పొటాటోసేమ్యా కచోరీ

Published: Saturday, June 11, 2011, 14:52 [IST]

కావలసిన పదార్థాలు:
బంగాళదుంపలు: 3
మైదా: 2
బేకింగ్ పౌడర్: 1/4tsp
వంటసోడా: చిటికెడు
నెయ్యి లేదా డాల్డా: 2tsp
ఉడికించిన సేమ్యా: 1/2cup
క్యారట్: 1
క్యాప్సికమ్: 1
ఉల్లిపాయ: 1
అజినమోటో: చిటికెడు
మిరియాలపొడి: 4tsp
ఉప్పు: రుచికి తగినంత
నూనె: వేయించడానికి సరిపడా

తయారు చేయు విధానము:
1. మొదటగా మైదాలో నెయ్యి లేదా డాల్డా వేసి కలిపి సోడా, బేకింగ్ పౌడర్, తగినంత ఉప్పు, ఉడికించిన బంగాళదుంప వేసి చపాతీ పిండిలా కలిపి మూతపెట్టి అరగంట నానబెట్టాలి.
2. పాన్‌ లో చెంచాడు నూనె వేసి సన్నగా తరిగిన ఉల్లిపాయలు, క్యారట్, క్యాప్సికమ్ వేసి దోరగా వేయించాలి.
3. ఇప్పుడు ఇందులో ఉడికించిన సేమ్యా, ఉప్పు, మిరియాలపొడి, అజినమోటో వేసి మరో రెండు నిముషాలు వేయించాలి.
4. కలుపుకున్న పిండిని చిన్న చిన్న ఉండలుగా చేసుకుని చిన్న పూరీల్లా ఒత్తుకోవాలి. ఒక పూరీపై కూర మిశ్రమాన్ని పెట్టి మరో పూరీతో మూసి చుట్టూ అంచులు విడిపోకుండా తడి అద్ది, గట్టిగా ఒత్తి అన్ని సిద్దచేసి పక్కన పెట్టుకోవాలి
5 చివరగా పాన్ లో నూనె వేసి వేడి అయ్యాక అందులో వత్తిపెట్టుకొన్న కచోరిలను వేసి నిదానంగా కరకరలాడే వరకు వేయించాలి. ఈ కచోరీలను టొమాటో సాస్‌ తో సర్వ్ చేస్తే చాలా రుచిగా ఉంటాయి.