పెరుగుతో(కర్డ్) లస్సీ..సమ్మర్ స్పెషల్

Published: Tuesday, April 3, 2012, 12:14 [IST]

ఏప్రిల్..మే అంటేనే ఎండలు. ఈ ఎండలకు బయటకు వెళ్ళాలంటేనే భయం..భయం. ఒక వేళ వెళ్ళినా వేడితాపాన్ని తట్టుకొనే శక్తి తక్కువగా ఉంటుంది. దాంతో విపరీతమైన దాహం. దగ్గర్లో ఏది కనబడితే అది తీసుకొని తాగేసి దప్పిక తీర్చుకుందామాని అనుకుంటారు. అలా అని ఏదిపడితే అది తాగకుండా ఆరోగ్యానికి మేలు చేసే పానీయాలు మాత్రమే తాగితే మంచిది. శరీరానికి చలువనిచ్చి ఆరోగ్యాన్ని కాపాడే పానియాల్లో కర్డ్ లస్కీ ఒకటి....అది ఎలా తయారు చేయాలో చూద్దాం...

కావలసిన పదార్థాలు:

పెరుగు: 2cups
ఐసుముక్కలు: 4-6
చల్లటి నీళ్ళు: 1cup
పంచదార: 2tsp
ఉప్పు: చిటికెడు
చెక్కరకేళీలు: 3

తయారు చేయు విధానం:

ఐసుముక్కలు తప్ప మిగిలినవన్నీ మిక్సీలో వేసి బాగా నురుగువచ్చే వరకూ తిప్పాలి. పొడవాటి గ్లాసులో పోసి ఐసుముక్కలు వేసి అందించాలి. పెరుగుకు సమాన పరిమాణంలో మామిడిరసం లేదా అరటిపండ్ల గుజ్జు, బొప్పాయి, స్ట్రాబెర్రీ, పుచ్చకాయ, నిమ్మరసాలు జోడించి కూడా లస్సీ తయారుచేయవచ్చు. నిమ్మరసంతో చేసేటప్పుడు మాత్రం కప్పు పెరుగుకు టేబుల్‌స్పూన్‌ నిమ్మరసం వేస్తే సరిపోతుంది. పండ్లరసాలేమీ లేకుండా వెనీలా ఎసెన్స్‌, యాలకులపొడి లాంటివి వేసి కూడా లస్సీ తయారుచేయవచ్చు. కొన్నిచోట్ల అచ్చంగా పెరుగుతో కాకుండా సగం పాలు లేదా మీగడ వేసి కూడా లస్సీ చేస్తుంటారు. అసలు ఇవేవి కాకుండా సాదా లస్సీ కావాలంటే ఉత్త పెరుగుతో పంచదార వేయ కుండా కాస్త ఉప్పు, నీళ్ళు జీలకర్ర కలిపి గిలకొడితే సరిపోతుంది.