పిల్లల కోసం 5 సోహసోపేతమైన క్రీడలు-చిల్డ్రన్స్ డే స్పెషల్

రాక్ క్లైబింగ్ పిల్లలకు ఒక చాలెంజింగ్ లా, సరదా ఉండేటటువంటి యాక్టివిటి అని చెప్పొచ్చు. దీని వల్ల పిల్లలకు శారీరకంగా మరియు మానసికంగా కావాల్సినన్నిఆరోగ్య ప్రయోజనాలను అందిస్తుంది. అయితే రాక్ క్లైంబింగ్ లో మీ పిల్లలకు తగినన్ని భద్రత జాగ్రత్తలు గురించి వివరించాలి. కొన్ని అనుభవ జాగ్రత్తలను విపులంగా వివరించడం వల్ల పిల్లలు జాగ్రత్తగా, సరదాగా రాక్ క్లైంబింగ్ పూర్తి చేస్తారు. లేదా అనుభవం ఉన్న శిక్షకుడి దగ్గర శిక్షణ ఇప్పించడం చాలా అవసరం. అతని పర్యవేక్షణలోనే ఇటివంటి కార్యక్రమాలు చేయించాల్సిన బాధ్యత తల్లిదండ్రులదే. అలాగే శిక్షణ ఇచ్చే సంస్థలు మీ పిల్లలకు తగిన భద్రత ఏర్పాట్లను చేస్తున్నారో లేదో తెలుసుకోవాలి. ఒక వేళ మీ పిల్లలను రాక్ క్లైంబింగ్ కు పంపడానికి భయపడుతున్నట్లైతే దానికి అనుసందానమైనటువంటి వాల్ క్లైంబింగ్ కు పంపించవచ్చు.

ట్రెక్కింగ్ మీ పిల్లల కోసం ఒక రోజు క్యాంప్ కోసం ప్లాన్ చేయండి. లేదా పిల్లల పేర్లు నమోదు చేయించండి. అయితే ట్రెక్కింగ్ కు వెళ్ళే పిల్లల వయస్సు కనీసం 4-5సంవత్సరాలు కలిగి వుండాలి. ట్రెక్కింగ్ అనేది పిల్లలకు సాహసోపేతమైన క్రీడ మాత్రమే కాదు. అతను ఏ మార్గంలో వెళుతున్నాడు, ప్రకృతి గురించి తెలుసుకోవడానికి ప్రయత్నిస్తాడు. ఇది పిల్లలకు పర్యావరణం గురించి తెలుసుకోవడానికి చాలా గొప్ప మార్గం. ట్రెక్కింగ్ లో ఉత్సాహం కనబిరిచే పిల్లలకోసం చాలా సంస్థలు నిర్వహించడానికి అనేక క్లబ్బులు కూడా ఉన్నాయి. ఇంకా కొన్ని క్లబ్బులు ట్రెక్కింగ్ కు వెళ్లే వారి పిల్లలతో పాటు తల్లిదండ్రులను కూడా పర్వతారోహణకు అనుమతిస్తుంది.

పిల్లలకు రివర్ క్రాసింగ్ చాలా సరదా అయినటువంటి క్రీడ. నదికి రెండు వైపులా ఒక తాడును కట్టి దాని వెంబడి పిల్లలను నడవడానికి, నడిపించడానికి ఈ క్రీడ ఏర్పాటు చేయిస్తుంటారు. ఇటువంటి సాహసోపేతమైన క్రీడలను పెద్దవారికి మాత్రమే ఉంటాయి. అయితే పిల్లలు చేత చేయించడానికి శిక్షణ తప్పనిసరి. రివర్ క్రాసింగ్ సమయంలో వారిని అనుసరిస్తూ శిక్షకులు ఉండటం కూడా మంచిది.

త్రాళ్ళతో అధిరోహించడం అంటే చాలా కష్టమైన పనే. బ్యాలెన్స్ చేస్తూ క్రింది నుండి పైకి ఎక్కాల్సి ఉంటుంది. అయితే పిల్లల కోసం ఇండోర్ లోపల మాత్రమే ఇటువంటి క్రీడలను ఆడటానికి కొన్ని సంస్థలు ఏర్పాటు చేసి ఉంటాయి. అవి వారికి క్షేమం కూడా. మీ పిల్లలు రాక్ లేదా వాల్ క్లైంబింగ్ ఎక్కడానికి ఇష్టపడుతున్నట్లైతే వారిని త్రాళ్ళతో ఎక్కడానికి ప్రయత్నించమని చెప్పండి.

బంగీ జంపింగ్ పిల్లలకు చాలా ఇష్టమైన సరదా ఆట. మీ పిల్లలు ఇంట్లోనే ట్రామ్పోలిన్ మీద బంగీజంపింగ్ ను ప్రయత్నించవచ్చు...