పురుషులలో ఆవేదన... ఎందుకు అధికం?

Relationship

oi-Nageswara

By B N Sharma

Published: Thursday, May 24, 2012, 11:12 [IST]

మహిళలు తమ పురుషుడ్ని పరాయి ఆడదానితో చూస్తే, గుండె పగిలేలా రోదిస్తారు. అయితే, ఈ చర్య మహిళలకే పరిమితమా? కాదు, పురుషులు కూడా తమ స్త్రీలను వేరే పురుషులతో చూస్తే అంతకు మించిన వేదన పడతారు. పురుషుడు ఎంత కఠినమైన వాడైనప్పటికి ఈఅంశం వచ్చే సరికి ఎంతో మెత్తగా, పిరికిగా వ్యవహరించి బాధపడతాడట. అంతేకాదు, తన ప్రేమికురాలికి మరొకరితో పెళ్ళి అయినా సరే తన రొమాన్స్ విఫలతకు తీవ్రంగా స్పందిస్తాడు. గుండెలు పగిలేలా రోదిస్తాడు. ఉదాహరణగా, సినిమాలోని దేవదాసు పాత్ర అందరకు తెలిసిందే. తన ప్రేమ విఫలమైనందుకు దేవదాసు ఆల్కహాల్ కు బానిసై తన జీవితాన్ని ముగించుకుంటాడు. ఈ రకమైన పాత్రలు ఊహలే కాదు, వాస్తవంలో కూడా వున్నాయి. ప్రేమలో విఫలమైతే పురుషుడు రోదిస్తాడని రీసెర్చి రుజువు చేసింది.

నార్త్ కరోలినా లోని వేక్ ఫారెస్ట్ యూనివర్శిటీ లో ప్రొఫెసర్ రాబిన్ సైమన్ చేసిన ఒక స్టడీలో పురుషులు మహిళతో గల మంచి సంబంధాలలో బాగా ప్రయోజనం పొందుతారని ఆమే కనుక అతనిని వదలి వేసినా, నిర్లక్ష్య పరచినా ఎంతో బాధ పడతారని తేలింది. దీనికి ఉదాహరణగా అమెరికా దేశ బాక్సర్ మైక్ టైసన్ గురించి చెప్పుకోవచ్చు. అతని మాజీ భార్య వేరొకరితో వుండగా చూసిన మైక్ టైసన్ తాను కఠినాత్ముడైనప్పటికి, ఎంతో మెత్తగా మారిపోయినట్లు ఏడ్చాడట.

మహిళతో గల సంబంధంలో పురుషులు ఎంతో గర్వంగా వుంటారు. ఒక సారి వారు తిరస్కరించబడితే, అంతకు మించిన అవమానం లేదని భావిస్తారు. ఓడిపోయినట్లు, కోల్పోయినట్లు బాధపడతారు. సంబంధం దెబ్బతింటే పురుషుడు మహిళవలే తన అవమానాన్ని వేరొకరికి తేలికగా చెప్పుకోలేడు. కనుక మహిళలకే గుండె రోదన అధికమని పురుషులకు వుండదని చెపటం సరికాదు అంటున్నారు ఈ అంశంలో పరిశోధించిన రీసెర్చర్లు.

పురుషుడు, తన భావాలను రహస్యంగా వుంచుకుంటాడు. ఇక తనలో వాటిని దాచుకోలేక చివరకు బయటపెట్టేస్తాడు. పురుషులు మహిళలవలే బాగా ఏడ్వక పోయినప్పటికి, విచారంలో వుండి, తినకపోవటం, తాగకపోవటం, ఆల్కహాల్ వంటివాటికి అలవాటు పడటం, నిద్రించకపోవడం వంటివి చేస్తారు. ఒకసారి మోసగించబడిన తర్వాత అతను మరోమారు ఏ మహిళకు తన హృదయాన్ని పూర్తిగా అప్పగించడు. ఆపై ప్రతి ఒక్క సంబంధాన్ని ఎంతో అంచనా వేస్తాడు.

గట్టి అనుబంధాలు
పురుషుడు తన మహిళతో అనుబంధం ఏర్పరచుకోవడానికి చాలా సమయం తీసుకుంటాడు. ఒక సారి ఏర్పరచుకొన్న తర్వాత తన మహిళ తన ప్రేమ పరిధి దాటిందంటే, తీవ్రంగా బాధపడతాడు. అంతేకాదు, తన మహిళ తనకంటే ఆకర్షణీయంగా వున్న వ్యక్తితో సంబంధం ఏర్పరచుకుంటే అతను మరింత వ్యక్తిగతంగా విఫలత భావించి అడుగు ముందుకు వేయలేడు.