ఖాండ్వీ తయారీ: ఇంటివద్దనే సెనగ ఖాండ్వీ తయారీ ఎలా?

గుజరాతీ ఖాండ్వీగా పిలవబడే సెనగపిండి ఖాండ్వీ గుజరాతీయుల ఆహారంలో ఎంతో ప్రసిద్ధిచెందిన చిరుతిండి. ఇంట్లో సులభంగా చేసుకోదగ్గ ఈ వంటకాన్ని అందరూ అడిగి అడిగి మరలా తింటారు చూడండి !

సెనగపిండి, పెరుగుతో తయారయ్యే ఈ చిన్న చిన్న మెత్తని కట్ చేసిన స్వీట్లను, సులభంగా ఇంట్లోనే తక్కువ సమయంలో చేసేసుకోవచ్చు. ఇందులో కొంచెం ఇబ్బందిపెట్టే విషయం సెనగపిండి బాగా కలవడం. గుజరాతి ఖాండ్వీలో ఉండే తగినంత పుల్లదనం, ఉప్పదనం కలిసి ఈ వంటకం చాలా రుచికరంగా, సంతృప్తికరంగా మారుతుంది. దీన్ని కొత్తిమీర పచ్చడి లేదా కెచప్ తో కలిపి తింటారు. మీ సాయంకాలపు టీకి ఇది చక్కని మిత్రుడు. అయితే ఇంకెందుకు ఆలస్యం, ఎలా వండుకోవాలో వీడియోలు, ఫోటోలతో సహా ఈ వ్యాసం చదివేసి తొందరగా మీ వంట మొదలుపెట్టండి.

ఖాండ్వీ రెసిపీ వీడియో

ఖాండ్వీ తయారుచేసే విధానం

1.పెరుగును మధ్య సైజు గిన్నెలో పోసి, మృదువుగా అయ్యే వరకు కలపండి.

2.పసుపు, ఇంగువ, ఉప్పు తగినంత వేసుకోండి.

3.అప్పుడు సెనగపిండి వేసి బాగా పిండిలా వచ్చేలాగా మొత్తం మిశ్రమాన్ని కలపండి.

4.కడాయిని వేడిచేయండి, మంటను మధ్యలో ఉంచి పై మిశ్రమాన్ని అందులో పోయండి.

5.ఉండలు కట్టకుండా బాగా కలుపుతూనే ఉండండి, మిశ్రమం గట్టిపడి పేస్ట్ లా తయారవుతుంది.

6.అదే సమయంలో, ఒకటి లేదా రెండు పళ్ళేలపై నూనె రాసి పెట్టుకోండి. గరిటె వాడి ఆ పేస్ట్ ను పళ్ళాలకు సమంగా వేసి రాయండి.

7.5 నిమిషాల పాటు చల్లబడనివ్వండి.

8.2 అంగుళాల మేరకు పొడవుగా కట్ చేయండి.

9.కొబ్బరి, కొత్తిమీర మిశ్రమాన్ని పైన చల్లండి.

10.ఈ కట్ చేసినవాటిని గుండ్రంగా ఏది విచ్చుకోకుండా కట్టండి.

11.కొంత నూనెను పెనంలో వేసి వేడిచేయండి ( ముందు వాడినట్టుగా).

12.ఆవాలను వేసి వేయించండి.

13.కరివేపాకును కూడా వేసి బాగా కలిపి స్టవ్ కట్టేయండి.

14. దీన్ని ఖాండ్వీపై పోసి మరలా కొబ్బరి-కొత్తిమీర పొడితో అలంకరించండి.