తల్లిపాలు అధికం కావాలంటే ? !

By B N Sharma

Published: Wednesday, February 1, 2012, 14:41 [IST]

What mothers eat can influence their milk supply

ప్రపంచ వ్యాప్తంగా పాలు పట్టే తల్లులకు తమ పాలు బిడ్డకు సరిపోవడంలేదనే సమస్య అనాదికాలంగా వుంది. పాలు అధికంగా పడటానికి గాను మహిళలు కొన్ని ఆహారాలు తీసుకుంటారు. గత నాగరికతలలో సైతం ఈ ఆహారాలు ప్రాధాన్యతలో వుండేవి. బార్లీ గింజలు, బాదం పప్పులు, కొబ్బరి, వంటి అనేక ఆహారాలను తల్లులు తమ పాలను వృధ్ధి చేసుకోడానికి తినేవారు. నేటి రోజుల్లో కూడా తల్లులు మరోమారు ఏ రకమైన ఆహారాలు ఔషధాలు తమ పాల ఉత్పత్తిని పెంచగలవనే అంశంపై ఎంతో ఆసక్తి చూపుతున్నారు. బిడ్డ పుట్టగానే తల్లి ఆహారం ఏ రకమైన మార్పు చెందాలి? మొదటి కొద్ది వారాలు తల్లిపాలు బిడ్డకు బాగానే సరిపోతాయి. అయితే తర్వాతిరోజులలో బిడ్డ ఎదుగుతున్న కొలది తల్లిపాల కొరత మొదలవుతుంది. అందుకుగాను తల్లి తగినంత ఆహారాన్ని తింటూ వుండాలి.

రోజుకు కనీసం ఒక సంతులిత భోజనం అంటే ప్రొటీన్లు, ఆకు కూరలు, సలాడ్లు, గింజధాన్యాలు, బియ్యం, ఉడికించిన కూరలు...కేరట్లు, మొదలైనవి వుండేలా చేయాలి. సరిగా జీర్ణం కాని ఆహారాలు అంటే కొవ్వు, నూనెలు అధికంగా వుండేవాటిని తినరాదు. పెరుగు, పాలు వంటి పాల ఉత్పత్తులు తినాలి. ఆరోగ్యకరమైన కొవ్వులైన, వెన్న, ఆలివ్ నూనె వంటివి తీసుకుంటూ అవసరమైన ఫ్యాటీ యాసిడ్లు కూడా తీసుకోవాలి. ప్రసవంలో తాము కోల్పోయిన రక్తస్రావానికి విరుగుడుగా పసుపు, స్తనాలు గట్టిపడి బాధిస్తూంటే, నరాలు సడలటానికి గాను ఓట్లు వంటివి తీసుకోవాలి. ఇవి పాల సరఫరా కూడా అధికం అయ్యేలా చేస్తాయి.

ప్రసవంలో రక్తం అధికంగా పోతే, అల్లం వంటి ఘాటైన పదార్ధాలు కొద్దివారాలపాటు పూర్తిగా మానండి. ప్రసవం తర్వాత మహిళకు చికెన్ సూప్ వారానికోసారి ఇవ్వటం చైనీయుల ప్రత్యేకతగా వుంటుంది. ప్రసవించిన మహిళకు మానసిక వేదన లేకుండా చేసి ఆమెలోని శక్తిని పెంచటానికి, స్తనాల పాలు పెంచటానికి చికెన్ సూప్ అవసరమని వీరు నమ్ముతారు.