ప్రెగ్నెన్సీ గురించి ఎవరికీ తెలియని నిజాలు.. ప్రతి ఒక్కరూ తెలుసుకోవాలి

1. డెలివరీ రూమ్ లో మీరు మలాన్ని విసర్జించే అవకాశం ఉంది:

సహజ కాన్పుకై ప్రసవ సమయంలో మీరు బిడ్డను బయటికి పంపేందుకు పుష్ ని ఇవ్వవలసి ఉంటుంది. ఈ విషయం మీకీపాటికే తెలిసి ఉంటుంది. అయితే, ఈ పుష్ అనేది మలాన్ని విసర్జించేటప్పుడు ఇచ్చే పుష్ తో పోలి ఉంటుంది. కాబట్టి, ఒక్కోసారి మీరు పుష్ ఇచ్చేటప్పుడు మలాన్ని విసర్జించటం జరగవచ్చు. అయితే, ఈ విషయాన్ని మీరు గుర్తించే సమయం మీకు ఉండదు. బేబీకి బర్త్ ఇవ్వాలన్న అతృతతో మీ ప్రయత్నంలో మీరుంటారు. నర్స్ లు వారి పని వారు చేస్తారు. దాంతో, మీరు డెలివరీ రూమ్ లో మలవిసర్జన చేసిన సంగతి మీకు తెలియదు. అందమైన పాపాయిని మీ చేతుల్లో పెట్టగానే మీ పురిటి నొప్పుల బాధ కూడా తగ్గిపోతుంది.

2. వ్యాక్యూమ్ ప్రాసెస్ లో బేబీని తీసే అవకాశం ఉంది:

ఇంట్లో గోడలపై అలాగే అందుబాటులో లేని కొన్ని ప్రాంతాలపై దుమ్ముని వ్యాక్యూమ్ తో ఏ విధంగా తొలగిస్తామో అదే విధంగా వ్యాక్యూమ్ ప్రాసెస్ తో బేబీను బయటకి తీసే విధానాన్ని డాక్టర్లు పాటించవచ్చు. మీరు పుష్ చేసి చేసి అలసిపోయినట్లు భావించినా లేదా ప్రెగ్నెన్సీ అనేది కాంప్లికేటెడ్ గా ఉన్నా వైద్యులు ఈ టెక్నీక్ ను పాటించే అవకాశాలున్నాయి. మీరు థైరాయిడ్, హై బ్లడ్ ప్రెషర్ లేదా డయాబెటిస్ వంటి సమస్యలతో సతమతమవుతున్నా మెడికల్ కండిషన్స్ రీత్యా ఈ టెక్నీక్ ను పాటించేందుకు వైద్యులు మొగ్గుచూపవచ్చు. అయితే, ఇటువంటి సంఘటనలు ఎదురైనా కూడా ఆరోగ్యకరమైన బిడ్డకే తల్లి జన్మనిచ్చిన సందర్భాలు అనేకం ఉన్నాయి. కాబట్టి, మీరు దిగులు చెందవద్దు.

3. ఉమ్మనీరు బ్రేక్ అవవచ్చు:

టీవీలో డ్రామాలలో ఉమ్మ నీరు కేవలం ఒకేసారి బ్రేక్ అవుతుందన్న విషయాన్ని అనేక సార్లు చూపిస్తూ ఉంటారు. అయితే, ఇది వాస్తవానికి వ్యతిరేకం. గర్భస్థ శిశువుకు రక్షణగా ఉండే ఉమ్మనీరు ప్రసవానికి ముందు మీ శరీరం నుండి బయటకు రావడం జరుగుతుంది. దీనినే వాటర్ బ్రేకింగ్ అంటారు. ఇది రోజంతా జరగవచ్చు. రోజంతా అసౌకర్యంగా ఉండకూడదనుకుంటే మీరు ప్యాడ్స్ ను వాడి ఈ పరిస్థితిని మేనేజ్ చేయవచ్చు.

4. ప్రసవానంతరం అనేక ప్యాడ్స్ ఉపయోగపడతాయి:

గర్భిణీగా ఉండే సమయంలో బ్లీడింగ్ జరగదన్న సంగతి టీనేజ్ డేస్ నుంచి మీకు అవగాహనకు ఉండే విషయమే. అయితే, ప్రసవానంతరం ఇన్ని నెలలకు సరిపడా బ్లీడింగ్ అనేది జరగడం ప్రారంభము అవుతుంది. ప్రసవం తరువాత కనీసం పదిహేను రోజుల వరకు బ్లీడింగ్ జరగవచ్చు. పీరియడ్స్ తో అనుసంధానమై ఉండే క్రామ్ప్స్ అలాగే మిగతా అసౌకర్యాలు ఈ సమయంలో మిమ్మల్ని పలకరిస్తాయి. కాబట్టి, బోల్డన్ని ప్యాడ్స్ వాడకం పెరుగుతుంది.

5. ప్రసవ వేదన:

ప్రసవ వేదన గురించి మీరు వినే ఉంటారు. గర్భం దాల్చిన సంగతి తెలిసిన దగ్గర నుంచి ప్రసవ వేదన గురించి ఆలోచన ప్రారంభం అవుతుంది. ఈ వేదన అనేది పొట్టకి మాత్రమే పరిమితం కాదు. నడుం నొప్పి కూడా ఎదురవుతుంది. అలాగే పొత్తికడుపులో కూడా నొప్పిగా ఉంటుంది. కాసేపటికి భరించలేని నొప్పిగా మారుతుంది. ఈ వేదనని తప్పించుకోవాలని మీరు భావిస్తే మీరు ఎపిడ్యూరల్ గురించి మీ వైద్యునితో మాట్లాడాలి.

