గర్భవతి ప్రసవ తేదీ ఎలా నిర్ణయిస్తారు?

Pre Natal

oi-Nageswara

By B N Sharma

Published: Saturday, July 14, 2012, 15:03 [IST]

సాధారణంగా మహిళ గర్భం ధరించింది మొదలు ఎన్నో అనుభవాలకు లోనవుతుంది. వాటిలో కొన్ని ఆమెకు ఎంతో కష్టం కలిగించేవిగా వుంటే, మరి కొన్ని అనుభవాలు ఆమెకు ఆనందం కలిగిస్తాయి. గర్భం ధరించటమనేది మహిళ తన జన్మహక్కుగా భావిస్తుంది. ఒకసారి గర్భం ధరిస్తే తన జన్మ సార్ధకమనుకుంటుంది. నెలలు నిండుతున్నాయంటే చాలు, తాను జన్మనిచ్చే బిడ్డ కొరకు ఎదురు తెన్నులు చూస్తూంటుంది. దానికి తోడు నెలలు నిండిన తర్వాత ఇక బిడ్డ పెరుగుతున్న కొలది ఆమెకు భారంగా ఉంటుంది. డెలివరీ ఎప్పుడెపుడు అవుతుందా? అని లెక్కలు వేసుకుంటూ ఉంటుంది. మరి ఇటువంటి ప్రాధాన్యతగల ఈ ప్రసవానికి గడువు తేదీ వైద్యులు ముందుగానే నిర్ణయం చేస్తారు. అది ఎలా? పరిశీలించండి.....

గర్భవతి పూర్తి నెలలు నిండితే వినబడే ప్రశ్నలు ఇవి. మీ డాక్టర్ డెలివరీ తేదీని ఎలా లెక్కిస్తారో తెలుసా. చాలా తేలిక. మీ రుతుక్రమ తేదీ మీకు గుర్తుంటే మీరే లెక్క కట్టవచ్చు. దీనినే ప్రెగ్నెన్సీ కేలండర్ అంటారు. ప్రెగ్నెన్సీ కేలండర్ లో మహిళకు తన శరీరంలో ఏం జరుగుతోందనేది తెలుస్తూ వుంటుంది. డెలివరీ తేదీనాటికి ఎలా సిద్ధపడాలనేది సూచిస్తుంది. ఈ కేలండర్లు, గోడ, లేదా డెస్క్ లేదా ఆన్ లైన్ గా కూడా మెయిన్టెయిన్ చేయవచ్చు.

ఎవరికి వారే స్వంతంగా కేలండర్ ఎలా తయారు చేసుకోవాలి? చివరి రుతు క్రమ కాలం మొదటి రోజుకు 280 రోజులు కలపండి. 280 రోజులు ఈ దశ అనుకుంటే అందులో 266 రోజులు మానవులకు గర్భం ధరించిన కాలంగాను 14 రోజులు అండం డిశ్చార్జ్ కు గాను లెక్కించవచ్చు. మీ నెలసరి, దాని తేదీలు ఖచ్చితంగా వుంటే డెలివరీ గడువుతేదీ లెక్కింపు చాలా ఖచ్చితంగా తెలుస్తుంది. లేదా అల్ట్రా సౌండ్స్ ను బట్టి కూడా ఈ కేలండర్ తయారు చేయవచ్చు.

ప్రెగ్నెన్సీ దశలో, అనేక హార్మోన్ల, శారీరక, మానసిక మార్పులు జరుగుతాయి. గర్భిణీ స్త్రీ బరువు పెరుగుతుంది. స్తనాలు మెత్తబడతాయి, ఉదయం వేళ వికారంగా వుంటుంది, తల, వెన్ను నొప్పులు వస్తాయి. చెడ్డ చిరాకుగా వుంటుంది. చివరి త్రైమాసికం తర్వాత, అంటే 29 నుండి 40 వారాలకు, బేబీ ఆకారం ఏర్పడుతుంది డెలివరీ తేదీ లెక్కింపు అక్కడినుండి మొదలవుతుంది. పుట్టుకకు బేబీ తన తలకిందపెట్టి పెరుగుతూంటుంది.

ప్రెగ్నెన్సీ కేలండర్ లో ఏం తెలుసుకోవచ్చు?
-బేబీ ఎదుగుదల
-గర్భవతిలోని శారీరక, హార్మోన్ మార్పులు
-గర్భంలోని బిడ్డకు ఆహారం ఎంత అందించాలి?
-మీకు లేదా బేబీకి సంభవించే సమస్యలు

కనుక, ఇవన్నీ తెలుసుకోవాలంటే మీరు గర్భవతిగా వున్నపుడు ఒక స్వంత కేలండర్ కలిగి వుండండి. డెలివరీ తేదీలను లెక్కించండి. సురక్షితమైన డెలివరీతో ముచ్చటగా ముద్దులొలికే ఒక బిడ్డకు జన్మనివ్వండి. మీ జన్మ ధన్యమైందని భావించండి.