అబార్షన్ తర్వాత ఆహారం ఎలా వుండాలి?

Pre Natal

oi-Nageswara

By B N Sharma

Published: Saturday, October 8, 2011, 15:40 [IST]

అబార్షన్ తర్వాత మహిళ తన ఆరోగ్యం త్వరగా సాధారణ స్ధితికి చేరటానికిగాను ఆహారం పట్ల అతి జాగ్రత్త వహించాలి. అబార్షన్ కొరకు చేసిన ఆపరేషన్ చిన్నదే అయినప్పటికి శరీరంలో అధిక దుష్ఫ్రభావాలు చూపే అవకాశం వుంది. రక్తస్రావం అధికమవుతుంది, శరీరంలో ఐరన్, విటమిన్ బి 12, బి9, బి2 లేదా రిబోఫ్లావిన్ స్ధాయిలు తగ్గుతాయి. రక్తహీనత, ఎముకల అరుగుదల మొదలైనవి తగ్గటానికి తీసుకునే ఆహారంలో ఐరన్, బి బిటమిన్, కాల్షియం మొదలైనవి వుండటం అత్యవసరం. అబార్షన్ అయిన తర్వాత మహిళ ఆహారం ఎలా వుండాలనేది పరిశీలిద్దాం!

1. ఆహారంలో ప్రొటీన్లు అధికంగా వుండాలి. విటమిన్లు, ఇతర ఖనిజ లవణాలు వుండాలి. దీనివలన రక్తహీనత లేకుండా సరైన పోషకాలు శరీరానికి అందుతాయి.

2. అబార్షన్ తర్వాత తేలికగా జీర్ణమయ్యే ఆహారం తీసుకోవాలి. చల్లనైన, లేక ఆయిల్ అధికంగా వున్న ఆహార పదార్ధాలు తినరాదు. ముల్లంగి, కాకర కాయ, ఆరెంజ్ మొదలైనవి తినవద్దు.

3. చేపలు, మెత్తటి కోడి మాంసం, గుడ్లు, జంతువుల లివర్, మాంసం, సోయాబీన్, పాలు, ఖర్జూరాలు, తాజా పండ్లు, తాజా కూరగాయలు మొదలైనవి ఆహారంలో వుండాలి.

4. అబార్షన్ తర్వాత చెమట అధికంగా పడుతుంది. కనుక ప్రతిరోజూ 8 నుండి 12 గ్లాసుల నీరు తాగండి. ఇది డీహైడ్రేషన్ నుండి కాపాడటమే కాక, మలబద్ధకాన్ని నివారిస్తుంది.

5. తీసుకునే ఆహారంలో ప్రొటీన్లు అధికంగా వుంటే రక్తంలోని ఎర్రకణాలు అధికమవుతాయి. గుడ్లు, చేప, ఉడికించిన బీన్స్, అరటిపండు, అవకాడో, కేరట్, ఛీజ్, బఠానీ, ఆరెంజి, పచ్చలి ఆకు కూరలు, బాదం పప్పు మొదలైనవి ప్రొటీన్ అధికంగా వుండే పదార్ధాలు.

6. మాంసాహారులైతే, చేప, షెల్ ఫిస్, గునా, బీఫ్, పోర్క్, చికెన్, ల్యాంబ్, ఉడికించిన బీన్స్, బఠాణీలు ప్రొటీన్ అందిస్తాయి. వీరికి ఐరన్ మరియు బి బిటమిన్లు కూడా కావాలి.

7. తక్కువ కొవ్వు కల పాల ఉత్పత్తులు కాల్షియం అధికంగా ఇస్తాయి. పాల ఉత్పత్తులు ప్రొటీన్లను, విలమిన్లను కూడా ఇస్తాయి.

8. మసాలాలు వుండే ఘాటైన పదార్ధాలు తినవద్దు. మధ్యాహ్నం, రాత్రి భోజనాలలో చికెన్ లేదా గుడ్లు తింటే మంచిది.

అబార్షన్ అయిన తర్వాత కలిగే బలహీనతనుండి బయటపడాలంటే పై చిట్కాలు పాటిస్తే ఎంతో ప్రయోజనం కలుగుతుంది.