గర్భవతి దశలో బరువు నియంత్రణ !

Pre Natal

oi-Nageswara

By B N Sharma

Published: Saturday, June 23, 2012, 10:39 [IST]

మహిళకు గర్భం ధరించాలంటే ఇష్టమే. కాని బరువు పెరుగుతామనేది భయాన్ని కలిగిస్తుంది. అందం తరిగిపోతుందని మరల ఒరిజినల్ షేపుకి రాలేమని భయాలుంటాయి. మరికొందరు పిల్లలు పుట్టటానికి ఇష్టం చూపుతారు. కాని గర్భం ధరించటమంటే, వారి శరీర సౌందర్యం తక్కువవుతుందని భావిస్తారు. మరికొందరు మహిళలు తాము గర్భం ధరించినట్లు చాలాకాలం బయట పెట్టరాదని భావిస్తారు. తమ చట్టూ సన్నిహితంగా వున్న వారికి తప్ప ఇతరులకు ఆ విషయం తెలియరాదని భావించి ఎన్నో రకాల ప్రయత్నాలను చేస్తారు. వదులుగా వుండే దుస్తులు ధరించి తమ గర్భాన్ని వీలైనన్ని రోజులు కప్పి పెట్టాలని కూడా ప్రయత్నిస్తారు.

గర్భవతి మహిళ సాధారణంగా ఎన్ని ప్రయత్నాలు చేసినప్పటికి బరువు పెరుగుతుంది. అయితే పెరిగే బరువు కడుపులోని బిడ్డ వరకు మాత్రమే వుండేలా చూసుకోవాలి. మహిళ తాను కూడా బరువు పెరిగితే, డెలివరీ అయిన తర్వాత మరల పూర్వపు శారీరక రూపం సంతరించుకోవటం ఆమెకు ఎంతో కష్టమవుతుంది. కనుక గర్భవతి అయినప్పటికి బరువు పెరగకుండా ఎప్పటికపుడు ఎలా నియంత్రించాలో చూద్దాం.

డెలివరీ తర్వాత ఫిట్ గా వుండటమే కాదు, ఆరోగ్య సమస్యలు లేకుండా వుండాలన్నా కొన్ని ఆహార నియమాలు, వ్యాయామాలు పాటించితీరాలి. గర్భంతో వచ్చే కొవ్వు త్వరగా తగ్గదనే వాస్తవంకూడా గ్రహించండి. గర్భవతి వారానికోసారి బరువు పరీక్షించుకుంటూ వుండాలి. ఎప్పటికపుడు డాక్టర్ ను సంప్రదిస్తూ ఎంత మాత్రం బరువు వుండవచ్చో తెలుసుకుంటూ అధిక బరువు నివారించుకోవాలి.

గర్భవతి ఆహారాలు ఎలా వుండాలి?
గర్భవతిగా వున్నపుడు కూడా డైటింగ్ చేయవచ్చు. తప్పేమీ కాదు. సరి అయిన సమయానికి సరైన ఆహారం అనేది నియమంగా వుండాలి. ప్రొటీన్లు అధికంగా కల పప్పులు, మినరల్స్, విటమిన్లు వున్న కూరలు, ఒక చెంచాడు నెయ్యి వంటివి ప్రతి రోజూ సంతులిత ఆహారమే. అధిక బరువుండే స్త్రీలు గర్భవతి దశలో బరువు తగ్గాలంటూ వ్యాయామాలు చేస్తారు. ఇది సరికాదు. ప్రతి దశలోను పోషకాహార నిపుణులను సంప్రదించాలి.

బరువు నియంత్రణకు ఒక ఛార్టు పెట్టుకోండి. మీ బరువు, బాడీ మాస్ ఇండెక్స్, వయసు, ఎత్తు మొదలైనవి ఫిట్ నెస్ నిపుణులకిస్తే వారు గర్భస్ధదశలో కూడా మీబరువు నియంత్రిస్తారు. గర్భవతి దశలో మీరు తీసుకునే బలవర్ధకమైన ఆహారాలు సూచిస్తారు. ఈ ప్రత్యేక ఆహారాలు బిడ్డ పోషణకు సహకరించేవిగా వుంటాయి. అదే సమయంలో మీరు బరువు అధికంకాకుండా వుంటారు. డెలివరీ తేలికగా అయ్యేటందుకు కొన్ని వ్యాయామాలు చేయండి. ప్రాణాయామం, స్ట్రెచెస్, ధ్యానం వంటివి శరీరాన్ని హాయిగొల్పేలా చేస్తాయి.