బిడ్డలు లేట్ గా పుట్టాలంటే....!

By B N Sharma

Published: Friday, November 11, 2011, 10:33 [IST]

కేఫైన్ అధికంగా తాగితే అది మహిళలలో బిడ్డలు పుట్టటానికి ఆటంకమని నెవడా స్కూల్ ఆఫ్ మెడిసిన్ లోని రీసెర్చరు ఒకరు వెల్లడించారు. యూనివర్శిటీలోని ఫిజియాలజీ అండ్ సెల్ బయాలజీ ప్రొఫెసర్ సీన్ వార్డ్ మేరకు మహిళల అండాలను గర్భం వరకు తీసుకుపోయే ఫాలోపియన్ ట్యూబులలోని కండరాలు కాఫీలు అధికంగా తాగితే చురుకుదనం కోల్పోతాయని కనుగొన్నట్లు తేలింది.

ఫాలోపియన్ ట్యూబులలో వుండే కణాలు కేఫైన్ అధికంగా తీసుకోవడంవలన చచ్చుపడతాయన్నారు. ఆ కణాలు, ట్యూబుల సంకోచవ్యాకోచాలు నియంత్రిస్తాయని, అవి కుచించుకపోతే, ఇక మహిళ అండాలు ఫాలోపియన్ ట్యూబులద్వారా ప్రయాణించి ఆమె గర్భం చేరలేవని తెలిపారు.

కొంతమంది మహిళలకు గర్భం రావటం లేదంటే, బహుశ, కారణాలలో ఒకటిగా వారు అధికంగా కాఫీ తాగేవారై కూడా వుండవచ్చునట. కాఫీలు తాగని మహిళలకు గర్భం త్వరగానే వస్తోందని కూడా తెలిపారు. ఈ పరిశోధన ఇటీవలే బ్రిటీష్ జర్నల్ ఆఫ్ ఫార్మకాలజీలో ప్రచురించారు.