దురుసు ప్రవర్తన తగ్గాలంటే... !

Kids

oi-Nageswara

By B N Sharma

Published: Thursday, November 24, 2011, 16:11 [IST]

కొంతమంది పిల్లలు తల్లి తండ్రులను, లేదా ఇతరులను కొట్టటం గమనిస్తూంటాం. పిల్లలకు వారికిష్టమైనది ఇవ్వకపోయినా, చేయక పోయినా ఈ చర్యలు చేస్తారు. అయితే తల్లితండ్రులు చాకచక్యంగా సహనంతో వారిలోని ఈ దురుసు ప్రవర్తన తొలగించాలి. చిన్నతనంలోని ఈ హింసాత్మక ధోరణి వారి తర్వాతి జీవితంలో కొనసాగగలదు. తల్లితండ్రులుగా పిల్లల ప్రవర్తన సరిచేయవచ్చు. అందుకుగాను కొన్ని చిట్కాలు పరిశీలించండి.

కొన్ని సార్లు పిల్లలు తమకేది చేసినప్పటికి తల్లితండ్రులు సహిస్తారు. కాని ఇతరులపై పిల్లలు దురుసుగా ప్రవర్తిస్తే వారిని దండిస్తారు. ఇది తప్పు. పిల్లాడికి మీకు...ఇతరులకు బేధం తెలియదు. మొదటగా పిల్లాడు మిమ్మల్ని కొట్టకుండా మాన్పించండి. ఇది చేయగలిగితే, వాడు ఇతరరులను కూడా కొట్టడు. పిల్లాడు మిమ్మల్ని కొడుతున్నా, గిచ్చుతున్నా లేక కొరుకుతున్నా మొదటి సారే మీరు దానిని సీరియస్ గా తీసుకోండి. పిల్లాడిని తిరిగి కొట్టకండి. అలా చేస్తే, మీరు అతనితో సమానమని భావిస్తాడు. కళ్ళతో బెదిరించి అతని చర్యలను నిలుపు చేయాలి.

లేదా...మరో చర్యగా వాడు చేసే పనులు పట్టించుకోకండి. పిల్లాడి ఎనర్జీ అంతా ఖాళీ అయితే ఇక తాను చేసే పనులు మీరు పట్టించుకోరని తెలిసి వాడు మానేస్తాడు. పిల్లాడిని ప్రభావించే హింసాత్మక సన్ని వేశాలను మీరు నిలుపుచేయండి. హింసాత్మక కార్టూన్లు, ఆటలు మొదలైనవి చూడటం మాన్పించండి. కనీసం మీరు కూడా వాడి ముందర అరవడం, కొట్టడం వంటి చర్యలతో హింసాత్మకంగా ప్రవర్తించకండి. కుటుంబంలోని సభ్యులెవరైనా వాడి ముందర అలా ప్రవర్తించినా నిలుపు చేయండి. పిల్లాడు అలా తయారయ్యాడంటే దానికి కారణం పెద్దలే. అతిగా ప్రేమించే ఇంటిలోని సభ్యులు కూడా ఒక్కొక్కపుడు వాడు కొడితే ...తిరిగి వాడిని కొట్టడం వంటివి చేసి నేర్పిస్తారు.

ఈ చిట్కాలు చేపట్టి పిల్లాడు ఎవరిని కొట్టకుండా చూడండి.