మదురై బన్ పరోటా.. కంట్రీ చికెన్ గ్రేవీ.. అద్భుతం..క్రీస్పీ పరోటాకు దాసోహం..

Madurai Bun Parotta మనం రెస్టారెంట్లలో తినే ఫుడ్స్ లో పరోటా ఒకటి. చాలా మంది పురుషులు పరాటాను ఇష్టంగా తింటారు. మనం చాలా చోట్ల పరోటా రుచి చూసి ఉంటాం. కానీ మదురై పరోటా రుచి చాలా అద్భుతంగా ఉంటుంది. మదురై నగరంలో చాలా నాణ్యమైన రెస్టారెంట్లు ఉన్నప్పటికీ, మధురై బన్ పరాటా ఇక్కడ చాలా ప్రసిద్ధి చెందిందని, దీనికి కాంబినేషన్‌గా వడ్డించే కంట్రీ చికెన్ గ్రేవీ మిమ్మల్ని మైమరపించేస్తుందని స్థానికులు అంటుంటారు. అంతెందుకు మదురై సందర్శించిన ఎవరైనా సరే మదురై బన్ పరోటాకు దాసోహం అవ్వాల్సిందే.

మదురైలో తయారుచేసే బన్ పరోటా చాలా ప్రత్యేకం ఒక్కసారి తింటే మళ్లీ మళ్లీ తినాలనిపిస్తుందని అంటారు. దాని ప్రత్యేకత పిండిని 5 నుండి 6గంటలు నానబెట్టి క్రిస్పీగా కరకరలాడూ తినేవిధంగా తయారుచేయడం అక్కడ ప్రత్యేకత. ఇలాంటి టేస్ట్ ను ఎవరు కాదనగలరు. ఒకసారి రుచి చూసిన వారు మళ్ళీ మళ్లీ వెళ్లి తింటారు.ఇక్కడ తయారు చేసిన ఈ బన్ పరాఠాను తయారు చేయడానికి 3-4 గంటల ముందు వారు పిండిని పిసికి కలుపుతారు. అవును.. పాలు, కోడిగుడ్లు, కొంచెం పంచదార, నూనె మిక్స్ చేసి 4 గంటలపాటు బాగా ముద్దలా చేసి పక్కన పెట్టుకోండి.

ఈ బన్ను పరాటాను నానబెట్టి, మెత్తగా చేసి, మాస్టారు చేతులతో ఒత్తి, పాలరాయిమీద వేసి బాగా ఎర్రగా కాల్చుతారు. ఈ పరాటాలకు ముఖ్యంగా మూడు రకాల కంట్రీ చికెన్ గ్రేవీ, మటన్ గ్రేవీ, గట్ గ్రేవీలో అద్భుతంగా ఉంటాయి. అంతేకాదు ఇక్కడికి వచ్చే రెగ్యులర్ కస్టమర్లు తమ స్థానిక చికెన్ గ్రేవీని కొట్టేవారే లేరని అంటుంటారు.ఇక్కడికి వచ్చే స్థానిక కస్టమర్లు ఈ బన్‌ పరాటాకు అలవాటు పడుతుంటే.. విదేశాల నుంచి వచ్చే పర్యాటకులు సైతం దీనికి అలవాటు పడుతున్నారు. అవును బన్ పరాటా, కంట్రీ చికెన్ గ్రేవీ అడిగి మరి తింటారు. మరి ఈ బన్ పరోటాను మనం ఇంట్లో ఎలా తయారుచేసుకోవచ్చు ఒక్కడ తెలుసుకుందాం.

కావాల్సిన పదార్థాలు

గుడ్డు : 1
పాలు : 2 టేబుల్ స్పూన్లు
నీరు: 1 కప్పు
ఉప్పు : రుచికి సరిపడా
చక్కెర : 2 స్పూన్
మైదా : 500 గ్రాములు
ఆయిల్ : 1 టేబుల్ స్పూన్
నూనె : 2 టేబుల్ స్పూన్లు కలుపుకోవడానికి సరిపడా తీసుకోండి.

తయారుచేయు విధానం
1. ఒక గిన్నెలో, గుడ్డు, పాలు, నీరు, ఉప్పు మరియు చక్కెర కలపండి. అన్ని పదార్థాలు బాగా కలిసే వరకు బాగా కలపండి.

