కొత్త సంవత్సరంలో ఫస్ట్ ఏం సెర్చ్ చేస్తారు? గూగుల్ ప్రశ్నకు షాకయ్యే సమాధానాలిచ్చిన నెటిజన్లు

చాట్ జీపీటీ:

ఎక్కువ మంది నెటిజన్లు తాము చాట్ జీపీటీ గురించి 2023 సంవత్సరంలో మొదట వెతకాలనుకుంటున్నామని సమాధానం ఇచ్చారు.

చాట్‌జీపీటీ అనేది ఒక చాట్ బోట్. దీనిని ఓపెన్ ఏఐ అనే సంస్థ తయారు చేసింది. గూగుల్‌లో ఏదైనా సమాచారం కోసం వెతకడం ఎంత పెద్ద ప్రయాసో ప్రత్యేకంగా చెప్పాల్సిన అవసరం లేదు. గూగుల్‌లో మనకు కావాల్సిన సమాచారం వెతకడం కూడా ఒక నైపుణ్యం కింద పరిగణిస్తున్నారు. ఈ అతిపెద్ద సమస్యను పరిష్కరించే ఉద్దేశంతోనే చాట్‌జీపీటీని తీసుకురానున్నారు. దీని ద్వారా మనకు కావాల్సిన సమాచారం చాలా సులభంగా లభిస్తుంది. అలాగే ఏవైన అంశాలపై కొత్త వ్యాసాలు కావాలన్నా, పరిశోధన పత్రాలు కావాలన్నా రాసిస్తుంది. టాపిక్ చెబితే కవితలు, లెటర్స్ కూడా రాస్తుంది. ఎదురుగా మరో మనిషి కూర్చుని కబుర్లు చెబుతున్నట్లుగానే ఉంటుంది.

దీంతో ఎక్కువ మంది యూజర్లు ఈ ఓపెన్‌ఏఐ టూల్‌ను వాడేందుకు మొగ్గుచూపిస్తున్నారు.

కరోనా అంతం ఎప్పుడు?

చాట్‌జీపీటీ తర్వాత ఎక్కువ మంది వెతుకుతామని చెప్పింది చైనాలో కరోనా ప్రభావం గురించే. చైనాలో కరోనా పరిస్థితులు, అక్కడ ప్రభుత్వ కఠిన ఆంక్షలు ఇంకెప్పుడు తొలగిపోతాయంటూ వెతుకుతామని చెప్పారు.

గూగుల్‌లో పనిచేసేందుకు ఆసక్తి

తర్వాత ఎక్కువ మంది గూగుల్‌లో గూగుల్ గురించే వెతుకుతామని చెప్పారు. గూగుల్‌లో ఎంట్రీ లెవల్ జాబ్ పొందడం ఎలా.. క్లౌడ్ ఇంజినీర్‌గా గూగుల్‌లోకి ఎలా ప్రవేశించాలి.. అనేవి 2023లో గూగుల్‌లో సెర్చ్ చేస్తామని చెప్పారు.

ఇవే కాకుండా ట్విట్టర్ కొత్త సీఈవో గురించి, పిక్సెల్ ట్యాబ్లెట్ రిలీజింగ్ డేట్, గూగుల్-హువావే తిరిగి కలిసి పని చేయడం గురించి, శాంసంగ్ గెలాక్సీ ఎస్23 సిరీస్ రిలీజింగ్ డేట్ వంటి వాటి గురించి సెర్చ్ చేస్తామని నెటిజన్లు బదులిచ్చారు.