వెయిట్ లాస్ స్నాక్ క్రిస్పీ రవ్వ వడ

సహజంగా మీరు ఉద్దిన్ వడ, మసాలా వడ, శెనగపప్పు వడ, మినప వడలు ఇలా వివిధ రకాల వడలను రుచి చూసే ఉంటారు. అయితే, రవ్వతో తయారుచేసే వడ టేస్ట్ ఎలా ఉంటుందో మీకు తెలుసా? చాలా రుచికరంగా క్రిస్పీగా ఉంటుంది. అంతే కాదు, బరువు తగ్గాలనుకొనే వారికి మరియు డైట్ ను అనుసరించే వారికి ఇది ఒక లోక్యాలరీ స్నాక్ రిసిపి.

ఈ క్రిస్పీ టేస్టీ లోక్యాలరీ వడను తయారుచేయడం చాలా సులభం. ఉద్దివడ, మసాల వడ తయారుచేసుకొన్నట్లే, తయారుచేసే విధానం ఒక్కటే, అయితే, ఈ సూజి వడకు రవ్వ మరియు బియ్యం పిండి ఉపయోగించి తయారుచేసుకుంటారు. మరి మీరు కూడా ఈ క్రిస్పీ స్నాక్ ను రుచి చూడాలనుకుంటున్నారు. మరి తయారుచేయు విధానం తెలుసుకోండి...

కావల్సిన పదార్థాలు:
సన్నరవ్వ: 1cup
బియ్యంపిండి: 1/2cup
కొత్తిమీర: 1/2cup(సన్నగా తరగాలి)
కరివేపాకు: 1/2cup
ఉల్లిపాయ: 2(సన్నగా తరిగిపెట్టుకోవాలి)
ఉప్పు: రుచికి సరిపడా
నూనె : ఫ్రై చేయడానికి సరిపడా

తయారుచేయు విధానం:
1. ముందుగా సన్నరవ్వను బియ్యం పిండిలో వేసి బాగా మిక్స్ చేయాలి. రెండూ బాగా కలగలిసే వరకూ మిక్స్ చేయాలి.
2. తర్వాత అందులో ఉప్పు వేసి తిరిగి మిక్స్ చేయాలి.
3. ఇప్పుడు అందులోనే ఒక టేబుల్ స్పూన్ నూనె లేదా నెయ్యిని వేడి చేసి పిండిలో వేసి కలగలుపుకోవాలి.
4. తర్వాత ఈ పిండిలోనే సన్నగా తరిగిపెట్టుకొన్న పచ్చిమిర్చి, ఉల్లిపాయ, కరివేపాకు, కొత్తిమిర తరుగు వేసి, మొత్తం మిశ్రమాన్ని బాగా కలగలుపుకోవాలి. కలిపేటప్పుడే కొద్దిగా నీళ్ళు కూడా జోడిస్తూ నిధానం మృదువుగా కలుపుకోవాలి.
5. ఇప్పుడు ఈ పిండి నుండి కొద్దికొద్దిగా చేతిలోకి తీసుకొని అరచేతిలో పెట్టుకొని, వడలాగ వత్తుకోవాలి.
6. ఇలా అన్ని వత్తిపెట్టుకొనే లోపు, స్టౌ మీద పాన్ పెట్టి, నూనె పోసి వేడయ్యాక అందులో వడలను అందులో వేసి బ్రౌన్ కలర్ వచ్చే వరకూ రెండువైపులా కాలే వరకూ వేగించుకోవాలి. అంతే క్రిస్పీ సూజి (రవ్వ)వడ రెడీ.