తల్లిపాలు బిడ్డకు చాలటం లేదా?

By B N Sharma

Published: Friday, December 30, 2011, 10:42 [IST]

చాలామంది తల్లులు తమ బిడ్డలకు పాలు సరిపోవడం లేదంటూ ఫిర్యాదు చేస్తూవుంటారు. తల్లిపాలకు సాటియైన ఆహారం మరేదీ లేదు. కాని బిడ్డ శరీరం ఎదగాలంటే, తల్లిపాలు చాలకపోతే, పోషకాహారాలు కల మరో ఆహారం తేలికగా జీర్ణమయ్యేది వారికి అందించాలి. తల్లిపాలకు ప్రత్యామ్నాయాలు పరిశీలిద్దాం.

1. ఆవు పాలు - ఆవు పాలు చాలావరకు తల్లిపాలకు సమానంగానే వుంటాయి. సహజమైన ఈ పాలలో బేబీకి కావలసినంత కొవ్వు, లాక్టోస్, కొల్లెస్టరాల్ వుంటాయి.

2. సోయా - ఆవు పాలకు బేబీ ఎలర్జీ చూపితే, ప్రోటీన్లు అధికంగా వుండే సోయా మిల్క్ బాగుంటాయి. బేబీ శరీర ఎదుగుదలకు సోయా పాలు చాలా మంచివి. అయితే, సోయా ఉత్పత్తులు, బేబీకి జీర్ణ సంబంధిత సమస్యలు రాకుండా వైద్యుల సలహాతో మాత్రమే వాడండి.

3. రైస్ మిల్క్ - వీటిలో కార్బోహైడ్రేట్లు మాత్రమే అధికం. ప్రొటీన్లు, కాల్షియం తక్కువగా వుంటాయి. వీటిని ఇచ్చినట్లయితే, బేబీకి అదనంగా కూడా కొన్ని ఆహారాలు ఇవ్వాలి. రైస్ మెత్తగా ఉడికించి పాలలో గుజ్జులా చేసి కూడా పెట్టవచ్చు.

4. బాదం పాలు - ప్రొటీన్లు, కొవ్వులు కల బాదం పాలు బిడ్డకు ప్రత్యామ్నాయ పాలుగా మంచిదే. వీటిలో మెగ్నీషియం, కాల్షియం వుండి అవి బేబీ ఆరోగ్యకర ఎదుగుదలకు, గుండెకు బాగా ఉపయోగిస్తాయి. ఆవు పాలకంటే కూడా బాదంపాలు మంచి మేలు చేస్తాయని కూడా చెపుతారు. బాదంపప్పులు నీటిలో నానపెట్టి, పేస్ట్ లా చేసి దానిలో నీరు కలిపి పట్టవచ్చు.

తల్లి తన వద్ద పాలు వున్నంతవరకు బిడ్డకు పాలు పట్టాలని, ఇక తనవద్ద పాలు కొరవడితే, ప్రత్యామ్నాయాలు మాత్రమే బిడ్డ శరీరం ఆరోగ్యకర ఎదుగుదలకు సహకరించేరీతిలో ఆచరించాలని సూచిస్తున్నాము.