బేబీతో అనుబంధం పెంచండి ...ఇలా?

Baby

oi-Nageswara

By B N Sharma

Published: Monday, July 2, 2012, 15:54 [IST]

తల్లితండ్రులకు ..పుట్టిన బిడ్డకు మధ్య గల బంధమే వారి ప్రేమ అనుబంధం. బేబీపై ప్రేమానురాగాలు వారు కురిపిస్తారు. బేబీని సంరక్షిస్తారు. పోషిస్తారు. అర్ధరాత్రి అయినా సరే బిడ్డ కొరకు లేచి శ్రద్ధ చూపి ఆ బిడ్డకు అన్ని అందిస్తారు. ఏడిస్తే చాలు ఎంతో విలపిస్తారు. ఈ రకమైన అనుబంధంపై సైంటిస్టులు ఇంకా పరిశోధిస్తూనే వున్నారు. తల్లితండ్రులకు బిడ్డకు మధ్య గల మొట్టమొదటి బంధంలో ఒక భధ్రత, సవ్యమైన తీరు, వారి గౌరవాలు ఇమిడి వున్నాయని భావిస్తున్నారు. ఒక పసివాడి ఆక్రందనలకు జవాబుగా వుండే తల్లితండ్రుల తీరు తెన్నులు బిడ్డకు సమాజంలో ఒక స్ధానాన్ని సంపాదించిపెడతాయి.

ప్రేమానుబంధం ప్రధానమా?
ప్రేమానురాగాలు బేబీకి ఎంతో అవసరం. ఈ అంశంపై సైంటిస్టులు కోతుల తీరు తెన్నులు కూడా పరిశీలించి బిడ్డలకు తల్లితండ్రుల అవసరం ఎంతైనా వుందని తల్లితండ్రులు బిడ్డ అవసరాలకు స్పందిస్తే, ఆ బిడ్డ సమాజంలో బాగా అభివృధ్ధి చెందుతుందని వారు వెల్లడించారు. చాలామంది పిల్లలు తక్షణమే తమ తల్లితండ్రులతో బంధం భావిస్తారు. అయితే బిడ్డపై తల్లితండ్రులకు విభిన్న అభిప్రాయాలుంటాయి. కొంతమంది మొదటి నిమిషంలో లేదా రోజునే బేబీ పుటుకకు బంధం పెంచుకోగా, మరి కొంతమందికి అధిక సమయం తీసుకుంటుంది. కాని, ఈ బంధం ఏర్పచుకునే ప్రక్రియ కొద్ది నిమిషాలలోనే ఏర్పడుతుంది కాని, దీర్ఘకాలం కాదు. దానికి కొంత సమయం అంటూ వుండదు.

చాలామంది తల్లి తండ్రులకు ప్రేమ బంధం ప్రతిరోజూ శ్రద్ధ చూపుతుంటే ఏర్పడుతుంది.అది ఏర్పడుతోందని కూడా తెలియదు. మీ బేబీ మిమ్మల్ని చూసి నవ్విందంటే చాలు మీరు ఆనందంతో నిండిపోతారు.
ఈ ప్రేమాను బంధం ఎలా ఏర్పడుతుంది?
మొదటి కారణం స్పర్శ...చర్మానికి చర్మం తగలటం. ఇది ఆనందం కలిగించిబేబీ ఎదుగుదలకు తోడ్పడుతుంది.
రెండవది చూపు - బేబీ కళ్ళు, మీ కళ్ళు కలిస్తే చాలు బంధం ఏర్పడుతుంది. అది ఒక సంభాషణ.
బేబీ మీ ముఖ కవళికలను అనుకరించటానికి ప్రయత్నిస్తుంది.
మూడవది వినికిడి - బేబీలు తమ తల్లి తండ్రుల స్వరధ్వని వినటానికి ఇష్టపడతారు. దానికి స్పందిస్తారు.

బేబీతో బంధం బేబీ పట్ల తీసుకునే జాగ్రత్త మీకు ఎంతో ఆనందాన్నిస్తాయి. బేబీని స్పర్శించటం, జో కొట్టటం, ఊయల ఊపటం, అనురాగం పెంచుతాయి. మీరు మీ పార్టనర్ బేబీని స్పర్శిస్తూండటంతో బిడ్డ సైతం ఆ స్పర్శల వ్యత్యాసాన్ని గమనించగలదు. పాలు పట్టేటపుడు, ఊయలలో వేసేటపుడు, చిన్నగా బేబీకి మసాజ్ చేసేటపుడు, బేబీ అవసరాలు తీర్చేటపుడు బేబీతోగల స్పర్శానందం అనుభవించితీరాలి. అపుడే ఒక గట్టి తల్లి...బిడ్డల బంధం ఏర్పడుతుంది.