పిల్లలు స్వతంత్రంగా వ్యవహరించాలంటే?!

1. ఇంట్లో ఒక పార్టీ ఏర్పరచండి - కంప్యూటర్లు, టి.వి.లు, వీడియోగేములు పిల్లాడితో ఆపించండి. అవి మంచి స్నేహాలకు శత్రువులు. రుచికరమైన స్నాక్స్, కూల్ డ్రింక్స్ వంటివి ఏర్పాటు చేసి ఇంటి చుట్టు పక్కల మీ పిల్లాడి వయసువున్న పిల్లలను ఆహ్వానించండి. వారితో కలసి మాట్లాడేలా చేయండి.
2. ఆటలు - ఎక్కువమంది పిల్లలు కలిసి ఆడే ఆటలు ఆడించండి. కలసి ఆడితే, స్నేహానికి గెలుపు ఓటములు అందించే అలవాటు పిల్లాడికి కలుగుతుంది. కొత్త భాషలు తెలుసుకునే అవకాశం వుంటుంది.
3. ఇంటివద్దకు -మీ పిల్లాడి స్నేహితులను ఇంటికి రమ్మనండి. అతడిని ప్రత్యేకంగా వుంచక వారితో కలసి స్కూలుకు వెళ్ళడం ఇంటికి రావడం వంటివి నేర్పించండి. మీకు కూడా కొంత ఫ్రీ టైమ్ దొరుకుతుంది.
4. కలిసి చదవటాన్ని ప్రోత్సహించండి - పిల్లాడు తన స్నేహితుడితో కలిసి చదువుకుంటానంటే అంగీకరించండి. కలసి చదివితే, నాలెడ్జి అధికమవుతుంది.
5. ఇచ్చి పుచ్చుకోడం - మీరు స్నాక్స్ వంటి తినే పదార్ధాలను ఒక గ్రూపుకు తయారు చేస్తే, అవి మీ పిల్లాడు వారికివ్వటం, స్నేహాన్ని పెంచుకోడం వంటివి కూడా చేస్తాడు. స్నేహాన్ని పెంచే పుస్తకాలను చదవమని ప్రోత్సహించండి.

అంతేకాదు, పిల్లలలో నేడు ఆట పాటలు లోపిస్తున్నాయి. కనుక వారిని బహిరంగ ప్రదేశాలైన పార్కులు వంటి వాటిలో ఆటలు ఆడేలా ప్రోత్సహించండి. చెట్లు ఎక్కడం, గోలీలు ఆడటం, బిళ్ళం గోడు ఆడటం వంటి సాంప్రదాయక పిల్లల ఆటలు నానాటికి తగ్గిపోతున్నాయని తాజాగా ఇంగ్లాండులో చేసిన ఒక అధ్యయనం తెలిపింది. పిల్లలకు ప్రకృతితో సంబంధం వుండే ఆటలు వెనుకబడుతున్నాయని, వారికి సహజ ప్రకృతితో సంబంధాలు వుండటం లేదని అధ్యయనకారుడు ఇప్సోస్ మోరి వెల్లడించారు. ఆయన తన స్టడీలో సుమారు 1,012 మంది వ్యక్తులను వ్యక్తిగతంగా ఇంటర్వ్యూ చేశారు.

వారిని వారికి గుర్తువున్న చిన్నతనంలోని 12 అవుట్ డోర్ అనుభవాలను అంటే, చెట్లు ఎక్కడం, గోలీలు ఆడటం, బిళ్ళం గోడు ఆట, పక్షులకు ఆహారం వేయటం, వంటివి చెప్పవలసిందిగా కోరారు. ప్రజలలో 92 శాతం మంది పిల్లలకు ప్రకృతితో సంబంధం వుండే అవుట్ డోర్ ఆటలు అవసరమేనని తెలిపారు. 82 శాతంమంది, పాఠశాలలు పిల్లలకు బయటి ఆటలు కూడా బోధించాలని తెలిపారు. రీసెర్చిలో పిల్లలకు ప్రకృతితోగల సంబంధం వారి విద్య, ఆరోగ్యం, సంక్షేమం, సామాజిక నేర్పులు మొదలగువాటిపై ప్రభావం చూపగలదని తేలింది.

అయితే, నేటి రోజులలో అట్టి అవకాశాలు తగ్గి ప్రకృతితో వ్యతిరేక సంబంధిత ఫలితాలు పిల్లలకు, కుటుంబాలకు, సమాజానికి కలుగుతున్నాయని ఇది ప్రకృతి లోపం డిజార్డర్ గా ప్రజలలో రూపొందుతోందని అధ్యయనం తెలిపింది. ఇంటర్నెట్, వీడియే గేములు, మొదలైన ఇండోర్ వ్యాపకాలు పిల్లలలో పెరిగిపోవటంతో వారికి బయటి చర్యలు సమర్ధవంతంగా చేసే అవకాశం కూడా లేకుండా పోతోందని పరిశోధకులు అభిప్రాయపడ్డారు.