Usirikaya pachadi: ఉసిరికాయ రోటి పచ్చడి..మర్చిపోలేరు దీని రుచి..చలికాలంలో తినాల్సిందే

డాక్టర్లు జబ్బులు తగ్గడానికి మెడిసిన్ ఇస్తారు..అయితే ప్రకృతి ఆ జబ్బులు రాకుండా మెడిసిన్ ఇస్తుంది. వాటిలో ఒకటే ఉసిరికాయ. అలాంటి దివ్యౌషధమైన ఉసిరికాయతో ఉసిరికాయ తొక్కు లేదా పచ్చడి(usirikaya pachadi) చేస్తే పిల్లలైనా,పెద్దలైనా లొట్టలేసుకుంటూ తింటారు. ఈ చలికాలంలో వేడి వేడి అన్నంలో ఉసిరి రోటి పచ్చడి వేసుకుని తింటే జిందగీలో ఇలాంటి టేస్ట్ రుచిలేదని మీరే అంటారు. మరి ఆలస్యం దేనికి ఈ ఉసిరి రోటి పచ్చడి ఎలా తయారు చేయాలి,దీని తయారీకి ఏమేం కావాలో ఇక్కడ చూడండి.

ఉసిరి రోటి పచ్చడి తయారీకి కావాల్సినవి
-ఉసిరికాయలు
-మెంతులు
-ఆవాలు
-మిననప్పు
-ఎండుమిర్చి
-పసుపు
-జీలకర్ర
-వెల్లుల్లి
-కరివేపాకు
-ఉప్పు
-నూనె

ఉసిరికాయ రోటి పచ్చడి తయారీ విధానం

-ముందుగా ఉసిరికాయలను శుభ్రంగా కడిగా తేమ లేకుండా తుడిచి ముక్కలుగా కట్ చేసుకోండి.
-ఇప్పుడు స్టవ్ మీద కడాయి పెట్టి అందులో ఒక టేబుల్ స్పూన్ మెంతులు,ఆవాలు వేసి దొరగా వేయించుకోవాలి.

-దోరగా వేగిన తర్వాత వాటిని ఓ ప్లేట్ లోకి తీసుకొని పక్కనపెట్టుకోండి.

-ఇప్పుడు అదే కడాయిలో కొంచెం ఆయిల్ పోసి అది వేడయ్యాక అందులో ఎండుమిర్చి వేసి వేయించుకోవాలి.

-ఎండుమిర్చి కొంచెం వేగాక అందులో 2 టేబుల్ స్పూన్ల మినపప్పు,కరివేపాకు కూడా వేసి దోరగా వేగిన తర్వాత ఇదంతా ఓ ప్లేట్ లోకి తీసుకొని పక్కనపెట్టుకోవాలి.

-ఇప్పుడు అదే కడాయిలో శుభ్రంగా కడిగి తేమ లేకుండా తుడిచిన కట్ చేసిన ఉసిరి ముక్కలను వేయాలి.ఆ ముక్కల మీద కొంచెం పసుపు వేయాలి.

-ఓ ఐదు నిమిషాలు తక్కువ మంటమీద ఉసిరి ముక్కలను మగ్గించుకోవాలి.

-ఇప్పుడు స్టవ్ ఆఫ్ చేసి ముందుగా వేయించి పక్కన పెట్టుకున్న మెంతులు,ఆవాలను రోట్లో వేసి దంచుకోవాలి.

-తర్వాత మరో ప్లేట్ లో వేయించి పెట్టి ఉంచిన ఎండుమిర్చి మిశ్రమాన్ని కూడా రోట్లో వేసి దంచాలి.

-ఇప్పుడు వెల్లుల్లి జీలకర్ర,రుచికి సరిపడా ఉప్పు కూడా అందులో వేసి బాగా దంచి అందులో మగ్గించి పెట్టుకున్న ఉసిరికాయ ముక్కలను కూడా అందులో వేసి దంచాలి.

-బాగా దంచిన తర్వాత ఆ మిశ్రమాన్ని ఓ బౌల్ లోకి తీసుకొని పక్కన పెట్టుకోండి.

-ఇప్పుడు స్టవ్ మీద కడాయి పెట్టి పోపుతో తాళింపు వేసుకొని ఆ బౌల్ లోని మిశ్రమాన్ని తాళింపులో కలిపితే ఎంతో రుచికరమైన ఉసిరికాయ రోటి పచ్చడి రెడీ.

-అయితే రోలు రోకలి లేనివాళ్లు మిక్సీ ఉపయోగించి కూడా ఈ పచ్చడి చేసుకోవచ్చు.