జంటల కలయికలో పంటల ఫలితం!

Baby

oi-Nageswara

By B N Sharma

Published: Wednesday, July 11, 2012, 15:30 [IST]

మానవాళి అభివృద్ధికి మూలం జంటల కలయికలే. వివాహం చేసుకుంటే వచ్చే ప్రయోజనాలలో పిల్లల పుటుక ఒకటి. పెళ్ళి అయినది మొదలు, కొత్త జంట లేదంటే ఆ జంటలలోని కుటుంబ సభ్యులలోని పెద్దలు, ఎప్పుడెపుడు వీరికి పిల్లలు కలుగుతారా? అని తొందరపడుతూంటారు. ఇక జంటలైతే, వారికి బాబు కావాలని లేదా పాప కావాలని ఎన్నో కలలు కంటారు. పుట్టబోయే బిడ్డకు ఏ పేరు పెట్టాలి? వారిని ఎలా పెంచాలి వంటి ప్రణాళికలు కూడా వేసుకుంటారు. ఇక కుటుంబాలలో అసలు పుట్టేది బాబా లేక పాపా అనే సమస్య తలెత్తుతూంటుంది. మరి ఈ రకమైన లింగ నిర్ధారణ జంటల కలయికలో ఎలా జరుగుతుంది?

మానవ శరీరంలో 23 జతల క్రోమోజోములుంటాయి. అంటే 46 క్రోమోజోములుగా లెక్కించాలి. ఈ 23 జతలలో 22 జతలు ఆటోజోమ్స్ గా చెప్పబడి సెక్స్ కు సంబంధించినవిగా వుండవు. ఇక మిగిలిన 23వ జత అంటే రెండు క్రోమోజోములు సెక్స్ నిర్ధారతకు సంబంధించినవి. ఇవి ‘ఎక్స్' మరియు‘ వై' క్రోమోజోములుగా చెప్పబడి లింగ నిర్ధారిత చేస్తాయి. పురుషుల్లో ‘ఎక్స్' మరియు ‘వై' క్రోమోజోములు గాను, మహిళలలో రెండూ కూడా ‘ఎక్స్' క్రోమోజోములుగాను వుంటాయి.

పురుషుడి వీర్యంలో ‘ఎక్స్' మరియు ‘వై' క్రోమోజోములు రెండు వుంటాయి. కాని మహిళ విడుదల చేసే అండంలో ఒకే రకమైన క్రోమోజోమ్ అంటే...‘ఎక్స్' మాత్రమే వుంటుంది. వీర్యంలో వున్న ‘ఎక్స్' క్రోమోజోం కనుక గుడ్డును ఫలదీకరణ చేస్తే, ఏర్పడే పిండం ఎక్స్ ఎక్స్ అంటే ఆడపిల్ల. వీర్యంలోని ‘వై' క్రోమోజోము అండంలోని ‘ఎక్స్' క్రోమోజోం తో ఫలదీకరణ చేస్తే అది ఎక్స్ వై పిండం అంటే మగ బిడ్డ గా తయారవుతుంది.

లింగ నిర్ధారణ ...భారతీయ చట్టాలు - ఆడపిల్లలను గర్భం లోనే మరణింపజేస్తుండటంతో, మన దేశంలో మెడికల్ టర్మినేషన్ ఆఫ్ ప్రెగ్నెన్సీ యాక్ట్ మరియు ప్రినేటల్ డయాగ్నోస్టిక్ టెక్నిక్ యాక్ట్ ఆఫ్ 1994 అనే చట్టాలు లింగనిర్ధారణ చర్యలు చేయటం చట్టవ్యతిరేకమని చెపుతున్నాయి. కనుక మహిళ గర్భవతి అయిన తర్వాత ఏ బిడ్డ పుడుతుంది? అంటూ జంటలు ఎన్ని రకాలుగా ఆలోచించినా...బిడ్డ పుట్టే వరకు అది ఆడా? లేక మగా అనేది తెలియరావటం లేదు.