కరకరలాడే చెగోడీలు.. స్వీట్ షాపు స్టైల్లో చేసుకుందామా..?

కరకరలాడే చెగోడీలు చాలా టేస్టీగా వుంటాయ్. వీకెండ్‌లో సినిమా చూస్తూ చెగోడీలు తింటే వచ్చే కిక్కే వేరు. కొన్ని స్వీటు షుపుల్లో చేసే చెగోడీలు ఎంత టేస్టీగా వుంటాయంటే ఎంత తిన్నా కూడా ఆకలి తీరదు. చిన్న పిల్లలు చెగోడీలను వేళ్లకు ఉంగరాల్లా ధరించి ఆడుకుంటూ తింటుంటారు. కరకరలాడే చెగోడీలను ఇంట్లో వున్న వంట సామాగ్రితోనే చేసుకోవచ్చు. చెగోడీలను ఎలా తయారు చేసుకోవాలో తెలుసుకుందాం.

చెగోడీలు తయారు చేయడానికి కావలసిన వంట సామాగ్రి

ఒక కప్పు మైదాపిండి, నీళ్లు, కారం, బటర్, వాము, పసుపు, నూనె, తగినంత ఉప్పు.

చెగోడీలు తయారు చేసే విధానం

1. ఒక కప్పులో మైదా పిండిని ఒక బౌల్‌లో తీసుకోవాలి. బౌల్‌ను పక్కబెట్టి. ఒప్పుడు ఒక ప్యాన్‌లో కొన్ని నీళ్లను పోసి అందులో ఒక టీస్పూన్ కారంపొడిని వెయ్యాలి. ముప్పువు టీ స్పూన్ వామును కూడా యాడ్ చేయాలి. రుచికి తగినంత ఉప్పును కూడా యాడ్ చేసుకోవాలి. ఒక టీస్పూన్ బటర్‌ను తీసుకోవాలి. బటర్ మొత్తం కరిగిపోయి నీళ్లు కూడా మరిగేలా చూసుకోవాలి. పావు టీ స్పూన్ పసుపును కూడా వేసి నీళ్లను మరిగించుకోవాలి.

2. బాయిల్ అవుతున్న నీళ్లల్లో ఇంతకు ముందు తీసుకున్న మైదా పిండిని కలుపుకోవాలి. మంటను లో ఫ్లేమ్‌లో పెట్టి పిండిని బాగా కలుపుకోవాలి. పిండిని చేతితో బాగా మిక్స్ చేసుకోవాలి. చేతికి తడిపెట్టుకొని పిండిని వత్తుకుంటూ కలుపుకోవాలి.

3. పిండిని సెమీ సాఫ్ట్‌గా కలుపుకున్న తరువాత కొంచెం పిండిని తీసుకొని చెకోడీల షేపులో రింగ్ సైజులో చేసుకోవాలి. చేతి మెషిన్‌ తో కూడా చెకోడీలను వేసుకోవచ్చు. చోగొడీను సన్నగా లేదంటే లావుగా వేసుకోవచ్చు. మిషిన్‌తో చెగోడీలు వేస్తున్నప్పుడు మిషిన్‌లో కొంత నూనెను పోసి చెగోడీ పిండి అతుక్కోకుండా చూడాలి. ఇప్పుడు మిషిన్‌లో చెకోడీ పిండిని వేసుకొని ప్రెస్ చేసుకోవాలి. పిండిమొత్తాన్ని మిషిన్‌తో చేయండి లేదంటే చేతితో చేయండి.

4. చెకోడీలను ఫ్రై చేయడానికి కడాయిలో తగినంత నూనెను తీసుకోవాలి. అందులో చెకోడీలను వేసుకొని ఫ్రై చేసుకోవాలి. స్టవ్‌ను మీడియం ఫ్లేమ్‌లోనే పెట్టాలి. చెకోడీల కోసం పిండిని కలిపేటప్పుడు అందులో ఒక టీస్పూన్ బటర్ వేసుకుంటే ఫ్రై చేసేటప్పుడు చెగోడీలు అతుక్కోకుండా వుంటాయ్. టేస్ట్ కూడా బాగుంటాయ్.

5. చెకోడీలు ఎక్కువ మాడిపోకుండా జాగ్రత్తగా ఫ్రై చేసుకోవాలి. ఒప్పుడు చెగోడీలన్నింటిని ఒక ప్లేట్‌లో తీసుకోవాలి. మిగిలిన చెకోడీలన్నింటినీ ఇలాగే ఫ్రై చేసుకోవాలి. చెగోడీలు కరకరలాడాలంటే రెండు సార్లు ఫ్రై చేయడానికి ట్రై చేయండి. మొదటి సారి నూనెలో వేసినప్పుడు కొంత ఫ్రై కాగానే బయటకు తీసి మళ్లీ అవే చెగోడీలను వేసుకోవాలి.

చెకోడీలు మైదాపిండి పోషకాలు

చెకోడీల వల్ల ఎలాంటి పోషకాలు కూడా శరీరానికి అందవని ముందే గ్రహించాలి. మైదా పిండి తింటే కొవ్వు పెరుగుతుంది. మైదాలో పోషకాలు ఏవీ వుండవు. మైదా పిండి తయారీ విధానం తెలిస్తే. మైదాపిండిని ఎక్కువగా తినరు. గోదుమ పిండిలో రసాయనాలు వేసి దాన్ని మైదాపిండిలా తయారు చేస్తారు. మైదపిండి తయారీలో బెంజాయిల్ పెరాక్సాయిడ్ ఎక్కువగా ఉపయోగిస్తారు. దీని వల్ల అనారోగ్యానికి గురయ్యే ప్రమాదం వుందని వైద్యులు హెచ్చరిస్తున్నారు.

మైదాపిండినుంచే చెగోడీలు తయారవుతాయన్న వాస్తవం వున్నా చెగోడీలు ఎక్కువగా తినడం ఆరోగ్యానికి మంచిది కాదని గ్రహించాలి.