బిడ్డపుట్టిన వెంటనే వైద్య పరీక్షలు ఎలా వుంటాయి?

Baby

oi-Nageswara

By B N Sharma

Published: Tuesday, May 22, 2012, 11:23 [IST]

బిడ్డ పుట్టాలని తల్లి కోరుకుంటుంది. షుమారు తొమ్మిది నెలలపాటు ఆ బిడ్డను తన కడుపులో వుంచుకొని అనేక అసౌకర్యాలు అనుభవిస్తూ తన చిన్నారి త్వరలో భూమి మీదకు రావాలని, తాను ఆనందించాలని కలలు కంటుంది. తనకు పుట్టబోయే బిడ్డ ఎలా వుంటుందా? అనే ఆసక్తి కలిగి వుంటుంది. తన బిడ్డ బొద్దుగా వుండాలని భావిస్తుంది. కాని వాస్తవం వేరుగా వుంటుంది. చాలామంది పిల్లలు పుట్టిన వెంటనే చిన్నగా వుంటారు. పుట్టిన వెంటనే చూస్తే తడి తడిగా చిన్న ప్రాణివలే కనిపిస్తారు. తల మాత్రం కొంచెం పొడవుగా వుంటుంది. అయితే అది తాత్కాలికమే. కొద్దిరోజులలో తల కూడా గుండ్రం అవుతుంది. శరీరంతో పోలిస్తే, కొత్తగా పుట్టిన బిడ్డ తల పెద్దదిగా వుంటుంది.

బేబీ కడుపులో కాళ్ళు, చేతులు ముడుకుకొని చాలా కాలం కూర్చున్నందున అవి వంగిపోయి వుంటాయి. కొద్ది నెలలు గడిస్తే కాని ఇవి సాధారణస్ధితికి రావు. బేబీ పెరుగుతున్న కొలది కాళ్ళు చేతులు తిన్నగా వస్తాయి. బేబీ చిన్న వేళ్ళు, కాలి వేళ్లు చూడండి. అవి చాలా పలుచగా వుంటాయి. పొడవుగా వుండే గోళ్ళు వుంటాయి.

బేబీ చర్మం అనేక రకాలుగా కనపడుతుంది. ఎర్రగా, పింక్ రంగులో లేదా ఊదా రంగులో మొదట వుంటుంది. కొంతమంది బేబీలు తెలుపురంగుతో పుడతారు. ఈ తెలుపురంగు వారి చర్మాన్ని తల్లి గర్భ సంచిలో వున్న ఉమ్మ నీటినుండి కాపాడుతూంటుంది. దీనినే వర్నిక్స్ అంటారు. బేబీని మొదట స్నానం చేయించిన వెంటనే ఈ వర్నిక్స్ మాయమవుతుంది. మరి కొంతమంది బేబీలు ముడతలతోపుడతారు. కొంతమంది అంటే ప్రత్యేకంగా నెలలు నిండకుండా పుట్టిన బేబీలు ఎంతో సున్నితంగా చిన్నపాటి వెంట్రుకలతో పుడతారు. ఒకటి లేదా రెండు వారాలలో వెంట్రుకలు ఊడి వచ్చేస్తాయి.

కొత్తగా పుట్టిన శిశువులలో ర్యాషెస్, మచ్చలు లేదా చిన్న తెల్లటి మచ్చల వంటివి సాధారణం. ఇవన్ని కూడా పుట్టిన కొద్ది రోజులు లేదా వారాలవరకు మాత్రం వుంటాయి. మీ బేబీని డాక్టర్ పుట్టినప్పటినుండి మొదటి 12 నుండి 24 గంటలలోనే పరీక్షించి అవి సాధారణ మచ్చలా కాదా అనేది పరిశీలిస్తాడు. మీ బేబీ ఆకారం పుట్టిన కొద్ది వారాలకే పెరుగుదల చూపి మీరు ఆశించని రీతిలో రూపం మారిపోతుందని గుర్తుంచుకోండి. కాళ్ళు చేతులు సాగుతాయి. చర్మం రంగు మారుతుంది. మచ్చలవంటివి పోతాయి.

బిడ్డ పుట్టిన వెంటనే మీ బేబీ ని ఆరోగ్యం కొరకు పరీక్షలు చేస్తారు. రొటీన్ గా చేసే ఈ పరీక్ష లో బేబీ ఎలా స్పందిస్తోంది? ప్రధాన గుర్తులేమిటి అనేది తెలుస్తుంది. అయిదు అంశాలు పరీక్షిస్తారు. అవి గుండె కొట్టుకోవడం, శ్వాస, రంగు, శరీరంలోని కండరాల కదలికలు, ముఖం చిట్లింపు, నోరు వెక్కిరింపు వంటివి పరిశీలిస్తారు.