శీతాకాలానికి ఓ పవర్ ఫుల్ మెడిసిన్..ఆంధ్రా స్పెషల్ వంకాయ రసం..ఎలా చేసుకోవాలంటే

రసం పేరు వినగానే చాలామందికి నోట్లో నీళ్లూరుతుంటాయి. వర్షం పడుతున్న సమయంలో లేదా చల్లటి వాతావరణం ఉన్నప్పుడు వేడి వేడి అన్నంలో గరం గరం రసం పోసుకొని తీంటుంటే ఆ మజా మాటల్లో చెప్పలేని విధంగా ఉంటుంది. రసం అనేది కేవలం రుచికరమైన వంటకం మాత్రమే కాదండోయ్..శీతాకాలంలో ఓ పవర్ ఫుల్ మెడిసిన్ గా కూడా పనిచేస్తుంది. కొంతమందికి అయితే ఇంట్లో ఎన్ని కూరలు ఉన్నా రోజూ రసం ఉండి తీరాల్సిందే. రసాన్ని గ్లాసులో పోసుకొని తాగేవాళ్లు కూడా ఉంటారు. అయితే ఎప్పుడూ అదే స్టైల్ రసం తిని తిని బోర్ కోట్టినట్లు అనిపించిందా? అయితే ఓ సారి ఆంధ్రా స్టైల్ వంకాయ రసం ట్రై చేయండి.

ఆంధ్రా స్టైల్ వంకాయ రసం చేస్తే మీరు ప్రత్యేకంగా గ్రేవీ వేయాల్సిన అవసరం లేదు. ఇంట్లో పిల్లల నుండి పెద్దల వరకు అందరూ దీన్ని ఇష్టపడతారు. వంకాయ ఇష్టపడని వారు కూడా దీన్ని ఇష్టపడతారు. దీన్ని తయారు చేయడం చాలా సులభం. ఆంధ్రా స్టైల్ వంకాయ రసం తయారుచేసుకోడానికి కావాల్సిన పదార్థాలు,తయారీ విధానం ఇక్కడ చూడండి.

వంకాయ రసం తయారీకి కావాల్సిన పదార్థాలు

-వంకాయ - పావు కిలో
-నూనె - 2 చెంచాలు
-ఆవాలు - 1 చెంచా
-ఎండు మిరపకాయలు - 2
-జీలకర్ర - 1 చెంచా
-మెంతి పొడి - అర చెంచా
-కరివేపాకు - కొద్దిగా
-చింతపండు రసం - అర కప్పు
-ఉల్లిపాయ - 1
-పచ్చిమిర్చి - 2
-బెల్లం తురుము - 2 చెంచాలు
-కొత్తిమీర - కొంచెం

తయారీ విధానం

-ముందుగా వంకాయ పైభాగంలో తేలికగా నూనె రాసి, ఓవెన్‌ ను మీడియం మంట మీద ఉంచి వంకాయను కాల్చండి. ఓవెన్ లేకుంటే స్టవ్ మీద ప్టాండ్ పెట్టి అయినా కాల్చుకోవచ్చు.

-తర్వాత కాల్చిన వంకాయ మీద కొద్దిగా నీరు చల్లి, దాని తొక్క తొలగించి ఒక గిన్నెలో ఉంచండి.

-ఇప్పుడు వంకాయను ఒక చెంచాతో గుజ్జు చేయండి.

-బాగా మెత్తగా అయిన తర్వాత అందులో సన్నగా తరిగిన ఉల్లిపాయ, పచ్చిమిర్చి, కొత్తిమీర వేసి కలపాలి.

-తర్వాత అందులో బెల్లం, అవసరమైన మొత్తంలో ఉప్పు వేసి బాగా కలపండి.

-తర్వాత నాబెట్టిన చింతపండు ద్రావణం, 1 కప్పు నీరు వేసి బాగా కరిగించండి.

-తర్వాత స్టవ్ మీద పాన్ పెట్టి అందులో నూనె వేసి వేడి అయిన తర్వాత ఆవాలు, జీలకర్ర వేసి వేయించాలి. తర్వాత తరిగిన ఎర్ర మిరపకాయలు, పసుపు పొడి, కరివేపాకు వేసి వేయించాలి.

-ఇప్పుడు వేయించిన పదార్థాలను తీసుకొని తయారుచేసిన వంకాయ రసంలో వేస్తే రుచికరమైన ఆంధ్రా స్టైల్ వంకాయ రసం రెడీ.