ప్రెగ్నెంట్ అవ్వాలంటే వ్యాయామాలు!

Pre Natal

oi-Nageswara

By B N Sharma

Published: Thursday, January 19, 2012, 13:22 [IST]

గర్భం ధరించాలని ఉవ్విళ్ళూరుతారు. కాని అది ఎప్పటికపుడు ఆలస్యం అవుతూంటుంది. మంచి ఆహారం, జీవన విధానాలు కూడా మార్చుకుంటారు. అయితే, అన్నిటికంటే కూడా ముఖ్యమైంది గర్భం ధరించాలంటే తగిన శారీరక పటుత్వం కూడా కావాలి. దానికిగాను కొన్ని వ్యాయామాలు పరిశీలించండి.

1. మీరు చేసే వ్యాయామాలు చాలా సింపుల్ గా వుండి సరైన సమయంలో అండోత్పత్తి జరిగేలా వుండాలి.

2. మీరు ఇప్పటివరకు చేసే, జంపింగ్, స్ట్రెచింగ్ లేదా ఇతర వ్యాయామాలు గర్భ విచ్ఛిన్నం వంటివాటికి కూడా దోవతీస్తాయి.

3. గర్భం ధరించాలనుకునేవారికి నడక ఒక సమర్ధవంతమైన వ్యాయామం. పొట్టకు ఎట్టి హాని కలిగించదు. ప్రతిరోజూ మీడియం వేగంతో నడవటం చాలా మంచిది. గర్భం ధరించేసినా సరే ఈ రకమైన నడక కొనసాగించవచ్చు.

4. శరీరానికి సైకిలు తొక్కడం అనేక రకాలుగా మంచిది. కాళ్ళు, తొడ కండరాలు రిలాక్స్ అయి రక్తప్రసరణ పెరటం, బరువు తగ్గటం, కటిప్రదేశ రకండరాలు బలపడటం జరుగుతుంది.

5. ధ్యానం చేస్తే మైండ్ మాత్రమే కాదు శరీరం కూడా రిలాక్స్ అవుతుంది. గర్భం ఆలస్యం అయిందన్న మానసిక ఒత్తిడిని కూడా తగ్గించి గర్భం ధరించేందుకు తోడ్పడుతుంది. అవయవాలలో రక్తప్రసరణ అధికం అవుతుంది.

6. స్విమ్మింగ్ మహిళలకు చాలా మంచి వ్యాయామం. చాలా తేలికైనది కూడా. గర్భం వచ్చినా సరే డాక్టర్ సలహాపై స్విమ్మింగ్ కొనసాగించవచ్చు.

ఈ చిన్న తరహా వ్యాయామాలు గర్భం రావాలనుకునేవారికి బాగా ఉపయోగపడతాయి. అయితే, గర్భం ధరించిన తర్వాత ఏ వ్యాయామం చేయాలన్నా మీ డాక్టర్ సలహాపై చేయడం మంచిది.