హార్మోన్ల మార్పు కలిగించే వాంతులు, వికారాలు!

Pre Natal

oi-Nageswara

By B N Sharma

Published: Friday, April 27, 2012, 14:06 [IST]

ప్రెగ్నెంట్ అయితే చాలు శరీరంలో ఎన్నో హార్మోన్ల మార్పులు వస్తాయి. ప్రత్యేకించి ఈస్ట్రోజన్ హార్మోన్ ముక్కు రంధ్రాలలోని టిష్యూలను బాగా యాక్టివేట్ చేస్తాయి. దానితో గర్భవతికి వాసనలు బాగా తెలుస్తాయి. ఇక దీని సిగ్నల్స్ బ్రెయిన్ కు బలంగా తాకుతూంటాయి వెంటనే కడుపులో కొన్ని జీర్ణరసాలు ఉత్పత్తి అయి అది వికారానికి దోవతీస్తుంది. ఈ కారణంగానే మహిళలకు గర్భవతిగా వున్నపుడు మార్నింగ్ సిక్ నెస్ ఏర్పడుతుంది. అటువంటపుడు మహిళ ఘాటైన వాసనలు వచ్చే మసాలాలు, సుగంధ ద్రవ్యాలు అయిన వెల్లుల్లి, కరివేప, ఉల్లిపాయ వంటివి మానేయాలి.

మరి ఈపరిస్ధితిని ఆమె ఎలా అధిగమించాలి?
వీలైనంతవరకు మంచి వాసనలు వచ్చే వాటి వద్ద నిలబడాలి. వాసనలు ఘాటూగా వుంటే దూరం తొలగాలి. ప్రత్యేకించి మార్నింగ్ సిక్ నెస్ కలిగించే వాసనలకు దూరంగా వుండాలి. మీకు ఇష్టమైన వాసనలు ఏమి వుంటే వాటి వద్ద అధికంగా గడపాలి. ఉదాహరణకు, మింట్, లెమన్, అల్లం మొదలైనవి ఆమెకు హాయినిస్తాయి. బాత్ రూమ్ క్లీనింగ్ వస్తువులకు దూరంగా వుండాలి.

ఆహారంతో జాగ్రత్తగా వుండాలి. తప్పుతుంది అనుకుంటే, వంట మానేయాలి. మీకు అసౌకర్యంగా వుండే ఆహారాలు వదిలివేయాలి. రెస్టరెంట్లు, కిరాణా షాపులు, మాంసం దుకాణాలు, కూరగాయల షాపులు మొదలైనవి సందర్శించకండి. మీ ఇల్లు సరిగా ధారాళమైన గాలి ఆడుతోందా అని పరిశీలించండి. వంట చేస్తే వాసనలు సరిగా బయటకు పోతున్నాయా లేక అక్కడే వుంటున్నాయా అనేది పరిశీలించండి. బట్టలు అధికంగా శుభ్రంగా వుండేలా చూడండి. పొగతాగేవారిని దూరం వుంచండి.

ఎల్లపుడూ మంచి భావనలతో ఉత్సాహంగా వుండేలా మీ చుట్టు పక్కల వాతావరణాన్ని ఏర్పరచుకొని మంచి ఆరోగ్యాన్ని ఆనందించండి. గర్భవతి అయిన మొదటి త్రైమాసికంలోనే మీకు ఈ రకమైన వాసనలు, వాంతులు, వికారాల సమస్యలుంటాయి. క్రమేణా అవి సర్దుబాటు అయి, రెండవ త్రైమాసికంలో ఆహ్లాదంగా వుంటుంది.