2. మరో గిన్నెలో మైదా తీసుకుని పైన తయారుచేసుకున్న గుడ్డు మిశ్రమాన్ని వేసి పిండిని బాగా సాప్ట్ గా కలుపుకోవాలి.

3 . పిండి చాలా మృదువుగా మరియు సాగే వరకు 15 నిమిషాల పాటు పిండిని బాగా చేస్తో పిసికి పిసికి 15-20 నిముషాలు కలుపుకోవాలి.

4. తర్వాత ఇలా బాగా కలిపి పెట్టుకున్న పిండిని ఆరిపోకుండా ఉండాలంటే పొండి ముద్ద పైన 1 టేబుల్ స్పూన్ నూనె పోసి, గిన్నెను కాటన్ గుడ్డతో కప్పి పెట్టుకోవాలి. పిండిని కనీసం 2 గంటలు మరియు గరిష్టంగా 5 గంటలు బాగా నానబెట్టాలి.

5. తర్వాత పిండి నుండి పెద్ద నిమ్మపండు సైజ్ పిండి తీసుకుని మీకు కావాల్సినన్ని ఉంటలు చేసి పెట్టుకోవాలి

6. పిండి బాల్స్‌పై 2 టేబుల్ స్పూన్ల నూనె వేసి మరో 30 నిమిషాలు పక్కన పెట్టండి. పిండి ఎంత బాగా నానితే అంత బాగా పరోటా వస్తుంది.

7. తర్వాత పిండి ముద్దని తీసుకొని రోలింగ్ పిన్ ఉపయోగించి చాలా పల్చగా చపాతీలా రుద్దండి. స్ప్రెడ్ చేసిన పిండిపై నూనె రాయండి.

8. మీ రెండు చేతులను ఉపయోగించి, పిండిని పల్చగా చేయడానికి వృత్తాకార కదలికలో తిప్పండి. పిండిని పొరలు పొరలుగా మడిచి తిప్పాలి. 3 అంగుళాల ఎత్తులో రద్దిన చపాతీని తిప్పి తిప్పి మీ అరచేతులను ఉపయోగించి పిండిని 4 అంగుళాల వృత్తంలో సున్నితంగా ఒత్తుకోవాలి.

9. పిండి బంతిని తీసుకుని రోలింగ్ పిన్ ఉపయోగించి పల్చగా పూరీల్లా రుద్దుకోవాలి. స్ప్రెడ్ చేసిన పిండిపై నూనె రాయండి.

10. రోలింగ్ పిన్‌ని ఉపయోగించి, దానిని పెద్ద వృత్తంలోకి చుట్టడం ద్వారా వీలైనంత పల్చగా పొరలుపొరలుగా రుద్దాలి. మళ్లీ కొంచెం నూనె రాసుకుని పిండిని నిలువుగా మడిచి రుద్దాలి. ఇలా రెండు మూడు సార్లు పిండిని పొరలుపొరలుగా రుద్దుకోవాలి

11. ఇలా రెడీ చేసుకున్న పరోటాను తవాపై కొంచెం నూనె వేసి, మెత్తగా చదును చేసిన పరోటాను ఉంచి, మీడియం మంట మీద 2 నిమిషాలు ఉడికించి, తిప్పండి. మరో 2 నిమిషాలు మరొక వైపు కాలనివ్వండి. బంగారు గోదుమ రంగు వచ్చే వరకు రెండు వైపులా బాగా కాల్చుకోవాలి.

12. వేడి నుండి తీసివేసి, 3-4 పరాటాలను చపాతీ రాయి పైన ఉంచండి. వాటిని ఒకదానిపై ఒకటి పేర్చండి. మీ అరచేతులను ఇరువైపులా ఉంచి వాటిని సున్నితంగా పిండి వేయండి(రెండు చేతుల మద్యలో పరాటోలు నలపాలి అప్పడే పొరలుగా విడిపోతాయి). మెత్తని బన్ పరోటా కోసం కాస్త ఓపిక, మెత్తగా పిండి చేయడానికి సరైన నీరు , పిండినానడానికి సరైన సమయం, సరైన మెత్తగా పిండి చేయడం, నెయ్యి చాలా ముఖ్యమైనవి. అంతే బన్ పరోటాలు రెడీ. మీకు నచ్చిన గ్రేవీ, కుర్మాతో పరోటోనా ఆశ్వాదించవచ్చు.