ముందు జాగ్రత్తలతో ముప్పు తప్పినట్లే!

పిల్లలు పడటం: పిల్లలు ఎత్తు ప్రదేశాలనుంచి పడ్డపుడు గాయాలౌతాయి. వీటికి సత్వర చికిత్సకు గాను ఇంటిలో ఐస్ ముక్కలుంచితే, వాటితో గాయమైన ప్రదేశంలో రుద్దితే తక్షణం రక్తం ఆగటమే కాక నొప్పి కూడా తగ్గుతుంది.

ముక్కు నుండి రక్తం కారటం - పిల్లలకు ఉన్నట్టుండి ముక్కునుండి రక్తం కారతూ వుంటుంది. దీనిని అరికట్టాలంటే తలను కిందకు అదిమిపట్టి తలపై ఐస్ ముక్కనుంచి, ముక్కు మూసి నోటితో గాలి పీల్చుకోమనాలి. వెంటనే రక్తం కారటం తగ్గుతుంది.

కాలిన గాయాలేతే - వంటగదిలో అటూ ఇటూ తిరుగుతూ వేడెక్కిన స్టవ్ లు, లేదా గిన్నెలు ముట్టుకుని గాయాలు చేసుకుంటారు. ఆ సమయంలో కాలిన గాయాలకు కాఫీపొడి లేదా పసుపు లేదా కిళ్ళీలలో వేసే కాసు వంటివి రాయవచ్చు. గాలి బాగా తగలాలి. తర్వాత వైద్యుని వద్దకు తీసుకు వెళ్ళి గాయం ఎంత తీవ్రంగా అయిందనేది పరీక్షించి వైద్యం చేయించండి.

కుక్క లేదా పిల్లి కరవటం -ఎంత పెంపుడు కుక్క అయినప్పటికి ఒప్పుడో ఒకప్పుడు పిల్లలను కరుస్తూ వుంటుంది. కరిచిన శరీర భాగాన్ని నీటితో బాగా అయిదారుసార్లు కడగండి. యాంటీ సెప్టిక్ లోషన్ రాసి వైద్యుని వద్దకు తీసుకు వెళ్ళండి.

ఆహారం తినేటపుడు మింగలేక ఊపిరాడకపోతే - ఖంగారు పడవద్దు దగ్గరకు తీసుకుని పిల్లాడి తలను ముందుకు వంచి పొట్టకి రెండువేపులా రెండు చేతుల్ని ఉంచి, వీపు భాగంపై తట్టుతూ వుంటే లోపల ఇరుక్కున్న ఆహారం సర్దుకుంటుంది. ఈ సమయంలో పిల్లాడు నోటితో శ్వాస తీసుకునేలా చూడాలి.