Latest Updates
-
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు! -
చలికాలంలో శరీరానికి వెచ్చదనాన్నిచ్చే ఆరోగ్యకరమైన నువ్వుల పట్టీ..ఇంట్లోనే ఇలా చేసుకోండి! -
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..
చుక్క నీరు,ఉల్లి,వెల్లుల్లి లేకుండానే..జార్ఖండ్ ఫేమస్ అత్తే మటన్..దీని రుచికి ఫిదా అవ్వాల్సిందే!
మటన్.. ఈ పేరు వినగానే మాంసాహార ప్రియుల నోట్లో నీళ్లు ఊరడం ఖాయం. వీకెండ్ వచ్చిందంటే చాలు, చాలామంది ఇళ్లలో ఘుమఘుమలాడే మటన్ కూర ఉడికిపోవాల్సిందే. మటన్ తో రకరకాల వంటకాలు చేస్తుంటారు. అయితే, సాధారణంగా మటన్ వండాలంటే బోలెడంత ఉల్లిపాయ, అల్లం వెల్లుల్లి పేస్ట్, గ్రేవీ కోసం నీళ్లు వాడటం మనకు అలవాటు. కానీ, మీరు ఎప్పుడైనా జార్ఖండ్ లోని డియోఘర్ ప్రాంతానికి చెందిన ప్రసిద్ధ అత్తా మటన్ రుచి చూశారా?
ఈ అత్తే మటన్ తయారీ విధానం పూర్తిగా భిన్నంగా ఉంటుంది. ఇందులో చుక్క నీరు కూడా పోయరు. ఉల్లిపాయ, వెల్లుల్లి కూడా వాడరు. వినడానికి ఆశ్చర్యంగా ఉన్నా, పాతకాలం నాటి సాంప్రదాయ పద్ధతిలో వండే ఈ మటన్ రుచి మాత్రం జన్మలో మర్చిపోలేరు. కేవలం స్వచ్ఛమైన నెయ్యి, నిండు మసాలా దినుసులతో మాత్రమే దీనిని వండుతారు. డియోఘర్ స్పెషల్ అత్తే మటన్ ఎలా తయారు చేయాలో ఇక్కడ చూడండి.

అత్తే మటన్ తయారీకి కావాల్సిన పదార్థాలు
లేత మటన్ - 1 కిలో
నెయ్యి - 400 గ్రాములు
బిర్యానీ ఆకు
పచ్చ యాలకులు
నల్ల యాలకులు
లవంగాలు
జీలకర్ర
దాల్చినచెక్క
జాపత్రి
నల్ల మిరియాలు
దంచిన పచ్చిమిర్చి
దంచిన అల్లం
ఉప్పు
అత్తే మటన్ తయారీ విధానం
-ముందుగా ఒక కిలో తాజా, లేత మటన్ తెచ్చుకోవాలి. దానిని రెండు మూడు సార్లు శుభ్రమైన నీటిలో బాగా కడిగి, నీరు మొత్తం పోయేలా వడకట్టి పక్కన పెట్టుకోవాలి.
-ఇప్పుడు స్టవ్ వెలిగించి మందపాటి ఇనుప కడాయిని పొయ్యి మీద పెట్టండి. ఇనుప పాత్రలో వండటం వల్ల మటన్ కు అద్భుతమైన రుచితో పాటు మంచి రంగు కూడా వస్తుంది. కడాయి వేడెక్కాక అందులో 400-500 గ్రాముల నెయ్యి వేయాలి.
-నెయ్యి బాగా వేడెక్కిన తర్వాత అందులో ఘుమఘుమలాడే మసాలా దినుసులన్నింటినీ (బిర్యానీ ఆకు, యాలకులు, లవంగాలు, దాల్చినచెక్క తదితరాలు) వేసి వేయించాలి.
-మసాలా దినుసులు చక్కగా వేగిన తర్వాత, కడిగి పెట్టుకున్న మటన్ ముక్కలను అందులో వేయాలి. ఇప్పుడు మంటను మీడియం ఫ్లేమ్ లో ఉంచి, సుమారు 45 నిమిషాల పాటు నేతిలోనే మటన్ ను ఓపికగా వేయించాలి. ఈ సమయంలో మటన్ తనలోని సహజసిద్ధమైన రసాలతో నేతిలో ఉడుకుతుంది.
-45 నిమిషాల తర్వాత, దంచిన పచ్చిమిర్చి, అల్లం పొడి లేదా దంచిన అల్లం వేసి మళ్లీ వేయించడం కొనసాగించాలి.
-మటన్ ముక్కలు పూర్తిగా మెత్తబడి, నోట్లో వేసుకుంటే కరిగిపోయేలా తయారయ్యే వరకు నెమ్మదిగా వేయించాలి. మాంసం చక్కగా ఉడికింది అనిపించాక, చివరగా మీ రుచికి తగినట్లుగా ఉప్పును జోడించండి. ఉప్పు వేసిన తర్వాత మటన్ ముక్కలకు పట్టేలా మరో ఐదు నిమిషాల పాటు వేయించి స్టవ్ ఆపేయండి.
-అంతే ఎంతో రుచికరమైన, నోరూరించే డియోఘర్ స్పెషల్ అత్తే మటన్ రెడీ. వేడివేడి అన్నం, రోటీ లేదా నాన్ తో దీనిని వడ్డిస్తే ఆ రుచికి ఫిదా అవ్వాల్సిందే.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
