గర్భవతి మహిళ అవసరాల కొనుగోలు ఎలా వుండాలి?

By B N Sharma

Published: Thursday, May 3, 2012, 9:17 [IST]

చాలామంది గర్భవతి మహిళలు పెరిగిన తమ గర్భానికి సిగ్గుపడుతూంటారు. ప్రెగ్నెన్సీ సమయంలో మహిళలు తమ శరీరాలకు తగినంత పోషకాలు లేకపోవడం, తమ శక్తి అంతా కడుపులో ఎదుగుతున్న బిడ్డ తీసుకోవడంతో డల్ గా కనపడతారు. ఈ సమయంలో అందంగా కనపడుతూండటం మహిళకు ఒక సవాలు. కొద్దినెలలలో పుట్టబోయే బిడ్డ కోసం ఏవేవో వస్తువులు కొనాలని కూడా ఆసక్తి కనబరుస్తారు. అటువంటపుడు ఆమె షాపింగ్ లో కొనుగోలు చేయటానికి కొన్ని సూచనలు పరిశీలించండి.

గర్భవతి చిట్కాలు పుస్తకం - గర్భం ధరించిన ప్రతి మహిళకు ఈ పుస్తక అవసరం ఎంతైనా వుంటుంది. నేడు మార్కెట్ లో ఎన్నో చిట్కాలతో ఈ పుస్తకాలు దొరుకుతున్నాయి. కనుక గర్భవతి మహిళ ఏం తినాలి? ఏం తినకూడదు మొదలైన ఆహార, విహార సంబంధిత అంశాలకు మార్గదర్శకంగా ఒక పుస్తకం కొనుగోలు చేసి దానిని ఎపుడూ అందుబాటులో వుంచుకోవాలి.

లోపలి దుస్తులు - కాటన్ లో దుస్తులు గర్భవతికి సౌకర్యం. యోని నుండి డిశ్చార్జి అవుతుంది కనుక కాటన్ త్వరగా పీల్చేస్తుంది. కాటన్ గుడ్డ త్వరగా ఎండిపోతుంది, తేలికగాను వుంటుంది. వేసే బ్రాసరీలు కూడా వదులుగా వుండాలి. స్తనాలలో పాలు ఏర్పడుతూంటాయి, స్తనాలు పెరుగుతూంటాయి. కనుక వదులుగా వుంటే బాగుంటుంది.

దుస్తులు - గర్భవతి మహిళ కొనే దుస్తులు కొంచెం వదులుగానే వుండాలి. దుస్తులు వదులుగా వుంటే తేలికగా తిరగవచ్చు. వీరికి కాటన్ దుస్తులు బాగుంటాయి. బిగువుగా వుండే పేంట్లు, స్కర్టులు వేయవద్దు. అవి గర్భవతులకు హాని కలిగిస్తాయి. స్ట్రెచ్ మార్కులు కూడా పడతాయి. మంచి సిల్క్ గౌన్ కొన్ని నగలతో, వేస్తే కూడా చాలా బాగుంటుంది.

చెప్పులు - గర్భవతి మహిళ ఈ సమయంలో హై హీల్స్ వేయరాదు. పలుచని స్లిప్పర్స్ తేలికగా వుంటాయి. లేసులు వున్న బూట్ల వంటివి వేయకండి.

గర్భవతి మహిళ కొనుగోలు చేయటానికి పైన తెలిపినవి అతి సామాన్య వస్తువులు. వీటిని ఉపయోగిస్తే ఆమెకు చాలా సౌకర్యంగా వుంటుంది.