మన శ్రీదేవి డాటర్ ఫేవరెట్ రెసిపి..దహీ తడ్కాని ఇంట్లోనే ఈజీగా ఎలా చేసుకోవాలో చూడండి

దహీ తడ్కా అనేది భారతీయ వంటకాల్లో చాలా తేలికైన, త్వరగా తయారు చేసుకోగలిగే ఒక రుచికరమైన వంటకం. ఇది సాధారణంగా అన్నం లేదా రోటీతో సైడ్ డిష్‌గా వడ్డిస్తారు. దీన్ని తయారు చేయడం చాలా సులభం. దీనికి కావాల్సిన పదార్థాలు ఇంట్లో అందుబాటులో ఉంటాయి. దీనిని సెలబ్రిటీ రెసిపి అని కూడా పిలుస్తారు. ఎందుకంటే చాలామంది సెలబ్రిటీలు ఇష్టంగా తినే వంటకం ఇది. బాలీవుడ్ హీరోయిన్ జాన్వీకపూర్ కి అయితే ఇది చాలా ఫేవరెట్ రెసిపి. దహీ తడ్కాని మీ ఇంట్లొనే సులభంగా ఎలా తయారుచేసుకోవాలొ ఇప్పుడు చూద్దాం.

దహీ తడ్కా తయారీకి కావలసిన పదార్థాలు

-పెరుగు: 1 కప్పు
-నెయ్యి: 1-2 టేబుల్ స్పూన్లు
-ఆవాలు: 1 టీస్పూన్
-జీలకర్ర: 1 టీస్పూన్
-ఇంగువ: చిటికెడు
-ఎండుమిర్చి: 1-2
-కరివేపాకు: 8-10 ఆకులు
-పచ్చిమిర్చి: 1
-అల్లం తురుము: 1/2 టీస్పూన్
-వెల్లుల్లి: 3-4 రెబ్బలు
-ఉల్లిపాయ: 1 చిన్నది
-పసుపు: 1/4 టీస్పూన్
-కారం: 1/2 టీస్పూన్
-ధనియాల పొడి: 1/2 టీస్పూన్
-ఉప్పు: తగినంత
--కొత్తిమీర: 2 టేబుల్ స్పూన్లు

తయారీ విధానం

-ముందుగా ఒక పెద్ద గిన్నెలో పుల్లగా లేని, చిక్కటి పెరుగును తీసుకోండి. దీన్ని గడ్డలు లేకుండా మెత్తగా అయ్యే వరకు బాగా చిలకాలి. మీకు కొంచెం పల్చగా కావాలంటే పావు కప్పు నుండి అర కప్పు నీళ్లు కలుపుకోవచ్చు. ఉప్పును తగినంత కలుపుకొని పక్కన పెట్టుకోండి.

-ఇప్పుడు ఒక చిన్న కడాయి లో నెయ్యి వేసి మీడియం మంటపై వేడి చేసి ఇందులో ఆవాలు వేసి అవి చిటపటలాడే వరకు వేయించండి. ఆ తర్వాత, జీలకర్ర, ఇంగువ, ఎండుమిర్చి వేసి కొన్ని సెకన్లు వేయించండి.

-ఇప్పుడు తరిగిన వెల్లుల్లి, అల్లం, పచ్చిమిర్చి, కరివేపాకు వేసి వెల్లుల్లి లేత గోధుమ రంగులోకి మారే వరకు వేయించండి. మీరు ఉల్లిపాయలు వేయాలనుకుంటే ఈ దశలో తరిగిన ఉల్లిపాయలు వేసి అవి రంగు మారే వరకు వేయించండి.

ఓట్స్ ఇడ్లీ ఎప్పుడైనా తిన్నారా? పొద్దున్నే అసలు తినాల్సిందే ఇది కదా..ఏం టేస్టూ,ఎన్ని బెనిఫిట్స్..ఎలా చేయాలంటే

-మంటను తగ్గించి పసుపు, కారం, ధనియాల పొడి వేసి బాగా కలపండి. మసాలా దినుసులు మాడిపోకుండా చూసుకోండి. మసాలా దినుసులు వేసిన వెంటనే మంటను ఆపివేయడం చాలా ముఖ్యం.

-తడ్కా మిశ్రమం కొద్దిగా చల్లబడిన తర్వాత చిలికిన పెరుగులో నెమ్మదిగా పోసి పూర్తిగా కలిసేలా బాగా క'rలపండి. రుచి చూసి అవసరమైతే మరికొద్దిగా ఉప్పు వేసుకోవచ్చు.

-సన్నగా తరిగిన కొత్తిమీర అందులో చల్లుకొని కలపండి. అంతే దహీ తడ్కా రెడీ.

-దహీ తడ్కా రుచిగా ఉండటమే కాకుండా అనేక ఆరోగ్య ప్రయోజనాలను కూడా అందిస్తుంది. పెరుగు, తడ్కాలో వాడే సుగంధ ద్రవ్యాలు, కూరగాయలు అనేక పోషకాలను కలిగి ఉంటాయి.