తినటానికి పిల్లలు సతాయిస్తున్నారా?

ఇష్టంలేని పదార్ధాలను తినమని పిల్లలను బలవంతం చేయటం సరికాదని పిల్లల నిపుణులు చెపుతారు. ఇష్టం లేని పదార్ధాల జాబితా అత్యధికంగా వుంటుంది. పాలు, కూరలు, పండ్లు, కాయ ధాన్యాలు మొదలైనవేవీ పిల్లకిష్టముండవు. వారికి కావలసింది చిప్స్, ఫ్రైస్, పిజ్జాలు, బర్గర్లు, కేకులు మొదలైనవి.

పిల్లలు ఆరోగ్యకరమైన తిండి పదార్ధాలను తినాలంటే, కొన్ని చిట్కాలు పరిశీలిద్దాం....

1. పిల్లలు తినే బర్గర్లు, శాండ్ విచెస్, ఫ్రైస్ మొదలైనవి ఆరోగ్యమైన కూరలు, గొధుమ బ్రెడ్ మొదలైన వాటితో తయారు చేయండి. బర్గర్లలో మంచింగ్ కై చేసే వాటిలో వివిధ రకాల కూరలు వాడండి. మంచి నాణ్యతగల నూనెలు వాడి వాటిని వేపుడు చేయండి.

2. పండ్లు, కూరలు అందంగా కట్ చేయండి వాటికి సైడ్ గా ముంచుకోడానికి ఇంట్లోనే తయారు చేసిన తాజా పెరుగు, పాలు, కొద్దిపాటి మసాలాలు పెట్టండి. పండ్లలో తేనె కలిపి ఇవ్వండి.

3. డ్రై ఫ్రూట్స్ ఒక ప్లేట్ లో అందుబాటులో వుంచండి. వారి కిష్టమైనపుడు వాటిని ఎగరేసుకు తింటారు.

4. పిల్లలకు తినటానికి విసుగు పుట్టకుండా వంటకాలు మార్చండి. వారికిష్టమైన రీతిలో చేయండి.

5. ఇతర తల్లులు వారి పిల్లలకు ఏ ఆహార పదార్ధాలు తయారు చేస్తున్నారో తెలుసుకోండి. ఈ రకంగా మరికొన్ని తిండి పదార్ధాలు మీ జాబితాకు జత చేయండి.

6. ప్రతిరోజు పాలు తాగుతూంటే, ఒక రోజు వాడికి పెరుగు, జున్ను లేదా వెన్న, లేదా పనీర్ వంటివి ఇవ్వండి.

7. గుడ్లు ఉడికించి కట్ చేసి ఉప్పు, పెప్పర్ వేసి ఇవ్వండి. మరో రోజు ఆమ్లెట్ తయారు చేయండి.

8. చిన్నగా తరిగిన కూరలు, ఆకులు దోశ, ఇడ్లీ మొదలైన వాటికి ముందు ఇవ్వండి. పోషకాలు బాగా అందుతాయి.

9. పిల్లాడి రుచులు తెలుసుకోండి. వాడికి మసాలాలు ఇష్టమైతే, కొద్దిగా వేస్తూ వుండండి.

10. ఆహారం వారికి నిర్దేశిత సమయంలో ఇవ్వండి. ప్లేటంతా ఖాళీ చేయమని బలవంతం చేయకండి. వారికెపుడు అవసరమైతే అపుడు తినమనండి. అయితే కొంత సమయంలోపలే ప్లేట్ ఖాళీ చేయాలని చెప్పండి. ప్రతి ఆహారానికి, అది పూర్తి కాకపోయినా సరే, 30 నిమిషాలకంటే అధిక సమయం ఇవ్వవద్దు.

ఈ చిట్కాలు పాటించి మీ బిడ్డ ఆహారం సరిగా తినేలా చేయండి. బిడ్డ ఆహారపుటలవాట్లు మెల్లగా మార్చండి.