బీరకాయ బజ్జీ రెసిపి ; బీరకాయ బజ్జీ ఎలా తయారుచేయాలి: వీడియో

బీరకాయ బజ్జీ ప్రసిద్ధ దక్షిణాది వంటకం. దీన్ని సాయంకాలం చిరుతిండిగా తింటారు. దీన్ని బీరకాయను సెనగపిండితో కలిపి వేయించి చేస్తారు. ఇది వర్షాకాలపు సాయంత్రం టీ తాగుతూ తినడానికి ఎంతో బావుంటుంది. పైన కరకరలాడుతూ, లోపల మెత్తని బీరకాయతో ఈ బజ్జీలు చాలా నోరూరిస్తాయి.

దక్షిణాదిలో ప్రసిద్ధమైన ఈ వంటకం అన్ని పండగలకి, పార్టీలకు వండతారు. ఇదే తరహాలో బంగాళదుంపల బజ్జీ, మిర్చి బజ్జీలను కూడా తయారుచేయవచ్చు.

అతిథులు అనూహ్యంగా వస్తే అప్పటికప్పుడు చేసుకోడానికి బీరకాయ బజ్జీ త్వరగా అవుతుంది. అందుకని ఏదన్నా కొత్తగా ప్రయత్నించాలనుకుంటే, వీడియో చిత్రాలతో కూడిన స్టెప్ బై స్టెప్ విధానాన్ని చూడండి.

బీరకాయ బజ్జీ వీడియో రెసిపి

స్టెప్ బై స్టెప్ - బీరకాయ బజ్జీ ఎలా తయారుచేయాలి

1.బీరకాయను సగానికి కోసి,ఒకవైపున పైన చెక్కుతీయండి.

2. చిన్నముక్కలు గుండ్రంగా కోసి పక్కనపెట్టుకోండి.

3. సెనగపిండిని గిన్నెలో వేయండి.

4. పసుపు, ఇంగువను వేయండి.

5. ఎర్రకారం, జీలకర్రను కూడా వేయండి.

6. ఉప్పును కూడా వేసి బాగా కలపండి.

7.వేడిచేసిన పెనంలో 2 చెంచాల నూనెను వేయండి.

8. నూనెను రెండునిమిషాలు కాగనివ్వండి.

9. దాన్ని మిశ్రమానికి కలపండి.

10. కొంచెం కొంచెం నీరు పోస్తూ పిండిని జారుడుగా కలపండి.

11. వేయించడానికి బాండీలో నూనెను మరగనివ్వండి.

12. బీరకాయ ముక్కలను పిండిలో వేసి బాగా పిండి పట్టేట్లా చూడండి.

13. ఒక్కొక్క పిండిలో ముంచిన ముక్కను నూనెలో వేసి మధ్యమంగా మంటపై వేయించండి.

14.ఒకవైపు వేగాక, తిప్పి మరోవైపు వేయించండి.

15. గోధుమరంగులోకి వచ్చేవరకూ వేయించండి.

16. నూనె నుంచి తీసి , వేడివేడిగా వడ్డించండి.