పిల్లలు తినే ఆహారం ఎలా వుండాలి?

బయట దొరికే బేబీ ఆహారాలు ఆరోగ్యకరమైనవి కాక బరువును పెంచేవిగా కూడా వుంటాయి. ఈ ఆహారాలు అవసరమైన పోషకాలు లేదా దీర్ఘకాలం తినదగినవి గా కూడా వుండవు. బిడ్డ ఎదుగుతున్న కొలది ఆహారంలో కూడా మార్పులు చేయాలి. బేబీల పొట్ట చాలా సున్నితంగా వుంటుంది. కనుక వారి ఆహార తయారీలో అన్నిరకాల శ్రధ్ధ పెట్టాలి. వయసు మారే కొలదీ వారిని ఘన ఆహారానికి కొద్దిపాటి నెయ్యి, పప్పు వంటివి వేసి తినిపించాలి. వీటిలో వారికి కావలసిన పోషకాలు లభిస్తాయి.

బేకరీ ఆహారాలు, ప్యాకేజ్డ్ ఆహారాలు, కూల్ డ్రింక్ లు మొదలైనవి బేబీకి తినిపించరాదు. తల్లిపాలే ఆహారంగా పెరుగుతున్న నెలల బేబీకి ఘన ఆహారం అందించటం కష్టతరమైన పనే. రైస్, పప్పులు వంటివి వండేటపుడు ముందుగా వాటిని బాగా వేయించి, ఉడికించి మెత్తటి ఆహారంగా పెట్టాలి. ఆహారం నోటిలో పెట్టినవెంటనే లోపలికి జారిపోయేలా వుండాలి. అపుడే బేబీ జీర్ణక్రియ బాగా వుండి సమస్యలు లేకుండా వుంటుంది.