పిల్లల కోసం ఆరోగ్యకరమైన అల్పాహార వంటకాలు

బహుశా, మీరు ఈ విషయం ఇంతకు ముందు వినే ఉంటారు. అల్పాహారం రోజు మొత్తంలో అతి ముఖ్యమైన భోజనం, మీకు పిల్లలుంటే, వారికి అల్పాహారం ఆరోగ్యవంతంగా, పోషక విలువలతో కూడి ఉండేలా మీరు చూసుకోవాలి. అలాగే, వారు ఎంతో ఇష్టంగా తినేవిధంగా అల్పాహారాన్ని తయారుచెయ్యాలి. ముడి పప్పు దినుసులు (bran cereals) ని ఒక గిన్నెలో పెట్టి పిల్లల్ని తినమంటే వారు ఇష్టంగా తినకపోవచ్చు. అందుకనే, కొన్ని సాధారణ వంటకాల ద్వారా మీ పిల్లలకి రుచికరమైన, పోషక విలువలతో కూడిన ఆరోగ్యకరమైన అల్పాహారాన్ని అందించవచ్చు. మరి అలాంటి వంటకాలని తెలుసుకుందామా.

గోధుమలతో తయారు చేసిన పాన్ కేకు మరియు పళ్ళు

మీ పిల్లలకి అల్పాహారంగా గోధుమలతో తయారు చేసిన పాన్ కేక్ మరియు పళ్ళు ఇవ్వడం మంచిదని నిపుణులు సూచిస్తున్నారు.

హోల్ వీట్ పాన్ కేక్ (whole wheat pancake) తయారు చేయడానికి ఒక అరటిపండు, ఒక కప్పు సోయా పాలు, ఒక టేబుల్ స్పూన్ మాపల్ సిరప్(maple syrup), ఒక కప్పుడు గోధుమ పిండి మరియు రెండు చెంచాల బేకింగ్ పౌడర్ కావలెను.

ఒక గిన్నెలో, అరటిపండుని గుజ్జుగా చేసుకుని పాలు మరియు సిరప్ లతో కలుపుకోవలెను. తరువాత, వేరొక గిన్నెలో గోధుమ పిండి, బేకింగ్ పౌడర్ మరియు తగినంత ఉప్పుని కలుపుకోవాలి. ఈ మిశ్రమానికి, ముందుగా తయారు చేసుకున్న అరటిపండు మిశ్రమంతో కలపాలి. బాగా కలిపిన తరువాత పెనాన్ని స్టవ్ మిద పెట్టి స్టవ్ ఆన్ చెయ్యాలి. ఒక చిన్న గరిటె తో పెనం మిద ఈ మిశ్రమాన్ని పొయ్యాలి. ఉడుకుతుండగా, పాన్ కేక్ మీద బుడగలు ఏర్పడినప్పుడు తిరగేసి మళ్లీ ఉడకనివ్వాలి.

ఈ పాన్ కేక్స్ ని తాజా పళ్ళతో వడ్డించండి. స్ట్రాబెర్రిస్, బ్లూ బెర్రీస్, ఆపిల్ ముక్కలు, లేదా అరటిపండు ముక్కలతో చాలా బాగుంటాయి.

ఒక గ్లాసుడు సోయా పాలు మరియు మరో గ్లాసుడు నారింజ రసంతో మీ పిల్లలకి అల్పాహారంగా పాన్ కేక్స్ ని వడ్డించండి. మీ పిల్లలు ఈ అల్పాహారంతో సంతోషంగా తమ రోజుని ప్రారంభిస్తారు.

బేక్డ్ ఓట్ మీల్ : మీ పిల్లలకి బేక్డ్ ఓట్ మీల్ అల్పాహారంగా ఇవ్వడం కోసం ఈ వంటకం తెలుసుకోండి.

త్వరగా వండటం కోసం, ఒక కప్పు చుట్టిన ఓట్స్, అర కప్పు డ్రై ఫ్రూట్స్, రెండు కప్పుల పాలు, పావు కప్పు పంచదార, అరచెంచా వెనిల్లా, తగినంత ఉప్పు, రెండు టేబుల్ స్పూన్స్ సిరప్.

పై పదార్ధాలతో చెప్పబడిన మోతాదులో తయారు చేస్తే ఇది నాలుగు కప్పులు వస్తుంది. కాబట్టి నాలుగు బేకింగ్ కప్స్ కావాలి. ప్రతి కప్ మీద నాన్ స్టికింగ్ స్ప్రే చల్లుకొని పక్కన పెట్టాలి. ఒక పెద్ద గిన్నెలో, ఓట్స్ మరియు డ్రై ఫ్రూట్స్ని కలుపుకోవాలి. మరొక గిన్నెలో పాలు, పగలగొట్టిన గుడ్డు సోన, వెనిల్లా, పంచదార, మరియు తగినంత ఉప్పుతో కలుపుకోవాలి. ఈ రెండు గిన్నెలలో ని మిశ్రమాన్ని బాగా కలుపుకోవాలి. ఈ మిశ్రమాన్ని కస్టర్డ్ కప్స్ లో నింపుకోవాలి. వీటిని 350 డిగ్రీల వద్ద ఓవెన్ లో బేక్ చెయ్యాలి. వడ్డించేటప్పుడు, డ్రై ఫ్రూట్స్ ని స్మైలీ లాగ అలంకరించాలి. సిరప్ ని కప్పులపై ఇష్టమైతే చల్లవచ్చు.

సరియైన పదార్ధాలని వాడితే ఆరోగ్యకరమైన ఆహారం తీసుకోవడం కష్టమేమీ కాదని గుర్తుంచుకోండి. సేంద్రియ మరియు సహజ దినుసులు వాడడం, తీపి, ఉప్పు మరియు కొవ్వు తక్కువగా ఉన్న ఆహారాన్ని తీసుకోవాలి. ఈ సూత్రాన్ని పాటిస్తూ మీకు నచ్చినన్ని రకాలుగా ఆరోగ్యకరమైన వంటకాలని తయారుచేసుకోవచ్చు.

ఉదాహరణకి ఒక గోధుమ బ్రెడ్ ని తీసుకుని మధ్యలో రంధ్రం చేయండి. పెనాన్ని వేడి చేసి కుకింగ్ స్ప్రే ని చల్లండి. మధ్యలో రంధ్రం చేసిన బ్రెడ్ ని పెనం పైన ఉంచి ఆ రంధ్రంలో పగులకోట్టిన గుడ్డు సోనని పొయ్యండి. గుడ్డు ఉడికే వరకు బ్రెడ్ ని కాల్చండి. దీనిని తాజా పండ్ల ముక్కలతో పాటు వడ్డించండి. ఈ వంటకం చాలా సులభం మరియు ఆరోగ్యకరం.