Pithikipappu Chicken Curry: పితికిపప్పు కూర దోసెలు, రాగిసంగటిలో వేసుకుని తింటే..భలేభలే

ఎంతో అత్రుతగా ఎదురుచూసే అనపకాయల సీజన్‌ వచ్చేసింది. మార్కెట్‌ను అనపకాయలతో ముంచెత్తుతుంది. అన్నమయ్య జిల్లాలోని పడమటి మండలాల్లో ఖరీఫ్‌ సీజన్‌లో వేరుశనగతో పాటు అనపకాయలు పండిస్తారు. నవంబర్‌ నుంచి జనవరి చివరి వరకు సీజన్‌ ఉంటుంది.

సంక్రాంతి వరకు ఘుమఘుమలే
అనపకాయలు కిలో రూ.30 వంతున విక్రయిస్తున్నారు. అనపకాయలు సంక్రాంతి దాకా విరివిగా లభ్యమవుతాయి. దీంతో ఇళ్లల్లో వారానికి మూడు సార్లయినా పితికిపప్పు రుచి చూడాల్సిందే. కేవలం వర్షాధారంగా చేళ్లల్లో పండిన నాటు అనపకాయలు మాత్రమే చాలా రుచిగా ఉంటాయి. వీటిని ముట్టుకోగానే బంకగా ఉండి, వాటి వాసన గంటసేపు ఉంటుంది.

అబ్బా దాని రుచే వేరు
అనపగింజలను గింజల కూర, చారు, సాంబారు చేస్తారు. అనపకాయలు ఒలిచి గింజలను గిన్నెలో నీటిలో రాత్రి నానబెట్టి మరుసటి రోజు గింజలను పితికి పప్పు కూరలు, చారుగా చేస్తారు. ఉదయమే దోసెల్లో పితికిపప్పు ఇష్టంగా తింటారు. కొందరు పితికిపప్పును ఎండబెట్టి నూనెలో వేపుడు చేసి తింటారు. అత్యంత రుచికరమైన ఆహార వంటలలో ఒకటి "పితికిపప్పు చికెన్ సాంబార్". అనపకాయలతో చేసే పితికిపప్పు కూర దోసెలు, రాగిసంగటిలో వేసుకుని తింటే ఆ రుచే వేరుగా ఉంటుంది. భోజనప్రియులు పితికిపప్పు కూరను ఎంతో ఇష్టంగా తింటారు. ఒక్క సారి తిన్న వారికి మళ్లీ మళ్లీ వద్దు, ఇంత రుచికరమైన పక్కా పల్లె స్టైల్ పితికిపప్పు చికెన్ కూర ఎలా చేయాలో, దానికి కావాల్సిన పదార్థాలు ఏంటో వివరంగా కింద చూడండి:

కావలసిన పదార్థాలు

పితికిపప్పు 3/4 కిలోలు(అనపకాయల వలిచి, గింజలను నీళ్ళలో 2 లేదా 3 గంటలు నానబెట్టి, పొట్టును వేరుచేయడం)

చికెన్ 1 కిలో

పెద్ద ఉల్లిపాయ 2

టొమాటో 2

కొబ్బరి పొడి లేదా కొబ్బరి 1/4 కప్పు

కారం పొడి: 2 టేబుల్ స్పూన్

దనియా పొడి 2 టేబుల్ స్పూన్

ఉప్పు పొడి 2 టేబుల్ స్పూన్లు

పసుపు పొడి 1/2 tsp

గరం మసాలా 1/4 tsp

గసగసాలు 1/4 tsp

రుచికి ఉప్పు

లవంగం, చెక్క, కొత్తిమీర

నూనె

* పాన్ లో కొద్దిగా నూనె వేసి అందులో లవంగాలు, చెక్క, యాలకలు, ఉల్లి, వెల్లుల్లి పాయలు వేసి బాగా వేయించి పక్కన పెట్టుకోవాలి.

* స్టౌ మీద మరో పాన్ పెట్టి అందులో కొద్దిగా ఉల్లిపాయ, కొద్దిగా టమోటో ముక్కలు వేసి వేగించాలి. ఎర్రగా మారిన తర్వాత అందులో చికెన్ వేసి రెండు నిమిషాలు ఉడికించి,పితికి పప్పు వేసి పసుపు, ఉప్పు వేసి మీడియం మంట మీద బాగా ఉడికించాలి.

* పప్పులు మరియు చికెన్‌లో సగం మాత్రమే వండాలి ఎందుకంటే మిగిలినవి మసాలాలో వండుతారు.

* మిక్సీలో ముందుగా వేయించి పెట్టుకున్న ఉల్లి వెల్లుల్లి, చెక్కలవంగం మిశ్రం మరియు కొబ్బరి, ధనియాల పొడి, కారం పొడి, పసుపు, గరం మసాలా, గసగసాలు, టొమాటో,కొత్తిమీర వేసి మెత్తగా రుబ్బుకోవాలి.

* మసాలా పచ్చిగా ఉన్నందున, బాణలిలో నూనె వేసి, మిగిలిన ఉల్లిపాయలు వేసి బాగా వేగిన తరువాత, రుబ్బిన మసాలా వేసి ఉడికించాలి.

* మసాలా తిప్పుతూ ఉండాలి, లేకపోతే బేస్ అంటుకుంటుంది.

* బాగా ఉడికిన మసాలా నూనె వదలడం ప్రారంభించినప్పుడు, ఒక పాత్రలో చికెన్ మరియు పితికిపప్పు మసాలా వేసి, నెమ్మదిగా కదిలించు, నీరు మరియు రుచికి ఉప్పు వేసి, నూనె స్టాక్ నుండి వచ్చే వరకు ఉడికించాలి.

సూచనలు

మీరు కొబ్బరిని ఎంత ఎక్కువ వేస్తే అంత పటిష్టమైన కూర, మీరు మిక్సీలో కొద్దిగా పితికిపప్పు కూడా జోడించవచ్చు. మసాలా చాలా స్పైసీగా ఉంటే గరం మసాలాను నివారించవచ్చు.