లో ఫ్యాట్ కర్డ్ చికెన్ కర్రీ రిసిపి

చికెన్ ఒక ఆరోగ్యకరమైన మాంసాహారం. బరువు తగ్గించుకోవాలని ప్లాన్ చేసే వారు ఈ చికెన్ ను నిరభ్యంతరంగా తీసుకోవచ్చు . ఈరోజు మీకోసం ఒక సింపుల్ అండ్ టేస్టీ చికెన్ రిసిపిని పరిచయం చేస్తున్నాము. ఈ చికెన్ రిసిపికి పెరుగు చేర్చడం వల్ల చాలా టేస్టీగా ఉంటుంది.

ఈ రిసిపి యొక్క ప్రత్యేకత చికెన్ కు పెరుగును చేర్చి వండటమే . అంతే కాదు, పెరుగు చేర్చడం వల్ల వేసవిలో బాడీహీట్ తగ్గుతుంది. త్వరగా జీర్ణం అవుతుంది. అలాగే బరువు తగ్గాలనుకొనే వారికి ఇది ఒక లోఫ్యాట్ కర్రీ. లీన్ చికెన్ లో చాలా తక్కువ క్యాలరీలుండటం వల్ల బరువు పెరువు పెరుగుతామనే భయం ఉండదు. మరి ఈ సింపుల్ లోఫ్యాట్ చికెన్ కర్రీ ఎలా తయారుచేయాలో చూద్దాం...

చికెన్: 1/2 kg
కారం: 2 tbsp
ఆవాలు: 1 tsp
పసుపు: 1 tsp
ధనియా పౌడర్: 1tbsp
అల్లం & వెల్లుల్లి పేస్ట్: 1tbsp
ఉల్లిపాయ: 1 (సన్నగా తరిగి పెట్టుకోవాలి)
పచ్చిమిర్చి: 1(చిన్న ముక్కలుగా కట్ చేసుకోవాలి)
నూనె: 2tbsp
నీరు: 1cup
పెరుగు: 1cup
ఉప్పు: రుచికి సరిపడా

తయారుచేయు విధానం:
1. ముందుగా కుక్కర్ లో కొద్దిగా నూనె వేసి వేడి అయ్యాక అందులో ఆవాలు, పచ్చిమిర్చి వేసి ఫ్రై చేసుకోవాలి.
2. రెండు నిముషాల తర్వాత సన్నగా తరిగి పెట్టుకొన్న ఉల్లిపాయముక్కలు మరియు అల్లం వెల్లుల్లి పేస్ట్ వేసి మొత్తం మిశ్రమాన్ని కలగలుపూ ఫ్రై చేసుకోవాలి.
3. ఇప్పుడు అందులోనే కారం, పసుపు, ధనియాల పొడి వేసి మరో నిముషం ఫ్రై చేసుకోవాలి.
4. తర్వాత సరిపడా నీళ్ళు పోసం పోపు మొత్తం ఉడకనివ్వాలి.
5. ఇప్పుడు అందులో చికెన్ ముక్కలు వేసి బాగా మిక్స్ చేసి, కుక్కర్ కు మూత పెట్టాలి. ఒకటి రెండు విజిల్స్ వచ్చే వరకూ ఉండి తర్వాత స్టౌ ఆఫ్ చేయాలి.
6. 5నిముషాల తర్వాత ప్రెజర్ కుక్కర్ మూత తీసి చికెన్ కు పెరుగు మిక్స్ చేయాలి. ఇప్పుడు ఈ మిశ్రమాన్ని మరో 5నిముషాలు తక్కువ మంట మీద ఉడికించుకోవాలి. అంతే స్టౌ ఆఫ్ చేసి వేడి వేడిగా సర్వ్ చేయాలి .