మొదటి బిడ్డ ఆలస్యంగా కలిగితే.... ?

Pre Natal

oi-Nageswara

By B N Sharma

Published: Wednesday, February 15, 2012, 12:00 [IST]

నేటి రోజులలో మహిళలు ఆలస్య వివాహాల కారణంగా ఎక్కువ వయసు వచ్చిన తర్వాత గర్భాన్ని పొందుతున్నారు. అయితే, ఒక తాజా స్టడీ మేరకు ఆలస్యంగా గర్భం ధరించి పిల్లను ప్రసవించటమనేది అధికంగా సిజేరియన్ ఆపరేషన్ల ద్వారా బిడ్డ పుట్టేలా చేస్తోందని తెలుస్తోంది. ఈ పరిశోధనను ఇంగ్లాండ్ లోని కేంబ్రిడ్జి యూనివర్శిటీ లోని ప్రొఫెసర్ గోర్డాన్ స్మిత్ నిర్వహించారు.

ప్రసవించిన మహిళల వయసులు, జరిగిన సిజేరియన్ ఆపరేషన్ల గణాంకాలు పరిశీలిస్తే, 30 నుండి 34 సంవత్సరాల వయసు మహిళలలో మూడు రెట్లు, 35 నుండి 39 సంవత్సరాల వయసులో ఏడు రెట్లు, 40 లేదా ఆపై వయసుగల మహిళల ప్రసవాలలో 10 రెట్లుగాను సిజేరియన్ ఆపరేషన్లు జరిగినట్లు కనుగొన్నారు. మొదటి బిడ్డ పుట్టడంలో మహిళలు చేస్తున్న ఆలస్యమే ఈ రకమైన అధిక సిజేరియన్ ఆపరేషన్లకు దోవతీస్తోందని వారు అభిప్రాయపడ్డారు. మహిళలకు వయసు పెరిగే కొలది గర్భసంచి సంకోచ వ్యాకోచాల పటుత్వం కోల్పోతుందని, దీని కారణంగా బిడ్డ జన్మించే సమయంలో సిజేరియన్ ఆపరేషన్లు తప్పని సరి అవుతున్నాయని వీరు తెలిపారు.

వయసుపైబడ్డ మహిళలలో ప్రసవసమయంలో కలిగే ఇబ్బందులవలన వారికి హాని కలుగకుండా మరియు పుట్టబోయే బిడ్డకు ప్రమాదం లేకుండా ఈ సిజేరియన్ ఆపరేషన్లు చేయవలసిన అవసరం వుందని, అంతే కాక, వయసు పైబడిన మహిళలు తమ కండరాల పటుత్వం కోల్పోవటం వలన డెలివరీ సమయంలో చాలామంది సిజేరియన్ ఆపరేషన్లకే ప్రాధాన్యతనిస్తున్నారని, ఈ రకమైన తీరు మహిళల శారీరక ఆరోగ్యానికి హాని కలిగించేదిగా వుండగలదని ఆయన వెల్లడించారు.