6. స్క్వర్ట్ బాటిల్:

పెరీనియం ఇరిగేషన్ (లేదా స్క్వర్ట్ బాటిల్) అనేది వాష్ రూమ్ కి వెళ్ళవలసి వచ్చిన సందర్భంలో వాడతారు. ప్రసవమైన కొన్ని రోజుల వరకు వీటిని వాడతారు. ఈ బాటిల్స్ ను వాడటం వలన మీకు ప్రసవం వలన కలిగిన స్ట్రెయిన్ నుంచి రిలీఫ్ అందుతుంది. వార్మ్ వాటర్ వలన మీకు ఇబ్బంది కలగకుండా ఈ ప్రాసెస్ తోడ్పడుతుంది. ఈ ప్రికాషనరీ మెజర్స్ అన్నీడెలివరీ తరువాత మీ స్టిచెస్ ని ఏ మాత్రం ఇరిటేట్ చేయకుండా ఉండేందుకు తోడ్పడతాయి. తద్వారా, మీకు మరింత అసౌకర్యం కలగకుండా తోడ్పడతాయి.

7. హెయిర్ ఫాల్:

ప్రెగ్నెన్సీ సమయంలో మీ శిరోజాలు అందంగా నిగనిగలాడుతూ మిమ్మల్ని ఆనందంలో ముంచెత్తి ఉండుంటాయి. మీ ముఖంలో కూడా ప్రెగ్నెన్సీ వలన కళ పెరిగి ఉంటుంది. అయితే, ఇవన్నీ మార్పులకు గురవుతాయన్న విషయాన్ని మీరు గుర్తించాలి. ప్రెగ్నెన్సీ సమయంలో మీ అందం మరింత రెట్టింపు కావడానికి మీ శరీరంలోని ఈస్ట్రోజన్ స్థాయిలు పెరగడమని మీరు గమనించాలి. డెలివరీ తరువాత వీటి స్థాయిలు అమాంతం తగ్గిపోతాయి. దాంతో ఆకస్మిక హెయిర్ ఫాల్ తో పాటు కొన్ని చర్మ సమస్యలను మీరు గుర్తించవచ్చు. ఈ సమస్యలు కొన్ని నెలలపాటు అలాగే ఉండవచ్చు.

8. రాత్రిపూట విపరీతంగా చెమట పట్టడం:

ఈ లక్షణం మరికొన్ని వారాల పాటు కొనసాగుతుంది. దీని విషయంలో దిగులు చెందాల్సిన అవసరం లేదు. ఇది సీరియస్ సమస్య కాదు. అయితే, విపరీతంగా చెమటపట్టడం వలన మీరు తరచూ నిద్ర మధ్యలో మేల్కొనవలసి వస్తుంది. ఫ్లూ జ్వరంతో బాధపడుతున్నారేమోనన్న సందేహం కూడా మిమ్మల్ని వెంటాడుతుంది. అయితే, ప్రసవానంతరం కలిగే అనేక మార్పులలో ఇది కూడా ఒకటి. ఈ విషయం గురించి ఆందోళన చెందనవసరం లేదు. ఏసీని వాడటం ద్వారా అలాగే బెడ్ షీట్స్ ని మధ్య మధ్యలో రాత్రిపూట మార్చడం ద్వారా కొంత రిలీఫ్ అందుతుంది.

9. మమ్మీ డైపర్:

బిడ్డకు జన్మనిచ్చిన తరువాత రక్తస్రావం అనేది కొన్ని రోజుల పాటు జరుగుతుంది. ఈ సమస్యను మేనేజ్ చేయడానికి ప్యాడ్స్ ను వాడటం జరుగుతుంది. అయితే, రెగ్యులర్ ప్యాడ్స్ కంటే కూడా మమ్మీ డైపర్స్ ద్వారా సౌకర్యం ఎక్కువగా ఉంటుంది. ఇవన్నీ, ప్రసవానంతరం కలిగే బ్లడ్ ఫ్లో ను తట్టుకోవడానికి తయారుచేయబడిన డైపర్స్. ప్యాడ్స్ లాగానే ఇవి కూడా పనిచేసినా వీటి వలన కలిగే సౌకర్యం మెండు. ప్యాడ్స్ వలన డ్రెస్ పై కూడా మరకలు పడే అవకాశం ఉంది. అందువలన, ఈ సమయంలో బ్లడ్ ఫ్లో ను మేనేజ్ చేసేందుకు మమ్మీ డైపర్స్ అమితంగా తోడ్పడతాయి. తల్లి సౌకర్యంగా ఉంటేనే బిడ్డను చేసుకోగలదు. అందువలన, తల్లి ముందు తనగురించి ఆలోచించుకోవాలి. అప్పుడే బిడ్డను మరింత జాగ్రత్తగా చేసుకోగలుగుతుంది.

10. పాదాల వాపు:

ప్రెగ్నెన్సీలో పాదాల వాపు సమస్య వేధిస్తుంది. మూడవ ట్రైమిస్టర్ కి చేరుకోగానే ఈ సమస్య మరింత ఎక్కువవుతుంది. ప్రసవానంతరం ఈ సమస్య తగ్గుముఖం పడుతుంది. అయితే, ప్రసవం తరువాత కూడా పాదాల వాపు తగ్గిపోయి పాదాలు తిరిగి సాధారణ స్థితికి చేరుకోవాలి. ప్రసవం తరువాత రెండు వారాల వరకూ ఈ వాపు అనేది ఇబ్బంది పెడుతుంది. అయితే, కొంతమందికి పాదాల వాపు అలాగే శాశ్వతంగా ఉండిపోతుంది. దాంతో, షూ సైజ్ పెరుగుతుంది.