. వాస్తు శాస్త్రం ప్రకారం తల్లి అన్నపూర్ణ రాత్రి పూట ఇలా పాత్రలను శుభ్రం చేయకుండా వదిలేస్తే.. కోపంగా ఉంటుంది. ఆ కుటుంబం ఆర్థిక ఇబ్బందులతో పాటు తీవ్ర మానసిక ఒత్తిడిని ఎదుర్కోవాల్సి వస్తుందాని వాస్తు శాస్త్రం వివరిస్తోంది.