బిడ్డను కనేముందే కలలు కనండి!

By B N Sharma

Published: Thursday, April 12, 2012, 12:24 [IST]

గర్భవతి మహిళలకు సాధారణంగా అనేక రకాల కలలు వస్తూంటాయి. వాటి అర్ధాలను తెలుసుకోడానికి మహిళలు తీవ్రంగా ఆందోళన చెందుతూంటారు. గర్భవతి మహిళ కలలకు కారణం ఆమెలో ఎప్పటికపుడు కలిగే హార్మోన్ల అసమతుల్యత. హార్మోన్లు ఆమె గర్భస్ధ దశను అనుసరించి పెరుగుతూ తగ్గుతూ వుంటాయి. తన చుట్టుపక్కల జరిగే పరిస్ధితులన్ని ఆమెకు ఆలోచనలుగా రావటంతో అవే కలలుగా వస్తూంటాయి. కొన్ని మార్లు ఆ కలలు వాస్తవాలుగా కూడా పరిణమిస్తాయి. గర్భవతికి ఎపుడు ఎలాంటి కలలు వస్తాయనేది పరిశీలించండి.

ఆమెకు మొదటి త్రైమాసికంలో వచ్చే కలలు ఎలా వుంటాయంటే, ఆమె నీటిలో తేలుతున్నట్లు, బేబీ అందులో అందంగా వున్నట్లు వంటి కలలు వస్తూంటాయి. దానికి కారణం ఆమె గర్భంలో ఉమ్మినీరు ఏర్పడటం పిండం దానిలో తేలియడుతూండటం వంటివాటి కారణంగా వస్తాయని మానసిక వేత్తలు చెపుతూంటారు. ఈ దశలో ఆమె అప్పుడపుడే తన గర్భంతో కొంత మేరకు సర్దుబాటు చేసుకుంటూ వుంటుంది. అదే ఆలోచనలో వుండటం చేత, ఈ రకమైన కలలు వస్తాయి.

రెండవ త్రైమాసిక కలలు ఎలావుంటాయింటే, బేబీగురించిన ఆందోళన, ఆమె తల్లిగా బేబీని సాకటం, తన పురుషుడిచే నిర్లక్ష్య పరచబడటం వంటివిగా వుంటాయి. దానికి కారణం ఆమె జీవితం బేబీ పుట్టిన తర్వాత మారిపోతుంది. తన భాగస్వామి తనను నిర్లక్ష్యం చేస్తాడని భావిస్తూంటుంది. తన పురుషుడిని ఎవరో ఎత్తుకుపోతున్నట్లు భావిస్తుంది.

మూడవ త్రైమాసికంలో గర్భవతి తాను పూర్తిగా గుండ్రటి శారీరక రూం సంతరించుకుంటుంది. ఇక ఆమెకు కామోద్రేక కలలు కలుగుతాయి. తన శారీరక రూపం పట్ల శ్రద్ధ వుంటుంది. కనుక తాను తన పురుషుడికి అందంగా లేననిఆకర్షణ కోల్పోయానని భావిస్తుంది. అభద్రత భావిస్తుంది. చెప్పబడిన ఈ అంశాలు, మీ గర్భధారణ సమయంలోని కలలకు కొంతమేర అర్ధం తెలుసుకోడానికి సహకరిస్తాయి. అయితే, ఇవన్ని నిజాలుగా భావించి ఆందోళన పడవద్దు.