తల్లి తండ్రులతో కలసి మందు కొడితే?

Kids

oi-Nageswara

By B N Sharma

Published: Wednesday, June 6, 2012, 11:19 [IST]

నేటి జనరేషన్ పిల్లలతో తల్లి తండ్రులు సైతం మారిపోతున్నారు. పిల్లలు తమ మొదటి సారి ఆల్కహాల్ ఇంటివద్దే తాగేస్తున్నారు. దేశం ఎంతో ముందుకు పోయింది. పోతోంది. ప్రత్యేకించి పాశ్చాత్య జీవన విధానాలు ఆచరించడంలో. భారతీయ తల్లితండ్రులు ఎంతో సాంప్రదాయకంగా వుంటూ తమ పిల్లలు మందు కొట్టటాన్ని నిరసించేవారు నేటి రోజులలో పిల్లలు తమ మొదటి ఆల్కహాల్ గ్లాస్ ను తమ సమక్షంలో ఇంటి వద్దే తాము కళ్ళతో చూస్తూండగా తాగేసేలా కూడా చేస్తున్నారు. రోజులు ఎందుకని ఇలా మారిపోతున్నాయి అనేది పరిశీలిస్తే....

బాబు బర్త్ డే....ఆధునికంగా వుండాలి? మన స్టేటస్ కు తగ్గట్లు పార్టీ జరగాలి. మరి పార్టీకి వచ్చే వారంతా హై ఫై సొసైటీ. మందు తప్పని సరిగా వుండాలి. అందరి చేతుల్లోను గ్లాసులు వుంటే....మన పిల్లాడి చేతిలో లేకుంటే చిన్నతనమే. గ్లాస్ పట్టుకోరా బాబూ అంటే తాగేయనే తాగేశాడు అంటారు తల్లితండ్రులు. ఇంటిలోనే బార్ కేబినెట్, సాయంత్రం అయ్యే సరికి తండ్రికి విస్కీ దైవం...తల్లికి బ్రాందీ ఆధారం. మరి వారిద్దరూ అభిమానించే కుమారుడికి ....ఇంటిలోనే పుచ్చుకో బయటి కల్తీలు వద్దు అంటూ పాఠాలు చెప్పటం. వారు చెపటంలోను, కుమారుడు వినటంలోనూ ఏ మాత్రం అసాధారణంగా వారిమధ్య కనపడటం లేదు. హేంగోవర్ కి మరుసటి రోజు ఏం చేయాలి? అనేది కూడా తల్లితండ్రులే పిల్లలకు నేర్పించేస్తున్నారు.ఈ వ్యవహారమంతా మగ పిల్లలకే పరిమితం కావటం లేదు. ఆడ పిల్లలు సైతం తల్లితండ్రుల పక్కన చేరి తాగేస్తున్నారు. సిటీ పబ్ లు మామ్....డాటర్లకు ప్రత్యేక ప్రోత్సాహక పధకాలు ఇచ్చేస్తున్నాయి. వీరికి, వీలైనంతవరకు ఇంట్లోనే తాగండి అనేది ఇంటి పెద్ద సూచన.

ఈ రకంగా తమతోపాటు, ఇంటివద్దే తాగించటంలో పిల్లలకు ఎంతవరకు తాగాలో ...అనే లిమిట్ కూడా నేర్పిస్తున్నామనే తల్లితండ్రులు. నాకు ముగ్గురు కొడుకులు అందరూ 25 సంవత్సరాల పైబడినవారే...వీరికి భాధ్యతాయుతంగా ఇంటిలో ఎంత తాగాలో నేను బాగా నేర్పించాను, నేడు వీరు శుభకార్యాలు జరిగితే ఇంట్లోనే పార్టీలు ఇచ్చేస్తారు. పార్టీలు అయిన తర్వాత స్నేహితులకు ఇళ్ళకు వెళ్ళటానికి కార్లు ఏర్పాటు చేసేస్తారు అంటారు ఈ హై సొసైటీ తల్లితండ్రులు. పిల్లలతో వ్యవహరించటంలో ప్రధాన విషయమేమంటే మీకు సరి అని తెలిసిన దానిని పిల్లలకు పూర్తినా నేర్పించేయాలని, వాటిలోని సాధక బాధకాలు వారికి పూర్తిగా అవగాహన అవుతాయని, నియంత్రణ ప్రధానమని, నియంత్రణ కూడా వారికి నేర్పించేస్తే ఇక ఎట్టి సమస్య వుండదని వీరు భావిస్తారు.

మారుతున్న సమాజంలో ఆధునికంగా పబ్ లు, బార్లలో తల్లి తండ్రులు, పిల్లలు కలసి లిక్కర్లు తాగటానికి రావటం సాధారణమైపోతోందని రెస్టరెంట్ బార్ల యజమానులు సైతం అంగీకరిస్తున్నారు. ఒకరి సమక్షంలో మరి ఒకరు తాగటం, సమయం గడపటం అలవాటు పడిపోతున్నారని, అయితే, వీటి దుష్ప్రభావాలు ఆ మందు మితిమీరితే ఎలా వుంటాయనేది తాము ఇంతవరకు తమ బార్లలో ఎదుర్కొనలేదని కూడా వీరు తెలుపుతున్నారు.