నలభై వయసులో....ఇరవై ఏళ్ళ చేష్టలా?

బ్రెయిన్ లోని ఒక భాగం....ఇతరులతో కలసి సాగాలనేది....పూర్తిగా ఎదగటానికి కొన్ని దశాబ్దాలు పడుతుందని, ఇటువంటి వారు వారి టీనేజ్ వయసు అయిపోయినప్పటికి సమాజంలో ఇంకా చిన్న వయసు పనులు కొన్ని చేస్తూ వుంటారని పరిశోధకులు వెల్లడించినట్లు డెయిలీ మెయిల్ వార్తా పత్రిక తెలిపింది.

కొద్ది సంవత్సరాల క్రింతం వరకు కూడా మానవ బ్రెయిన్ బాల్యంలోనే ఎదుగుదల పూర్తిచేసుకుంటుందని భావించేవారు. కాని నేడు నలభై సంవత్సరాల వయసు వచ్చినప్పటికి బ్రెయిన్ లోని ముందు భాగమే కాక అనేక ఇతర భాగాలుకూడా ఇంకా అభివృధ్ధి చెందుతూనే వుంటాయని పరిశోధకులు కనిపెట్టారు. ప్రత్యేకించి సమాజంలో ఇతరులతో ఎలా మెలగాలనే విషయాలపై అవగాహన ఏర్పరుచుకొనే భాగాలు పెద్దవారైనప్పటికి అభివృధ్ధి చెందుతూనే వుంటాయని రీసెర్చర్ న్యూరోసైంటిస్ట్ సారా జయనీ బ్లాక్ మోర్ వెల్లడించారు.