శిశువుకు అవసరమైన పోషకాలకు తల్లిపాలే ఆధారం!

By B N Sharma

Published: Tuesday, May 22, 2012, 8:28 [IST]

The Importance of Breastfeeding An Infant!

నేటి రోజులలో మన సమాజంలో తల్లి తండ్రులకు తమ పిల్లల పట్ల ఆసక్తి పెరిగిపోతోంది. తల్లులు తమ పిల్లలకు తమ స్తనాలపాలు పట్టటంపై ఎంతో ఇష్టం ప్రదర్శిస్తున్నారు. పిల్లలను వదలి కొంత సమయంకూడా గడపలేకపోతున్నారు. అందుకు నిదర్శనం ఇటీవల టైమ్ మేగజైన్ కవర్ పేజీపై ప్రచురించిన 26 ఏళ్ళ వయసు తల్లి తన మూడు సంవత్సరాల వయసు బిడ్డకు పాలు పట్టే ముఖచిత్రంగా చెప్పవచ్చు.

తల్లిపాలు పట్టటం ఒక సహజ లక్షణం. మహిళలకు అది ఒక ప్రోత్సాహం కాగా అమెరికావంటి ధనిక దేశంలో కొన్ని ప్రాంతాలలో అదొక దురాచారంగా భావిస్తున్నారు. బిడ్డకు తన స్తనపాలు పట్టే తల్లిని అసహ్యించుకునే వారు కూడా ఆ సమాజంలో లేకపోలేదు. తల్లి తన స్తనాల పాలు బిడ్డకు పట్టటమనేది శారీరక ధర్మంగా భావించాలి. అది సమాజపరంగా సంబంధం లేని అంశం. మన సంస్కృతిలో ఎంతమంది చూసినప్పటికి దానిని సర్వసాధారణంగా భావిస్తారు. తల్లిపాలు బిడ్డకు అందించడం ఒక సహజ చర్య అంతేకాని అది సిగ్గుపడవలసినది కాదని వారు గుర్తించాలి.

వాస్తవానికి ప్రపంచ ఆరోగ్య సంస్ధ బిడ్డకు ఆరు నెలల వయసు వచ్చేంతవరకు తప్పక తల్లిపాలు పట్టాలని ఆ తరువాత రెండు సంవత్సరాలు అంతకు మించి కూడా ఇవ్వవచ్చని సిఫార్సు చేస్తోంది. అయితే, అమెరికాలో నేటికి 15 శాతం మంది పిల్లలకు మాత్రమే తల్లిపాలు లభిస్తున్నట్లు సెంటర్ ఫర్ డిసీజ్ కంట్రోలో వెల్లడి చేసింది. కొంతమంది బహిరంగ ప్రదేశాలలో తల్లులు పిల్లలకు పాలివ్వటమనేది నిరసిస్తారు. ఇది వారు తమ పిల్లలపట్ల నిరసన ప్రదర్శించటంగానే భావించాలి. కాని నేటికి మన సమాజంలో తల్లులు బహిరంగ ప్రదేశాలలో సైతం పిల్లలకు పాలు పడుతూనే వున్నారు. మన దేశంలోని కొన్ని బహిరంగ ప్రదేశాలు అంటే సూపర్ మార్కెట్లు, ఆస్పత్రులు వంటి వాటిలో తల్లులు, ఏడుస్తున్న తమ పిల్లలకు పాలు పట్టటానికి కొన్ని ప్రత్యేక ప్రదేశాలతో ఏర్పాట్లు చేశారు.

కొత్తగా అపుడే పుట్టిన బిడ్డకు తల్లిపాలను మించిన ఆహారం లేదు. తల్లిపాలలో బిడ్డకు శారీరకంగా, మానసికంగా పెరుగుదలకు అవసరమైన పోషకాహారాలు అన్నీ వుంటాయి. కనుక బిడ్డ ఎదుగుదల సరిగా వుండాలంటే, తల్లిపాలు బిడ్డకు మొదటి ఆరు నెలలు పట్టాలి. మహిళ ప్రసవం అయిన తర్వాత వెంటనే తన స్తనాలలో పొందే పాలు ఎంతో చిక్కగా వుంటాయి వీటిని ముర్రు పాలు అంటారు. ఈ పాలను సైతం అపుడే పుట్టిన బిడ్డకు అందించాలి.